Հայկ Մովսիսյանի գործի ընթացքը
12.06.2013
13:00
Հունիսի 12-ին` ժամը 13:00-ին տեղի ունեցավ ասուլիս ԼՂՀ Շուշի ՔԿՀ-ում մահացած Հայկ Մովսիսյանի գործի ընթացքի և նրա մորը՝ Հեղինե Պետրոսյանին տուժողի իրավահաջորդ չճանաչելու վերաբերյալ:

Բանախոսներն էին Հելսինկյան քաղաքացիական ասամբլեայի Վանաձորի գրասենյակի նախագահ Արթուր Սաքունցը և Հայկ Մովսիսյանի մայրը՝ Հեղինե Պետրոսյանը:

2012 թ. նոյեմբերի 20-ին ՀՀ Սյունիքի մարզի ընդհանուր իրավասության առաջին ատյանի դատարանի դատավճռով Հայկ Մովսիսյանը մեղավոր է ճանաչվել զինծառայությունից խուսափելու համար և դատապարտվել 3 տարվա ազատազրկման: 2012 թ. նոյեմբերի 28-ին ԼՂՀ Շուշի ՔԿՀ-ում Հայկ Մովսիսյանին գտել են մահացած: Դեպքից անցել է շուրջ 6 ամիս և չնայած Հեղինե Պետրոսյանը ներկայացրել է բազմաթիվ դիմում բողոքներ, մինչ օրս տուժողի իրավահաջորդ չի ճանաչվել: 2013 թ. ապրիլի 13-ին ՀՀ գլխավոր դատախազի միջնորդությամբ վերաքննիչ դատարանը հետմահու անմեղ է ճանաչել Հայկ Մովսիսյանին:

«Մենք Մոսկվայից վերադարձանք Հայաստան, իմացանք, որ երեխան հետախուզման մեջ է, օդանավակայանում ձերբակալեցին: Գնացի ռազմական ոստիկանություն, որ իմանամ նրա գտնվելու վայրը, ինձ ոչինչ չասացին: Գնացի պաշտպանության նախարարություն` նույնը», ասաց մայրը՝ Հեղինե Պետրոսյանը:

Նրա խոսքով նույն կերպ հետագայում չեն թույլ տվել, որ ինքը մոտենա տղային եւ մահից հետո էլ չեն թույլատրել, որ դառնա տուժողի իրավահաջորդ:

«Այն ժամանակ, երբ ՀՀ Սյունիքի մարզի ընդհանուր իրավասության առաջին ատյանի դատարանի դատավճռով Հայկ Մովսիսյանին մեղավոր ճանաչեց զինծառայությունից խուսափելու համար, Հայկ Մովսիսյանն ուներ զինգրքույկ` ստացված ՀՀ Պաշտպանության նախարարությունից, այսինքն ինքն այլեւս ծառայության մեջ չէր առողջական խնդիրների պատճառով»,- ասաց Արթուր Սաքունցը:

Նա համոզված է, որ  6 ամիսը բավարար էր դատաբժշկական փորձաքննության համար եւ պետության կողմից այդ պարտավորությունները չկատարելը նրան հիմք է տալիս՝ ենթադրելու, որ Հայկ Մովսիսյանին սպանել են Շուշիի ՔԿՀ-ում: Մայրը հայտնեց, որ որպես ապացույց ունեն լուսանկարներ, որոնք չեն պատրաստվում տրամադրել նախաքննական մարմիններին, քանի որ նրանց չեն վստահում:

«Մեր պահանջն է` անհապաղ ճանաչել Հայկ Մովսիսյանի մորը` Հեղինե Պետրոսյանին, տուժողի իրավահաջորդ: Նրան իրավահաջորդ չճանաչելը ես համարում եմ հանցագործության կոծկման շարունակություն: Բուն հանցագործությունը Հայկ Մովսիսյանի սպանությունն է: Հայկ Մովսիսյանի դեպքը համարում եմ կազմակերպված սպանություն` պետական մակարդակով, որը կոծկվում է պետական մարմինների կողմից»,- ասաց Սաքունցը:

Սաքունցը պահանջում է նաեւ հնարավորություն տալ ծանոթանալու տեղազննության արձանագրությանը, դատաբժշկական փորձաքննություններին և հասկանալու` ինչ է կատարվել պետության կողմից: 

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
Ի՞նչն է խանգարում ԵԱՀԿ Մինսկի խմբի համանախագահներին այցելել Արցախ
20.01.2022
12:00
Հունվարի 20-ին՝ ժամը 12:00-ին, Մեդիա կենտրոնում տեղի ունեցավ հարցազրույց Գլոբալիզացիայի և տարածաշրջանային համագործակցության վերլուծական կենտրոնի նախագահ Ստեփան Գրիգորյանի հետ:

Թեման՝ «Ի՞նչն է խանգարում ԵԱՀԿ Մինսկի խմբի համանախագահներին այցելել Արցախ»:
Հանրակրթությունը քրեակատարողական հիմնարկներում
19.01.2022
12:00
Հունվարի 19-ին՝ ժամը 12:00-ին, Մեդիա կենտրոնում տեղի ունեցավ քննարկում «Հանրակրթությունը քրեակատարողական հիմնարկներում» թեմայով:

Բանախոսներն են՝
Նարե Հովհաննիսյան՝ «Իրավական նախաձեռնությունների կենտրոն» ՀԿ-ի նախագահ,
Ծովինար Թադևոսյան՝ ՀՀ ԱՆ քրեակատարողական ծառայության սոցիալական, հոգեբանական և իրավական աշխատանքների բաժնի պետ,
Անուշ Հայրումյան՝ «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի ուսումնամեթոդական դեպարտամենի պետ,
Անահիտ Խաչատրյան՝ «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի վերականգնողական ծրագրերի և հանրակրթության բաժնի գլխավոր մասնագետ
ՀՀ Սահմանադրությունը և դատական իշխանությունը
18.01.2022
12:00
Հունվարի 18-ին՝ ժամը 12։00-ին, Մեդիա կենտրոնում տեղի ունեցավ փորձագիտական քննարկում՝ «ՀՀ Սահմանադրությունը և դատական իշխանությունը» խորագրով:

Բանախոսներ՝
Արթուր Սաքունց՝ Հելսինկյան քաղաքացիական ասամբլեայի Վանաձորի գրասենյակի նախագահ
Դավիթ Գյուրջյան՝ Իրավունքի զարգացման և պաշտպանության hիմնադրամի իրավական հարցերով փորձագետ
ԵՄ-Հայաստան համապարփակ և ընդլայնված համագործակցության համաձայնագրի կատարման ընթացքի գնահատում և վերլուծում
13.01.2022
12:00
Հունվարի 13-ին՝ ժամը 12:00-ին, Մեդիա կենտրոնում տեղի ունեցավ հարցազրույց ՀՀ ԱԺ եվրոպական ինտեգրման հարցերի մշտական հանձնաժողովի նախագահ, ԱԺ «Քաղաքացիական պայմանագիր» խմբակցության պատգամավոր Արման Եղոյանի հետ՝ «ԵՄ-Հայաստան համապարփակ և ընդլայնված համագործակցության համաձայնագրի կատարման ընթացքի գնահատում և վերլուծում» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ