Հռոմի ստատուտ. իրավական ի՞նչ նոր կարգավորումների անհրաժեշտություն է առաջանում

Name: Հռոմի ստատուտ. իրավական ի՞նչ նոր կարգավորումների անհրաժեշտություն է առաջանում
Start: 2023-10-06
End: 2023-10-06

Հոկտեմբերի 6-ին` ժամը 16:00-ին, Մեդիա կենտրոնի «Հենման կետ» հաղորդումը կհյուրընկալի Հայաստանի Ամերիկյան համալսարանի պրոֆեսոր, ՄԻԵԴ աշխատակազմի նախկին աշխատակից, փաստաբան Արման Զրվանդյանին:

Զրույցի թեման՝ «Հռոմի ստատուտ. իրավական ի՞նչ նոր կարգավորումների անհրաժեշտություն է առաջանում»:

Հոկտեմբերի 3-ին ՀՀ ԱԺ-ն վավերացրեց Հռոմի կանոնադրությունը՝ ստատուտը: Ըստ իշխանությունների՝ Հռոմի կանոնադրությունը գործիք է Հայաստանի համար՝ ռազմական հանցագործությունների համար պատասխանատվության ենթարկելու Ադրբեջանին, ինչպես նաև արցախահայերի տեղահանության համար Ադրբեջանի դեմ Միջազգային քրեական դատարան հայց ներկայացնելու հնարավորություն:

Հռոմի ստատուտի վավերացման քաղաքական ազդեցությունը Հայաստան-Ռուսաստան հարաբերությունների վրա քննարկվում է քաղաքական ամբիոններից:
Իրավական ի՞նչ հետևանքներ ու հայաստանյան իրավական համակարգում ի՞նչ վերաձևումներ է ենթադրում Հռոմի կանոնադրության վավերացումը:

Լրագրողների մուտքն ազատ է: Հարցերը հնարավոր է ուղարկել նաև առցանց՝ գրելով Մեդիա կենտրոնի ֆեյսբուքյան էջին։