Նոյեմբերի 25-ին՝ ժամը 15։30-ին, Մեդիա կենտրոնը կազմակերպեց քննարկում՝ «Ինչո՞ւ դրական բնութագիր չունեցող Մնացական Մարտիրոսյանն ընտրվեց Հակակոռուպցիոն դատարանի դատավոր» թեմայով։
Բանախոսներ՝
- Նինա Կարապետյանց՝ «Հելսինկյան ասոցիացիա» իրավապաշտպան կազմակերպության նախագահ
- Հասմիկ Հարությունյան՝ «Իրավունքների պաշտպանություն առանց սահմանների» ՀԿ իրավական հարցերով փորձագետ
Քաղհասարակության մի շարք կազմակերպություններ հայտարարություն են տարածել, որով դատապարտում են Մնացական Մարտիրոսյանի ընտրությունը՝ որպես Հակակոռուպցիոն դատարանի դատավոր։
Նոյեմբերի 21-ին Բարձրագույն դատական խորհուրդը կոռուպցիոն հանցագործությունների քննություն իրականացնող դատավորների կազմում ընդգրկվելու համար դատավոր ընտրեց Մնացական Մարտիրոսյանին։
«Նմանատիպ ընտրությունը դեմ է Հայաստանի ժողովրդավարացման օրակարգին և հետևանք է Հայաստանի Հանրապետության իշխանության կողմից վեթինգի ու անցումային արդարադատության տապալման, որոնց իրականացման անհրաժեշտությունը բազմիցս բարձրաձայնվել և հիմնավորվել է քաղաքացիական հասարակության և իրավաբանական համայնքի ներկայացուցիչների կողմից: Ժողովրդավարության զարգացումը Հայաստանում մեր քաղաքական կապիտալն է, որի շնորհիվ է նաև, որ մի շարք արևմտյան երկրներ և կառույցներ ներգրավվում են Հայաստանի անվտանգության հարցերում: Դրա բացակայության պայմաններում խնդիրներ ենք ստեղծում նաև մեր երկրի անվտանգության շուրջ»,- նշված է հայտարարությունում։
Մենք
