Մարդու իրավունքների վիճակը Ոստիկանության բարեփոխումների համատեքստում

Փետրվարի 9-ին՝ ժամը 10։45-ին, Երևանի Holiday Inn հյուրանոցի «Արմավիր» սրահում (Ամիրյան 2) տեղի կունենա հանրային քննարկում՝ «Մարդու իրավունքների վիճակը Ոստիկանության բարեփոխումների համատեքստում» թեմայով:

Քննարկման նպատակն է կրկին բարձրաձայնել ոստիկանության կողմից բռնությունների և խոշտանգումների, դրանց շարունակական աճի մասին։  Քննարկման ընթացքում կներկայացվի «Ոստիկանության բարեփոխումների «էվոլուցիան» վավերագրական ֆիլմը, որն անդրադառնում է ոստիկանության կողմից փաստաբանների նկատմամբ բռնության դեպքերին։

1-ին պանելային քննարկման բանախոսներ

• Նուշիկ Տեր-Մովսիսյան՝Հելսինկյան քաղաքացիական ասամբլեայի Վանաձորի գրասենյակի փաստաբան


• Նինա Կարապետյանց՝ «Հելսինկյան ասոցիացիա» ՀԿ-ի նախագահ


• Արաքս Մելքոնյան՝ «Իրավունքների պաշտպանություն առանց սահմանների» ՀԿ-ի նախագահ

2-րդ պանելային քննարկման բանախոսներ

• Տաթևիկ Խաչատրյան՝Ժողովրդավարության զարգացման հիմնադրամի Ծրագրերի ավագ ղեկավար


• Դանիել Իոանիսյան՝«Իրազեկ քաղաքացիների միավորում» ՀԿ-ի Ծրագրերի համակարգող


• Նատալի Սահակյան՝ ՀՀ ներքին գործերի նախարարության Ռազմավարական պլանավորման քաղաքականության մշակման ու մոնիթորինգի վարչության Հասարակական անվտանգության ապահովման և հանցավորության դեմ պայքարի ոլորտում քաղաքականության մշակման ու մոնիթորինգի բաժնի պետ

Կառուցողական քննարկման համար նախատեսվում է ունենալ հարցուպատասխանի փուլեր, որտեղ քաղհասարակության և պետական մարմինների ներկայացուցիչները հնարավորություն կունենան միմյանց ուղղել հարցեր և քննարկել առկա խնդիրները։

Հանրային քննարկումն ավարտվելու է Հանրային լրագրության ակումբի, Հելսինկյան քաղաքացիական ասամբլեայի Վանաձորի գրասենյակի, և «Իրավունքների պաշտպանություն առանց սահմանների» ՀԿ-ների՝ «Ներքին գործերի կուխնյա» համատեղ արշավի ամփոփմամբ։ Արշավի նպատակն էր կազմակերպել ոստիկանության բարեփոխումների վերաբերյալ խորհրդարանական լսումներ, Ներքին գործերի նախարարին հրավիրել Ազգային ժողով՝ պատասխանելու քաղաքացիների և լրատվամիջոցների ներկայացուցիչների հարցերին, տրամադրելու պարզաբանումներ ձախողված բարեփոխումների վերաբերյալ։

Քննարկումն իրականացնում է Հելսինկյան քաղաքացիական ասամբլեայի Վանաձորի գրասենյակը՝ Հանրային լրագրության ակումբի և «Իրավունքների պաշտպանություն առանց սահմանների» ՀԿ-ների հետ համատեղ՝ Պրահայի քաղաքացիական կենտրոնի ֆինանսավորմամբ։

Ուշադրություն

Միջոցառման մասնակցությունը միայն հրավերով է։

Լրագրողների մուտքն ազատ է։