«Աշխատողներին ստիպում են ընտրել կենսաթոշակային ֆոնդեր»
31.01.2014
12:00
«Կոնկրետ ճնշումներ կան դպրոցներում և մանկապարտեզներում. աշխատողներին ստիպում են ընտրել կենսաթոշակային ֆոնդեր: Ճնշումներ են արձանագրվել նաև Արմսվիսբանկ (ArmSwissBank), «Հայաստանի էլեկտրական ցանցեր» ընկերություններում»,-ասաց «Դեմ! եմ» նախաձեռնության անդամ, քաղաքագետ Դավիթ Մանուկյանը: Այսօր «Մեդիա կենտրոնում» «Դեմ! եմ» նախաձեռնությունն անդրադարձավ պետաշխատողներին կենսաթոշակային ֆոնդեր պարտադրելու խնդրին:

Սահմանադրական դատարանի` հունվարի 24-ի աշխատակարգային որոշման արդյունքում ստեղծվել է մի իրավիճակ, երբ վեճի առարկան որոշակիորեն փոխադրվել է գործատու-աշխատող հարաբերությունների հարթություն: 

Պարզաբանելով ստեղծված դրությունը` Դավիթ Մանուկյանը հավելեց. «Որպես այդպիսին վճարում/փոխանցում կատարելու օրենքի նորմը կասեցված չէ, կասեցված է այդ վճարումը չկատարելու համար սպասվող պատասխանատվության նորմը. գործատուն փոխանցում կարող է չկատարել»:

Պետական հիմնարկությունների աշխատակիցների ճյուղային արհմիության նախագահ Անահիտ Ասատրյանը հայտնեց, որ բազմաթիվ քայլեր են ձեռնարկվել աշխատողների իրավունքների իրազեկման ուղղությամբ: Մեկնաբանելով պետական  աշխատողների շրջանում ստեղծված վախի մթնոլորտը` բանախոսը նշեց, որ համոզված է` աշխատողների միասնական պայքարի դեպքում ոչ ոք չի կարող նրանց աշխատանքից ազատել:

«Այս օրենքը ժամանակավրեպ է, մինչև օրենքն ընդունելը կառավարությունը պետք է տաներ նախապատրաստական աշխատանքներ, ինչը չի արվել»,-հավելեց Հայաստանի արհեստակցական միությունների կոնֆեդերացիայի իրավաբանական բաժնի պետ Միքայել Փիլիպոսյանը:

«Դեմ! եմ» նախաձեռնության անդամ, իրավաբանԳևորգ Հայրապետյանն իր հերթին փաստեց, որ տեղյակ է բազմաթիվ դեպքերի մասին, երբաշխատողները և նրանց խմբերը չեն զլացել և դիմում են գրել իրենց գործատուին` խնդրելով իրենց սեփականությունը հանդիսացող պայմանական 5 տոկոսը չփոխանցել և հայտնել են այն մասին,  որ դեռ չեն պատրաստվում ընտրել որևէ ֆոնդ.սա իրավունքների պաշտպանության ևս մի տարբերակ է:

Դավիթ Մանուկյանը տեղեկացրեց, որ մինչև մարտի 28-ը` Սահմանադրական դատարանի դիմումը քննելու օրը, լինելու են հստակ վեկտորներով գործողություններ, հատկապես ակտիվ այցեր դեպի մարզեր. Վանաձորը, Ալավերդին, Կապանը և Գյումրին արդեն իրենց հետ են այս հակասոցիալական և հակասահմանադրական օրենքի դեմ պայքարում և փետրվարի 8-ին Վանաձորում տեղի կունենա հերթական բողոքի ակցիան:

Հունվարի 31-ին «Մեդիա կենտրոնում» տեղի ունեցավ «Դեմ! եմ» նախաձեռնության ասուլիսը` նվիրված պետաշխատողներին կենսաթոշակային ֆոնդեր պարտադրելու խնդրին: Ասուլիսի բանախոսներն էին` Դավիթ Մանուկյան` «Դեմ! եմ» նախաձեռնության անդամ, քաղաքագետ, Գևորգ Հայրապետյան` «Դեմ! եմ» նախաձեռնության անդամ, իրավաբան, Անահիտ Ասատրյան՝ Պետական հիմնարկությունների աշխատակիցների ճյուղային արհմիության նախագահ, Միքայել Փիլիպոսյան՝ Հայաստանի արհեստակցական միությունների կոնֆեդերացիայի իրավաբանական բաժնի պետ:

Տեսանյութ
Print Friendly and PDF
Այլ մամլո հաղորդագրություններ
Հայ խաղաղապահները՝ Ղազախստանում. վտանգներ. ՀԿ-ների հայտարարությունը
07.01.2022
13:00
Հունվարի 7-ին, ժամը 13:00-ին, Մեդիա կենտրոնում տեղի ունեցավ քննարկում՝ «Հայ խաղաղապահները՝ Ղազախստանում. վտանգներ. ՀԿ-ների հայտարարությունը» թեմայով:
Բանախոսներ՝
Արթուր Սաքունց` Հելսինկյան քաղաքացիական ասամբլեայի Վանաձորի գրասենյակի ղեկավար, իրավապաշտպան
Դանիել Իոաննիսյան` «Իրազեկ քաղաքացիների միավորում» ՀԿ ղեկավար
Ի՞նչ արդյունքներ է գրանցել Կոռուպցիայի կանխարգելման հանձնաժողովը. տարվա ամփոփում
28.12.2021
11:00
Դեկտեմբերի 28-ին՝ ժամը 11:00-ին, Մեդիա կենտրոնում տեղի ունեցավ մամուլի ասուլիս «Ի՞նչ արդյունքներ է գրանցել Կոռուպցիայի կանխարգելման հանձնաժողովը. տարվա ամփոփում» թեմայով:
Արդյո՞ք իշխող ուժը հավատարիմ է հեղափոխական արժեքներին
27.12.2021
16:39
Դեկտեմբերի 27-ին՝ ժամը 19:00-ին, Մեդիա կենտրոնի նախաձեռնությամբ «Ա1+»-ի հեռուստատաղավարում տեղի ունեցավ քննարկում «Արդյո՞ք իշխող ուժը հավատարիմ է հեղափոխական արժեքներին» թեմայով:
Բանախոսներ՝
Վարուժան Հոկտանյան՝ «Թրանսփարենսի Ինթերնեշնլ հակակոռուպցիոն կենտրոնի» ծրագրի ղեկավար
Արթուր Սաքունց՝ Հելսինկյան քաղաքացիական ասամբելայի Վանաձորի գրասենյակի ղեկավար
Դանիել Իոաննիսյան՝ Իրազեկ քաղաքացիների միավորում ՀԿ ծրագրերի համակարգող
Գրիգոր Երիցյան՝ Երևանի ավագանու նախկին անդամ
Քննարկմանը մասնակցելու հրավեր է ուղարկվել ԱԺ «Քաղաքացիական պայմանագիր» խմբակցությանը և Երևանի ավագանու «Իմ քայլը» խմբակցությանը, սակայն հրավերը մերժվել է:
Ինչո՞ւ է պաշտոնանկ արվում Հայկ Մարությանը. ո՞ւմ շահից է դա բխում
21.12.2021
10:00
Դեկտեմբերի 21-ին՝ ժամը 10:00-ին, Մեդիա կենտրոնում տեղի ունեցավ քննարկում «Ինչո՞ւ է պաշտոնանկ արվում Հայկ Մարությանը. ո՞ւմ շահից է դա բխում» թեմայով:
Բանախոսներ՝
Արմեն Գալջյան՝ Երևանի ավագանու Իմ քայլը խմբակցության ղեկավար
Դավիթ Խաժակյան՝ Երևանի ավագանում Լույս խմբակցության ղեկավար
Միքայել Մանրիկյան՝ Երևանի ավագանու Բարգավաճ Հայաստան խմբակցության ղեկավար
Գրիգոր Երիցյան՝ Երևանի ավագանու «Իմ քայլը» խմբակցության նախկին անդամ:
Միգրացիոն հոսքեր, խնդիրներ, կառավարում
15.12.2021
16:30
Դեկտեմբերի 15-ին, ժամը 16.30-ին Հանրային լրագրության ակումբը կազմակերպեց քննարկում «Միգրացիոն հոսքեր, խնդիրներ, կառավարում» խորագրով։
Բանախոսներ՝
- Արմեն Ղազարյան, Տարածքային կառավարման և ենթակառուցվածքների նախարարության Միգրացիոն ծառայության պետ։
– Ստեփան Գրիգորյան, Գլոբալիզացիայի և տարածաշրջանային համագործակցության վերլուծական կենտրոնի նախագահ։
Միջոցառումը կազմակերպվում է «ՀՀ-ԵՄ Համապարփակ և ընդլայնված գործընկերության համաձայնագրի (ՀԸԳՀ) իրականացման քաղաքացիական հասարակության համատեղ մշտադիտարկումն ու ջատագովությունը` հանուն Հայաստանում վստահելի և համակարգային բարեփոխումների» ծրագրի շրջանակում՝ Բաց հասարակության հիմնադրամներ-Հայաստանի աջակցությամբ:
«ՀՀ-ԵՄ Համապարփակ և ընդլայնված գործընկերության համաձայնագրով» ամրագրվում են ԵՄ–Հայաստան փոխգործակցության ոլորտները։ 2022 թվականի մարտի 1–ին լրանում է Համաձայնագրի գործողության մեջ մտնելու մեկ տարին։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ