Փաստաբանական ծառայությունը կթանկանա՞. ահազանգում են փաստաբանները

Փետրվարի 6-ին, ժամը 16:00-ին, Մեդիա կենտրոնի «Հենման կետ» հաղորդման շրջանակում տեղի կունենա քննարկում՝ «Փաստաբանական ծառայությունը կթանկանա՞. ահազանգում են փաստաբանները» թեմայով։

Բանախոսներ՝

Արաքս Մելքոնյան՝ «Իրավունքների պաշտպանություն առանց սահմանների» ՀԿ նախագահ

Գոռ Գևորգյան` ՀՀ փաստաբանների պալատի անդամ

Միքայել Դանիելյան՝  ՀՀ փաստաբանների պալատի անդամ

Հրավիրել ենք նաև ՀՀ ֆինանսների նախարարության ներկայացուցչին:

Նախարարությունից փոխանցեցին, որ քանի դեռ նախագիծը քննարկումների փուլում է, և հնարավոր են վերանայումներ, առժամանակ ձեռնպահ են մնում այս թեմայով քննարկումներին մասնակցելուց:

ՀՀ ֆինանսների նախարարությունը շրջանառության մեջ է դրել «Հայաստանի Հանրապետության հարկային օրենսգրքում փոփոխություններ և լրացումներ կատարելու մասին» ՀՀ օրենքի նախագիծը:
Ըստ այդմ՝ փաստաբանական ծառայությունների մատուցումից առաջացող շրջանառության հարկը նախատեսվում է 2024 թվականի հոկտեմբերի 1-ից դարձնել 10 % (ներկայում այն 5% է): Ստացվում է, որ  շրջանառությունից առաջացող հարկային բեռը կրկնապատկվում է: Արդեն 2025 թ. հունվարի 1-ից նախատեսվում է բացառել փաստաբանական ծառայություն մատուցող հարկ վճարողների գործունեությունը շրջանառության հարկի համակարգում:

Փաստաբաններն ահազանգում են. նախագծի համաձայն` փաստաբանական ծառայություն մատուցող սուբյեկտները 2025 թ․ հունվարի 1-ից հարկադրված են լինելու գործել հարկման ընդհանուր համակարգում, ըստ այդմ` մատուցվող փաստաբանական ծառայությունների համար կիրառվելու է 20% ավելացված արժեքի հարկ: Դրանից զատ, հարկման ընդհանուր համակարգում գործելու դեպքում փաստաբանական ծառայություն մատուցողները վճարելու են նաև շահութահարկ, որի դրույքաչափը կազմում է 18%:

————————
Լրագրողների մուտքն ազատ է: Հարցերը հնարավոր է ուղարկել նաև առցանց՝ գրելով Մեդիա կենտրոնի ֆեյսբուքյան էջին։
————————
Հարգելի՛ գործընկերներ,
Շնորհակալ ենք Մեդիա կենտրոնի հետ համագործակցելու, մեր քննարկումներին ներկա գտնվելու եւ լուսաբանելու համար։ Մենք հետեւում ենք ձեր աշխատանքին եւ սիրով մեր էջում կիսվում Մեդիա կենտրոնում տեղի ունեցած քննարկումների վերաբերյալ ձեր կողմից պատրաստված նյութերով՝ պատշաճ հղում կատարելով լրատվականներին, եւ նույնն ակնկալում ենք ձեզանից։
Խնդրում ենք պահպանել մեր հեղինակային իրավունքները եւ Մեդիա կենտրոնի քննարկումներից մեջբերումներ անելիս տեղադրել քննարկման ակտիվ հղումը եւ/կամ պարտադիր նշել, որ քննարկումը տեղի է ունեցել Մեդիա կենտրոնում։
Եկե՛ք հավատարիմ մնանք բարեխիղճ լրագրության սկզբունքներին։
Շնորհակալություն։
Սիրով՝
Մեդիա կենտրոնի թիմ