Իրավաբաններն արցախցիներին կոչ են անում պահպանել իրենց գույքի վերաբերյալ փաստաթղթերն ու այլ վկայությունները
12.11.2020
19:00
Ի՞նչ կարգավիճակով են Արցախի բնակիչները դուրս գալիս այն բնակավայրերից, որոնք, ըստ 2020 թվականի նոյեմբերի 10-ի Ադրբեջանի Հանրապետության նախագահ Իլհամ Ալիևի, Հայաստանի Հանրապետության վարչապետ Նիկոլ Փաշինյանի և Ռուսաստանի Դաշնության նախագահ Վլադիմիր Պուտինի կողմից ստորագրված համատեղ հայտարարության, հանձնվելու են Ադրբեջանի Հանրապետությանը:

Ի՞նչ փաստաթղթեր պետք է ունենան արցախցիները՝ հետագայում որպես ապացույց ներկայացնելու մասնավոր կամ մշակութային իրավունքների վերականգնմանն ուղղված հայցերի դեպքում:

Հանրային լրագրության ակումբ ՀԿ -ի Մեդիա կենտրոնի կազմակերպած քննարկման ընթացքում իրավաբան, Արցախի հայության իրավունքների պաշտպան Աննա Աստվածատուրյան Թերքոթը նշեց, որ այդ օրերին մարդիկ միայն ապրելու խնդիր ունեն, շատերը չգիտեն, թե  հաջորդ օրն ինչ է լինելու, ուր մնաց  մտաածեն դատական գործընթացի մասին: Մինչդեռ ըստ իրավաբանի`փաստաթղթերի հավաքագրումը շատ կարևոր է հետագա դատական գործընթացների համար:  Աննան ինքը փախստական է, նրա ընտանիքը տասնամյակներ առաջ Բաքվում հայերի ջարդերի ժամանակ մի կերպ կարողացել է փրկվել: 

Իրավաբան Մելինե Մայիլյանը Արցախից տեղափոխվող բոլոր քաղաքացիներին կոչ արեց իրենց հետ վերցնել ցանկացած փաստաթուղթ`անձնագիր, ծննդյան վկայական, գույքի և ունեցվածքի սեփականության վկայականներ: «Կարող է իրենց բնակության վայրից ընդհանրապես շատ հեռու տեղում իրենք հողային տարածքներ ունեն։ Կամ ունեն այլ մասնավոր սեփականություն, օրինակ, անշարժ գույք, ավտոմեքենաներ, մշակութային արժեք ներկայացնող իր: Նմանատիպ փաստաթղթերի հավաքագրումը պետք է տեղի ունենա»։

Ամերիկյան Nixon Peabody իրավաբանական ընկերության փաստաբան Իռեն Շոլ-Թադևոսյանն էլ հավելեց, որ եթե նույնիսկ մարդիկ չհասցնեն վերցնել այդ փաստաթղթերը, ապա պետք չէ խուճապի մատնվել: Նա կոչ արեց պահպանել տվյալ բնակավայրում ապրելու և տան մասին բոլոր ապացույցները, մասնավորապես` լուսանկարներ, տեսանյութեր, մամուլի հրապարակումներ և այլ վկայություններ:«Եթե ձեր հեռախոսում ունեք լուսանկարներ, որտեղ երևում է ձեր տունը և այն, որ դուք ապրում եք այդ տանը, պետք է այդ նկարները պահեք մի քանի տեղերում, որ լուսանկարները չկորչեն։ Նմանապես, եթե թերթերում հոդվածներ են հրապարկվել, որտեղ ներկայացված են տարածքում ապրող ընտանիքների մասին և թե ինչ նրանք ունեն, պետք է գտնել դրանք և պահել»։ Իրավաբանի խոսքով` դրանք փաստաթղթեր չեն, բայց կարող են օգտագործվել որպես ապացույց։

Աննա Աստվածատուրյան Թերքոթը նշեց, որ տարբեր հարթակներում ներկայացրել է Արցախի  հիմնախնդիրները: Ըստ նրա` 90-ականներին փախստականների վերաբերյալ տեղեկություններն ամբողջական ու լիարժեք  չեն հավաքագրվել ու  պահպանվել: Ուստի իրավաբանի խոսքով` Հայաստանի կառավարությունը չպետք է թույլ տա այդ սխալը:

Աննա Աստվածատուրյան Թերքոթը նշեց, որ երբ սոցիալական կայքերում բարձրաձայնել է այդ խնդիրերի մասին, շատ մարդիկ են արձագանքել` ներառյալ ԵՊՀ դասախոսներ, գիտանականներ, Արցախի ու Հայաստանի օմբուդմեններ Արտակ Բեգլարյանը և Արման Թաթոյանը:

Նա ասում է, որ տեղեկությունների հավաքագրման գործին պետք է լծվեն նաև հասարակական կազմակերպությունները: Ըստ նրա` այսօր թեև բոլորը շոկի մեջ են, սական պետք է կարողանան կազմակերպվել ու ճիշտ մոտեցում ցույց տալ այս խնդիրներին: Իրավաբանն ընդգծեց, որ ամենամեծ բեռը կառավարության վրա է, պետք է կարողանալ այդ ամբողջ տեղեկատվությունը հավաքել ու ճիշտ  դասակարգել ու պահպանել:

Ինչ վերաբերում է նյութական փոխհատուցումների հարցին Իռեն Շոլ-Թադևոսյանը, ով զբաղվում է Հոլոքոստից տուժած հրեա քաղաքացիների ունեցվածքի փոխհատուցման գործերով ամերիկյան դատարաններում, նշեց, որ դատական գործընթացները կարող են երկար տևել: «Օրինակ, Հոլոքոստի դեպքում դատական հայցը սկսել է 40 տարի հետո և միայն անցյալ տարի է դատական գործը փակվել, սակայն պետք չէ սահմանափակվել որևէ ժամանակով: Ոչ ոք չգիտի` հետագայում ինչ փոփոխություններ կլինեն թե Արցախում, թե  միջազգային ատյաններում: Բոլոր փաստաթղթերը, ապացույցները պետք է պահպանել, քանի որ հնարավոր է` այնպիսի փոփոխություններ տեղի ունենան, որոնք նպաստավոր պայմաններ ստեղծեն նմանատիպ գործերի առաջխաղացման և հաջողության համար»:

Տեսանյութ
Print Friendly and PDF
Այլ մամլո հաղորդագրություններ
Հայ խաղաղապահները՝ Ղազախստանում. վտանգներ. ՀԿ-ների հայտարարությունը
07.01.2022
13:00
Հունվարի 7-ին, ժամը 13:00-ին, Մեդիա կենտրոնում տեղի ունեցավ քննարկում՝ «Հայ խաղաղապահները՝ Ղազախստանում. վտանգներ. ՀԿ-ների հայտարարությունը» թեմայով:
Բանախոսներ՝
Արթուր Սաքունց` Հելսինկյան քաղաքացիական ասամբլեայի Վանաձորի գրասենյակի ղեկավար, իրավապաշտպան
Դանիել Իոաննիսյան` «Իրազեկ քաղաքացիների միավորում» ՀԿ ղեկավար
Ի՞նչ արդյունքներ է գրանցել Կոռուպցիայի կանխարգելման հանձնաժողովը. տարվա ամփոփում
28.12.2021
11:00
Դեկտեմբերի 28-ին՝ ժամը 11:00-ին, Մեդիա կենտրոնում տեղի ունեցավ մամուլի ասուլիս «Ի՞նչ արդյունքներ է գրանցել Կոռուպցիայի կանխարգելման հանձնաժողովը. տարվա ամփոփում» թեմայով:
Արդյո՞ք իշխող ուժը հավատարիմ է հեղափոխական արժեքներին
27.12.2021
16:39
Դեկտեմբերի 27-ին՝ ժամը 19:00-ին, Մեդիա կենտրոնի նախաձեռնությամբ «Ա1+»-ի հեռուստատաղավարում տեղի ունեցավ քննարկում «Արդյո՞ք իշխող ուժը հավատարիմ է հեղափոխական արժեքներին» թեմայով:
Բանախոսներ՝
Վարուժան Հոկտանյան՝ «Թրանսփարենսի Ինթերնեշնլ հակակոռուպցիոն կենտրոնի» ծրագրի ղեկավար
Արթուր Սաքունց՝ Հելսինկյան քաղաքացիական ասամբելայի Վանաձորի գրասենյակի ղեկավար
Դանիել Իոաննիսյան՝ Իրազեկ քաղաքացիների միավորում ՀԿ ծրագրերի համակարգող
Գրիգոր Երիցյան՝ Երևանի ավագանու նախկին անդամ
Քննարկմանը մասնակցելու հրավեր է ուղարկվել ԱԺ «Քաղաքացիական պայմանագիր» խմբակցությանը և Երևանի ավագանու «Իմ քայլը» խմբակցությանը, սակայն հրավերը մերժվել է:
Ինչո՞ւ է պաշտոնանկ արվում Հայկ Մարությանը. ո՞ւմ շահից է դա բխում
21.12.2021
10:00
Դեկտեմբերի 21-ին՝ ժամը 10:00-ին, Մեդիա կենտրոնում տեղի ունեցավ քննարկում «Ինչո՞ւ է պաշտոնանկ արվում Հայկ Մարությանը. ո՞ւմ շահից է դա բխում» թեմայով:
Բանախոսներ՝
Արմեն Գալջյան՝ Երևանի ավագանու Իմ քայլը խմբակցության ղեկավար
Դավիթ Խաժակյան՝ Երևանի ավագանում Լույս խմբակցության ղեկավար
Միքայել Մանրիկյան՝ Երևանի ավագանու Բարգավաճ Հայաստան խմբակցության ղեկավար
Գրիգոր Երիցյան՝ Երևանի ավագանու «Իմ քայլը» խմբակցության նախկին անդամ:
Միգրացիոն հոսքեր, խնդիրներ, կառավարում
15.12.2021
16:30
Դեկտեմբերի 15-ին, ժամը 16.30-ին Հանրային լրագրության ակումբը կազմակերպեց քննարկում «Միգրացիոն հոսքեր, խնդիրներ, կառավարում» խորագրով։
Բանախոսներ՝
- Արմեն Ղազարյան, Տարածքային կառավարման և ենթակառուցվածքների նախարարության Միգրացիոն ծառայության պետ։
– Ստեփան Գրիգորյան, Գլոբալիզացիայի և տարածաշրջանային համագործակցության վերլուծական կենտրոնի նախագահ։
Միջոցառումը կազմակերպվում է «ՀՀ-ԵՄ Համապարփակ և ընդլայնված գործընկերության համաձայնագրի (ՀԸԳՀ) իրականացման քաղաքացիական հասարակության համատեղ մշտադիտարկումն ու ջատագովությունը` հանուն Հայաստանում վստահելի և համակարգային բարեփոխումների» ծրագրի շրջանակում՝ Բաց հասարակության հիմնադրամներ-Հայաստանի աջակցությամբ:
«ՀՀ-ԵՄ Համապարփակ և ընդլայնված գործընկերության համաձայնագրով» ամրագրվում են ԵՄ–Հայաստան փոխգործակցության ոլորտները։ 2022 թվականի մարտի 1–ին լրանում է Համաձայնագրի գործողության մեջ մտնելու մեկ տարին։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ