Արցախի ծնողազուրկ երեխաներ. կարելի՞ է նրանց որդեգրել և ի՞նչ կարգով

Name: Արցախի ծնողազուրկ երեխաներ. կարելի՞ է նրանց որդեգրել և ի՞նչ կարգով
Start: 2023-10-06
End: 2023-10-06

Հոկտեմբերի 6-ին` ժամը 12:00-ին, Մեդիա կենտրոնի «Հենման կետ» հաղորդումը կհյուրընկալի ՀՀ Աշխատանքի և սոցիալական հարցերի նախարարության Երեխաների հիմնահարցերի բաժնի պետ Անահիտ Հովհաննիսյանին:

Զրույցի թեման՝ «Արցախի ծնողազուրկ երեխաներ. կարելի՞ է նրանց որդեգրել և ի՞նչ կարգով»:

Արցախից Հայաստան ժամանած մեր հայրենակիցների թիվը, ըստ պաշտոնական տվյալների,100․625 է։ Նրանցից շուրջ 29․000-ը՝ երեխա։ Հայաստան են տեղափոխվել նաև Ստեփանակերտի երեխաների խնամքի և պաշպանության գիշերօթիկ հաստատության սաները: 2022 թ.-ի տվյալներով՝ հաստատությունում բնակվում էր 18 երեխա: Սեպտեմբերի 19-ին Արցախի վրա Ադրբեջանի հարձակման, ապա սեպտեմբերի 25-ին Ստեփանակերտ-Ասկերան ավտոճանապարհի հարակից տարածքում հարյուրավոր մարդկանց կյանք խլած պայթյունի պատճառով կան ծնողներից զրկված երեխաներ: Նրանց որդեգրելու բազմաթիվ հայտեր կան սոցիալական ցանցերում: