Դատադուլ հայտարարած փաստաբանները
06.06.2013
12:00
Հունիսի 6-ին` ժամը 12:00-ին «Մեդիա կենտրոնում» տեղի ունեցավ քննարկում` հունիսի 10-ին եւ 11-ին փաստաբանների կողմից հայտարարած դատադուլի վերաբերյալ: Նրանք այդ օրերին չեն մասնակցի որեւէ քննչական գործողության, չեն ներկայանա դատական նիստերին՝ այդկերպ դժգոհելով Վճռաբեկ դատարանի կողմից գործերը վարույթ չընդունելու որոշումներից:

Փաստաբանները բողոքում են, որ ՀՀ վճռաբեկ դատարանի կողմից բողոքները վարույթ չեն ընդունվում ու վերադարձվում են: Նաեւ վճռաբեկ դատարանը երբեմն կայացնում է  իր նախկին որոշումներին ուղղակիորեն հակասող նորանոր որոշումներ, առանց պատճառաբանելու, թե ինչու է շեղվում սեփական նախադեպերից:

Բանախոսներն էին՝ փաստաբաններ Հայկ Ալումյանը, Սամվել Ջաղինյանը, Արա Ղազարյանը, Մարդու իրավունքների պաշտպանի տեղակալ Գենյա Պետրոսյանը, ՀՀ դատական դեպարտամենտի միջազգային համագործակցության եւ հասարակայնության հետ կապերի ծառայության պետ Արսեն Բաբայանը:

«Եվրոպական դատարանը սպասարկում է 800 մլն բնակչություն` ունենալով ընդամենը 57 փաստաբան: Մենք խոսում ենք այն մասին, որ Վճռաբեկ դատարանը չի հասցնում սպասարկել 3 մլն բնակչություն ունեցող Հայաստանը: Մեզ համար անհասկանալի է Վճռաբեկ դատարանի վարքագիծը, երբ պետական մարմնի բողոքները գրեթե միշտ են վարույթ են ընդունվում, իսկ շարքային քաղաքացիների բողոքները` շատ քիչ տոկոսով», - ասաց Հայկ Ալումյանը:

Նույն բողոքները ներկայացրեց նաեւ Ջաղինյանը՝ նշելով, որ փաստաբանները, այս տարի եւս դատադուլ իրականացնելով,  ցույց են տալիս, որ հետեւողական են:

Իրավաբան Արա Ղազարյանը չի միանում փաստաբանների հայտարարած դատադուլին՝ նշելով պայքարի այլ տարբերակներ:

«Մենք պետք է մոռանանք Վճռաբեկ դատարանի գոյության մասին, դա մարդու իրավունքները վերականգնող դատարան չէ, դրա համար կա Վերաքննիչ դատարան»,- ասաց նա:

Մարդու իրավունքների պաշտպանի տեղակալ Գենյա Պետրոսյանը  իր զորակցությունը հայտնեց բողոքի ակցիան նախաձեռնած փաստաբաններին՝ ասելով, որ խնդիրն անպայման պետք է  բարձրաձայնվի:

Արսեն Բաբայանը քննադատեց փաստաբանների դատադուլը` նշելով, թե դա նույնն է, ինչ բժիշկները գործադուլ կազմակերպեն ու թողնեն, որ մարդիկ մահանան: 

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
Ի՞նչն է խանգարում ԵԱՀԿ Մինսկի խմբի համանախագահներին այցելել Արցախ
20.01.2022
12:00
Հունվարի 20-ին՝ ժամը 12:00-ին, Մեդիա կենտրոնում տեղի ունեցավ հարցազրույց Գլոբալիզացիայի և տարածաշրջանային համագործակցության վերլուծական կենտրոնի նախագահ Ստեփան Գրիգորյանի հետ:

Թեման՝ «Ի՞նչն է խանգարում ԵԱՀԿ Մինսկի խմբի համանախագահներին այցելել Արցախ»:
Հանրակրթությունը քրեակատարողական հիմնարկներում
19.01.2022
12:00
Հունվարի 19-ին՝ ժամը 12:00-ին, Մեդիա կենտրոնում տեղի ունեցավ քննարկում «Հանրակրթությունը քրեակատարողական հիմնարկներում» թեմայով:

Բանախոսներն են՝
Նարե Հովհաննիսյան՝ «Իրավական նախաձեռնությունների կենտրոն» ՀԿ-ի նախագահ,
Ծովինար Թադևոսյան՝ ՀՀ ԱՆ քրեակատարողական ծառայության սոցիալական, հոգեբանական և իրավական աշխատանքների բաժնի պետ,
Անուշ Հայրումյան՝ «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի ուսումնամեթոդական դեպարտամենի պետ,
Անահիտ Խաչատրյան՝ «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի վերականգնողական ծրագրերի և հանրակրթության բաժնի գլխավոր մասնագետ
ՀՀ Սահմանադրությունը և դատական իշխանությունը
18.01.2022
12:00
Հունվարի 18-ին՝ ժամը 12։00-ին, Մեդիա կենտրոնում տեղի ունեցավ փորձագիտական քննարկում՝ «ՀՀ Սահմանադրությունը և դատական իշխանությունը» խորագրով:

Բանախոսներ՝
Արթուր Սաքունց՝ Հելսինկյան քաղաքացիական ասամբլեայի Վանաձորի գրասենյակի նախագահ
Դավիթ Գյուրջյան՝ Իրավունքի զարգացման և պաշտպանության hիմնադրամի իրավական հարցերով փորձագետ
ԵՄ-Հայաստան համապարփակ և ընդլայնված համագործակցության համաձայնագրի կատարման ընթացքի գնահատում և վերլուծում
13.01.2022
12:00
Հունվարի 13-ին՝ ժամը 12:00-ին, Մեդիա կենտրոնում տեղի ունեցավ հարցազրույց ՀՀ ԱԺ եվրոպական ինտեգրման հարցերի մշտական հանձնաժողովի նախագահ, ԱԺ «Քաղաքացիական պայմանագիր» խմբակցության պատգամավոր Արման Եղոյանի հետ՝ «ԵՄ-Հայաստան համապարփակ և ընդլայնված համագործակցության համաձայնագրի կատարման ընթացքի գնահատում և վերլուծում» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ