«Մեդիա ավտոբուսը» հայ-թուրքական հարաբերությունների կարգավորման միջոց
24.10.2014
12:00
«Մեդիա ավտոբուս» նախագծի շրջանակներում Հայաստանում է գտնվում 10 լրագրող ու բլոգեր Թուրքիայից, ովքեր իրենց 10 հայաստանցի գործընկերների հետ կատարել են համատեղ ավտոբուսային շրջագայություն Հայաստանում ու Թուրքիայում:

«Հայ գործընկերներին ճանաչելն ու Հայաստանը տեսնելն իմ մասնագիտական տեսանկյունից շատ կարևոր հնարավորություն է… Հնարավոր չէ երկու երկրների միջև հարաբերություններ հաստատել, քանի դեռ երկու երկրների ժողովուրդներն իրար չեն ճանաչում», - ասաց նախագծի մասնակից անկախ լրագրող Հուսեյն Հայաթսեվերն այսօր «Մեդիա կենտրոնում» տեղի ունեցած մամլո ասուլիսին:

Հուսեյն Հայաթսեվերը կարևորեց այն փաստը, որ «Մեդիա ավտոբուսի» շնորհիվ ինքը ոչ թե երրորդ անձանց միջոցով, այլ հենց անմիջական շփումների միջոցով հասկացավ, թե ինչ են մտածում հայաստանցի լրագրողները հայ-թուրքական հարաբերությունների մասին:

Համատեղ շրջագայության, ինչպես նաև հարևան երկրների մասին իրենց կարծիքներն ու տպավորությունները փոխանցեցին նաև նախագծի կազմակերպիչ Եվրասիա համագործակցության հիմնադրամի (ԵՀՀ) փոխտնօրեն Վազգեն Կարապետյանը, Հանրային Ռադիոյի լրագրողՄերի Մուսինյանըև Թըդեյզ զաման (Today’s Zaman) թերթի լրագրող Օսման Ունալանը:

Եվրասիա համագործակցության հիմնադրամի (ԵՀՀ) փոխտնօրեն Վազգեն Կարապետյանը ներկայացրեց «Աջակցություն Հայաստան - Թուրքիա կարգավորման գործընթացին» ծրագրի շրջանակներում երրորդ ավտոբուսային շրջագայության մանրամասները` նշելով, որ այս նախագծի շրջանակներում արդեն ստեղծվել է 30-40 հոգանոց Հայաստանի և Թուրքիայի լրագրողներինց կազմված խումբ, որոնք մասնագիտական ու մարդկային կապեր են հաստատել: «Երրորդ նախագծի անդամներն արևմտյան Թուրքիա կատարած այցելությունից հետո արդեն Երևանում են: Ծրագրի՝ այցելությունների փուլի ավարտից հետո, հուսով եմ, խմբի անդամները կշարունակեն շփվել և առավելագույնը կօգտագործեն այս ընկերությունն ու կապն իրենց մասնագիտական գործունեության մեջ», - հայտարարեց Վազգեն Կարապետյանը:

Մերի Մուսինյանի խոսքով` այցելության ընթացքում իրենք շատ հետաքրքիր և զարմացնող Թուրքիա են տեսել, իսկ Հայաստանում ավտոբուսից իջնելիս միմյանց մասին ունեին շատ ավելի ճիշտ պատկերացումներ, քան մինչ այդ:

«Քանի որ մենք չունենք պաշտոնական հարաբերություններ, մեզ հետաքրքիր է` ինչպես են մարդիկ մտածում, ու ինչ հնարավորություններ կան ի դեմս նրանց այդ հարաբերություները կարգավորելու համար», - նշեց Մերի Մուսինյանը` հավելելով, որ մտադիր է իր ունկնդիրներին ցույց տալ Հայաստանի ու Թուրքիայի լրագրողների միջև կայացած երկխոսությունը:

Թըդեյզ զաման (Today’s Zaman) թերթի լրագրող Օսման Ունալանը, պատասխանելով հարցին, թե Հայաստանի մասին ինչ են ուզում կարդալ Թուրքիայի քաղաքացիներն, ասաց. «Մեր ընթերցողը Հայաստանի մասին հոդվածներ ցանկանում է կարդալ, հատկապես, երբ Թուրքիայի վարչապետը կամ նախագահը խոսում են դրա մասին… Հայաստանի թեման ավելի շատ խմբագրական տիրույթում է, և անդրադառնում են, երբ կա դրա անհրաժեշտությունը»:

Իր խոսքում Մերի Մուսինյանը նշեց. «Ես չգիտեմ` քաղաքական գործիչները երբ կբացեն սահմանները, բայց գիտեմ, որ ի դեմս մեզ` առաջադեմ և ազատախոս մարդկանց, այդ սահմանը կբացվի մեր մտքերում. մենք կջարդենք մեր մտքում այդ պատը»:

Հուսեյին Հայաթսեվերի դիտարկմամբ` եթե քաղաքական գործիչները քայլ չկատարեն հայ-թուրքական հարաբերությունները կարգավորելու համար, ապա լրագրողների հնարավորությունները շատ ավելի սահմանափակ կլինեն: «Ո´չ ուզում եմ նսեմացնել ո´չ էլ ուռճացնել լրագրողների դերը: Մենք շատ անելիք ունենք, և նախևառաջ այն լեզուն, որով մենք գրում ենք, չպետք է տարածի ատելություն», - ասաց Հուսեյին Հայաթսեվերը:

Օսման Ունալանը կոչ արեց Հայաստանի ու Թուրքիայի լրագրողներին ու հասարակական սեկտորի ներկայացուցիչներին կտրվել բացասական մտածելակերպից, որպեսզի հնարավոր լինի լուծել երկու հասարակությունների միջև եղած խնդիրը:

ԻսկՀուսեյին Հայաթսեվերը վստահ է, որ մեր աշխարհագրական տարածաշրջանը լի է ցավերով, որոնց վերջ դնելու համար պետք է ունենալ ցավերի չափին հավասար մարդկային արժեքներ:

  

«Մեդիա ավտոբուս» շրջագայությանը մասնակցում են 10 լրագրող Հայաստանից և 10 լրագրող Թուրքիայից: Նրանք հոկտեմբերի 13-19 ավտոբուսով շրջել են Թուրքիայի (Ստամբուլ, Իզմիր, Ֆեթիյե, Անթալիա, Կապադովկիա, Անկարա) և 20-26` Հայաստանի (Դիլիջան, Երևան, Սևանա լիճ, Սիսիան, Գառնի) բնակավայրերով, որի ընթացքում  պատրաստված ճամփորդական նոթերը, տեսանյութերը, հարցազրույցներն ու վերլուծականները հրապարակվելու են հայկական և թուրքակական լրատվամիջոցներում ինչպես նաեւ www.armenia-turkey.net կայքում:

Համատեղ ավտոբուսային շրջագայությունը կազմակերպվում է «Աջակցություն Հայաստան-Թուրքիա կարգավորման գործընթացին» ծրագրի շրջանակներում, որն իրականացնում է Հայաստանի և Թուրքիայի ութ հասարակական կազմակերպություններից բաղկացած կոնսորցիումը՝  Եվրոպական միության «Կայունության գործիքի» ֆինանսական աջակցությամբ: 

Կոնսորցիումի անդամներն են` Հայաստանում` Սիվիլիթաս հիմնադրամը, Եվրասիա համագործակցություն հիմնադրամը, Հանրային լրագրության ակումբը, Տարածաշրջանային հետազոտությունների կենտրոնը, Թուրքիայում` Անադոլու Քյուլթյուրը, Թուրքիայի տնտեսական քաղաքականության հետազոտությունների հիմնադրամը (Տեպավ), Հելսինկյան Քաղաքացիական Ասամբլեան և Հրանտ Դինք հիմնադրամը։

 

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
Սահմանադրական փոփոխությունների հարցում դեռ անորոշություններ կան, Ընտրական օրենսգրքում որոշ փոփոխություններ արդեն կատարվել են
12.10.2021
12:50
Հայաստանը պարտավորվել է ընտրական ու սահմանադրական բարեփոխումներ անցկացնել դեռ 2017-ին ստորագրված Հայաստան-Եվրամիություն Համապարփակ և ընդլայնված գործընկերության համաձայնագրով։ Ավելի քան երեք տարի առաջ Բրյուսելում ստորագրված համաձայնագիրն ուժի մեջ մտավ 2021-ի մարտի 1-ին:
Ժողովրդագրական խնդիրներ. կարո՞ղ ենք կասեցնել արտագաղթի ընթացքը
07.10.2021
17:30
Հոկտեմբերի 7-ին, ժամը 17:30-ին, Մեդիա կենտրոնում, տեղի ունեցավ հարցազրույց՝ Աշխատանքի և սոցիալական հարցերի նախարարության կառուցվածքային ստորաբաժանումների առանձին գործառույթները համակարգող խորհրդական, ժողովրդագրագետ Արտակ Մարկոսյանի հետ՝ «Ժողովրդագրական խնդիրներ. կարո՞ղ ենք կասեցնել արտագաղթի ընթացքը» թեմայով:
Հարցազրույցը բաց է ԶԼՄ-ների համար:
Ապաստարանների խնդիրները՝ պատերազմից մեկ տարի անց
07.10.2021
16:30
Հոկտեմբերի 7-ին, ժամը 16:30-ին, Մեդիա կենտրոնում տեղի ունեցավ քննարկում՝ «Ապաստարանների խնդիրները՝ պատերազմից մեկ տարի անց» թեմայով:
Բանախոսներ՝
Ռուզաննա Ադամյան, ՀՀ քաղաքաշինության կոմիտեի շինարարության և գիտատեխնիկական նորմավորման վարչության պետ
Մարիա Հովումյան, «Դիմակայուն համայնքներ» քաղաքացիական նախաձեռնություն,
Արմինե Պետրոսյան, «Հայ Ձմեռ պապ» բարեգործական հիմնադրամ,
Ինգա Հարությունյան, «Պահապան» հիմնադրամ
Էռնեստ Ավանեսով, Երևանի ավագանու անդամ
Դիմել էինք նաև ՀՀ Արտակարգ իրավիճակների նախարարություն: Արձագանք այդպես էլ չեղավ:
Հայաստանին ուղղված անվտանգային մարտահրավերներ. պատրա՞ստ ենք համարժեք արձագանքել
07.10.2021
12:00
Հոկտեմբերի 7-ին, ժամը 12:00-ին, Մեդիա կենտրոնում տեղի ունեցավ քննարկում՝ «Հայաստանին ուղղված անվտանգային մարտահրավերներ. պատրա՞ստ ենք համարժեք արձագանքել» թեմայով:
Բանախոս՝
Էդգար Խաչատրյան, «Խաղաղության երկխոսություն» ՀԿ նախագահ:
2020 թ. Ղարաբաղյան պատերազմը և Հայաստանի ապագա արտաքին ու անվտանգության քաղաքականությունները
06.10.2021
19:00
Հոկտեմբերի 6-ին, ժամը 19:00-ին Մեդիա կենտրոնը կազմակերպեց առցանց քննարկում՝ «2020 թ. Ղարաբաղյան պատերազմը և Հայաստանի ապագա արտաքին ու անվտանգության քաղաքականությունները» թեմայով:

Բանախոսներ՝
Ժիրայր Լիպարիտյան՝ պատմաբան, նախկին դիվանագետ
Թալին Փափազյան` ֆրանսահայ քաղաքագետ
Ռոբերտ Այդաբիրյան` ֆրանսահայ բիզնես ղեկավար և վերլուծաբան
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ