Նոր քաղաքապետ, թե՞ նոր ավագանի
11.07.2018
11:00
Հուլիսի 9-ին Երևանի քաղաքապետ Տարոն Մարգարյանը հրաժարական ներկայացնելուց հետո ապագա քաղաքապետի ընտրության հետ կապված անորոշ իրավիճակ է ստեղծվել։

«Երևան քաղաքում տեղական ինքնակառավարման մասին» ՀՀ օրենքի հոդված 46-ի համաձայն՝ քաղաքապետի արտահերթ ընտրություններն անցկացվում են քաղաքապետի պաշտոնը թափուր մնալուց հետո ավագանու սահմանած ժամկետում, սակայն ոչ ուշ, քան մեկամսյա ժամկետում:  Քաղաքապետի արտահերթ ընտրություններն անցկացվում են քաղաքապետի ընտրությունների համար սահմանված կարգով:

Երևանի ավագանիում ներկայացված են 3 քաղաքական ուժեր՝ ՀՀԿ, Ելք դաշինք ու Երկիր Ծիրանի կուսակցություն, սակայն այս պահին դեռևս որոշված չէ, թե «Ելք» խմբակցությունը ինչպիսի որոշում կկայացնի՝ առաջադրել քաղաքապետի նոր թեկնածու, թե՞ նախապատվություն տալ ավագանու նոր ընտրությունների անցկացմանը։

Հուլիսի 11-ին Մեդիա կենտրոնում  տեղի ունեցած «Նոր իրավիճակ Տարոն Մարգարյանի հրաժարականից հետո․ ո՞վ է քաղաքապետի նոր թեկնածուն» թեմայով  քննարկման ընթացքում Երևանու «Ելք» խմբակցության ղեկավար Դավիթ Խաժակյանն ասում է, որ այդ թեմայով դաշինքի ներսում դեռ քննարկումներ չեն սկսվել, սակայն «Ելք» խմբակցությունում քաղաքապետ ընտրվելու ցենզին համապատասխանող յուրաքանչյուր անդամ կարող է լավագույնս իրեն դրսևորել քաղաքապետի պաշտոնում։

Բանախոսը նշում է, որ հնարավոր է երկու սցենար, որոնցից մեկն այն է, որ ամենակարճ ժամկետում ավագանին լուծարվի, և անցկացվեն ավագանու արտահերթ ընտրություններ: Դա կարող է տեղի ունենալ այն դեպքում, երբ խմբակցությունները որևէ թեկնածու չառաջադրեն, կամ էլ առաջադրելու դեպքում թեկնածուն բավարար ձայներ չհավաքի: Այդ ժամանակ կառավարությունը կրճատում է ավագանու լիազորությունների ժամկետը և 30-40 օրվա ընթացքում նշանակում ավագանու արտահերթ ընտրություններ: Դավիթ Խաժակյանը դրա հնարավոր ժամկետ համարեց սեպտեմբերը՝ հաշվի առնելով օրենսդրորեն սահմանված հրաժարականից հետո 73-օրյա ժամկետը: Երկրորդ սցենարը խմբակցությունների ներկայիս կազմից քաղաքապետ ընտրելն է:

«Ավագանու ընտրությունները պետք է կայանան երևի հենց այս տարվա մեջ՝ ցանկացած սցենարի դեպքում, դրանում ես վստահ եմ. մնում է միայն հասկանալ մի քանի ամիսների տարբերության խնդիրը»,- ասել է Դավիթ Խաժակյանը:

Տարոն Մարգարյանի հրաժարականից հետո մամուլում որպես քաղաքապետի թեկնածու շրջանառվում է «Ելք» խմբակցության քարտուղար Թեհմինա Վարդանյանի անունը, սակայն վերջինս ասում է, թե նախաձեռնությունը իրենից չի եղել ու տեղյակ չէ, թե ում նախաձեռնությունն է։ Վերջինս նաև նշում է, որ ինքը չի համապատասխանում Երևանի քաղաքապետի համար սահմանված տարիքային ցենզին։

«Անկեղծ ասած՝ չեմ կարող ասել, որևէ կասկած և փաստ չունեմ: Ընկերական շրջապատում նույնիսկ կատակում ենք, ասում ենք՝ երևի Խորվաթիայի նախագահի հայտնվելուց դա եղավ: Վերջին շրջանում իմ լուսանկարներն են տարածում ու գրում` քաղաքապետի իմ թեկնածուն, գուցե դա է նաև պատճառը, չգիտեմ: Ինչ վերաբերում է հարցին, թե երբևէ հայտնե՞լ եմ նման ցանկություն, ասեմ, որ վերջին մեկ տարվա ընթացքում որևէ անգամ նման բան չեմ ասել»,- նշում է Թեհմինա Վարդանյանը։

Դավիթ Խաժակյանը չի կարծում, որ ՀՀԿ-ն քաղաքապետի թեկնածու կառաջադրի․

«Ես չեմ կարծում, որ նրանք այնքան քաղաքական ռեսուրս ունեն, որ դա անեն: Քաղաքական տեսանկյունից դա սխալ կլինի, որովհետև Տարոն Մարգարյանը հրաժարական է տվել ոչ թե որպես անձ, այլ ՀՀԿ ներկայացուցիչ: Իրենց մեջ էլ շատ դժվար է ընտրել քաղաքապետի ընդունելի թեկնածու: Ով էլ լինի, մերժվելու է հասարակության կողմից: Ես չեմ կարծում, որ նման չարդարացված ռիսկի նրանք պատրաստ են դիմել: Անձամբ ես կարծում եմ, որ ՀՀԿ-ն չպետք է քաղաքապետի թեկնածու առաջադրի: «Ելք» խմբակցությունում ցանկացած ավագանի պատրաստ է այդ բեռը ստանձնել»։ 

Դերենիկ Մալխասյան, Մեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեք [email protected] էլփոստին:

Տեսանյութ
Print Friendly and PDF
Այլ մամլո հաղորդագրություններ
Ի՞նչն է խանգարում ԵԱՀԿ Մինսկի խմբի համանախագահներին այցելել Արցախ
20.01.2022
12:00
Հունվարի 20-ին՝ ժամը 12:00-ին, Մեդիա կենտրոնում տեղի ունեցավ հարցազրույց Գլոբալիզացիայի և տարածաշրջանային համագործակցության վերլուծական կենտրոնի նախագահ Ստեփան Գրիգորյանի հետ:

Թեման՝ «Ի՞նչն է խանգարում ԵԱՀԿ Մինսկի խմբի համանախագահներին այցելել Արցախ»:
Հանրակրթությունը քրեակատարողական հիմնարկներում
19.01.2022
12:00
Հունվարի 19-ին՝ ժամը 12:00-ին, Մեդիա կենտրոնում տեղի ունեցավ քննարկում «Հանրակրթությունը քրեակատարողական հիմնարկներում» թեմայով:

Բանախոսներն են՝
Նարե Հովհաննիսյան՝ «Իրավական նախաձեռնությունների կենտրոն» ՀԿ-ի նախագահ,
Ծովինար Թադևոսյան՝ ՀՀ ԱՆ քրեակատարողական ծառայության սոցիալական, հոգեբանական և իրավական աշխատանքների բաժնի պետ,
Անուշ Հայրումյան՝ «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի ուսումնամեթոդական դեպարտամենի պետ,
Անահիտ Խաչատրյան՝ «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի վերականգնողական ծրագրերի և հանրակրթության բաժնի գլխավոր մասնագետ
ՀՀ Սահմանադրությունը և դատական իշխանությունը
18.01.2022
12:00
Հունվարի 18-ին՝ ժամը 12։00-ին, Մեդիա կենտրոնում տեղի ունեցավ փորձագիտական քննարկում՝ «ՀՀ Սահմանադրությունը և դատական իշխանությունը» խորագրով:

Բանախոսներ՝
Արթուր Սաքունց՝ Հելսինկյան քաղաքացիական ասամբլեայի Վանաձորի գրասենյակի նախագահ
Դավիթ Գյուրջյան՝ Իրավունքի զարգացման և պաշտպանության hիմնադրամի իրավական հարցերով փորձագետ
ԵՄ-Հայաստան համապարփակ և ընդլայնված համագործակցության համաձայնագրի կատարման ընթացքի գնահատում և վերլուծում
13.01.2022
12:00
Հունվարի 13-ին՝ ժամը 12:00-ին, Մեդիա կենտրոնում տեղի ունեցավ հարցազրույց ՀՀ ԱԺ եվրոպական ինտեգրման հարցերի մշտական հանձնաժողովի նախագահ, ԱԺ «Քաղաքացիական պայմանագիր» խմբակցության պատգամավոր Արման Եղոյանի հետ՝ «ԵՄ-Հայաստան համապարփակ և ընդլայնված համագործակցության համաձայնագրի կատարման ընթացքի գնահատում և վերլուծում» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ