Նոյեմբերի 2-ին` ժամը 14:00-ին, Մեդիա կենտրոնում տեղի ունեցավ հարցազրույց «Մարդկային զարգացման միջազգային կենտրոն»-ի ղեկավար Թևան Պողոսյանի հետ:
Թեման՝ «Հայ-ռուսական հարաբերություններ. ժամանակավոր ճգնաժա՞մ, թե՞ շահերի բախում»:
Սեպտեմբերի 24–ին ժողովրդին ուղղված ուղերձում ՀՀ վարչապետ Նիկոլ Փաշինյանը ներկայացրեց Հայաստանի Հանրապետության արտաքին անվտանգային վեկտորը լրացնելու անհրաժեշտությունը՝ հիմնավորելով, որ Ադրբեջանի հարձակումները Հայաստանի վրա, ռազմավարական դաշնակից ՌԴ-ի՝ Հայաստանի հանդեպ պայմանագրային պարտավորությունները չկատարելը վկայում են, որ անվտանգային գործող համակարգն արդյունավետ չէ:
«ՌԴ խաղաղապահ զորախումբը չի կարողացել կամ չի ցանկացել ապահովել ԼՂ հայության անվտանգությունը»,- արդեն հոկտեմբերի 25-ին ասել է ՀՀ վարչապետը ամերիկյան «Wall street journal»-ին տված հարցազրույցում։ Ինչպես նաև, որ որևէ առավելություն չի տեսնում Հայաստանում ռուսական ռազմաբազաների շարունակական ներկայության մեջ, սակայն Հայաստանից դրանք հանելու հարց չի քննարկվում։ Ամեն դեպքում, ՀՀ-ն Հավաքական անվտանգության պայմանագրի կազմակերպությունից (ՀԱՊԿ) դուրս գալու որոշում չի կայացրել.«Հարցերը քննարկման փուլում են»: Արդեն հոկտեմբերի 30-ին ՀԱՊԿ նախկին գլխավոր քարտուղար Նիկոլայ Բորդյուժան կարծիք հայտնեց, որ չի պատկերացնում Հայաստանի ապագան ՀԱՊԿ-ից դուրս. «Մենք շատ լավ հարաբերություններ ունենք Հայաստանի բազմաթիվ քաղաքական ուժերի հետ։ Այդ պատճառով, իմ կարծիքով՝ սա ժամանակավոր երևույթ է, բայց ամեն դեպքում Հայաստանը կլինի և՛ Ռուսաստանի, և՛ Բելառուսի, և՛ ՀԱՊԿ-ի հետ»:
Ի՞նչ հեռանկար ունի Հայաստան-Ռուսաստան ռազմավարական գործընկերությունը, որը, դե յուրե, ամրագրված է 1997թ. օգոստոսի 29-ի Բարեկամության, համագործակցության և փոխադարձ օգնության մասին պայմանագրով: Ի՞նչ վտանգներ և հեռանկարներ ունի Հայաստանի՝ քաղաքական արտաքին վեկտորի վերանայումը: «Առաջիկա օրերին և շաբաթներին Ադրբեջանի կողմից Հայաստան ներխուժելու» դեպքում ( այս մասին նոյեմբերի 1-ին ահազանգեց Լեմկինի ինստիտուտը) ի՞նչ սպասել Ռուսաստանից:
Մենք
