«Բավական» ֆիլմի ցուցադրություն եւ փորձագիտական բաց քննարկում
27.06.2013
18:00
Հունիսի 27-ին` ժամը 18:00-ին «Մեդիա կենտրոն»-ում տեղի ունեցավ Ադրինե Գրիգորյանի «Բավական» ֆիլմի ցուցադրությունը եւ հաջորդող փորձագիտական բաց քննարկումը:

Բանախոսներն էին` ֆիլմի հեղինակը՝ Ադրինե Գրիգորյանը, ազգագրագետ  Հրանուշ Խառատյանը, Թեհրանի համալսարանի անթրոպոլոգիայի ամբիոնի ներկայացուցիչ  Էմիլյա Ներսիսյանը, Կանադայի Հայ Առաքելական եկեղեցու թեմի նախկին առաջնորդ Բագրատ Սրբազան Գալստանյանը, կլինիկական հոգեբան Միհրդատ Մադաթյանը եւ ՀՀ Առողջապահության նախարարության Մայրական և վերարտադրողական առողջության պահպանման բաժնի պետ Գայանե Ավագյանը:

«Բավական»-ն անդրադառնում է Հայաստանում հղիության` սեռով պայմանավորված արհեստական ընդհատումների տարածվածությանն ու պատճառներին:

Հայ հասարակության տողամիջյան շերտերում ապրում է մի իրականություն, որտեղ կնոջ ընտրության իրավունքն ավարտվում է այնտեղ, ուր սկսվում է ընտանիքին արու ժառանգ պարգևելու նրա անքննելի առաքելությունը:  «Բավական» վավերագրական ֆիլմն ուսումնասիրում է այս իրականությունը` չորս կնոջ պատմության արտացոլմամբ, ովքեր ստիպված են եղել դիմել հղիության արհեստական ընդհատման, որովհետև երեխան, որ պիտի ծնվեր, աղջիկ էր:

 «Այս խնդի մասին մտածում եմ 2007 թվականից, երբ սկսեցի մտահոգվել, թե ինչու է հղիության արհեստական ընդհատման քանակը շատ  Հայաստանում: 2010-ին էր, որ  ուշադրություն դարձրինք արդեն սելեկտիվ աբորտների վրա: Սա ավելին է, քան ուղղակի կնոջ խնդիր, սա խնդիր է, որ առնչվում է Հայաստանում ապրող բոլոր մարդկանց: Սա պատմություն է կանանց համար, որը պատմվում է կանանց կողմից , եւ մենք ակնկալում ենք, որ ֆիլմը խթան կլինի դրական փոփոխությունների համար»,- ասաց Ադրինե Գրիգորյանը:

Հրանուշ Խառատյանը նշեց, որ ընդհանրապես ամբողջ աշխարհում հասարակությունը տղամարդային արժեքների հասարակություն է:

 «Կնոջ ամբողջ կյանքը զգալի չափով ոչ միայն ստորադասված է, այլ նաեւ բռնության ենթակա է: Հայաստանում սեփականության եւ հողի տերը հիմնականում տղամարդիկ են, եւ աղջիկները երբեք չեն գնա դատարան ու ծնողից պահանջեն իրենց բաժին հողը»,- ասաց նա:

Գայանե Ավագյանը հայտնեց, որ  նախարարությունը պատրաստվում է օրենսդրական փոփոխության առաջարկով հանդես գալ:

«Մենք սեռի մասին տեղեկատվություն կտանք 25-30 շաբաթականում, երբ այլեւս հղիությունը ընդհատել չի լինի»,- ասաց նա:

Քննարկմանը ներկա էր Բագրատ Սրբազան Գալստանյանը, ով  ասաց, որ ցանկացած մկրտված մարդ պետք է հետեւի Աստվածաշնչյան կանոններին, որոնցով արգելվում է  աբորտի երեւույթը:

«Քրիստոնեության մեջ հավասարության սկզբունքն է դրված, ուրիշ հարց է, որ հասարակությունները սկսել են դա այլ կերպ մեկնաբանել»,-ասաց նա:

 Էմիլյա Ներսիսյանը համոզված է, որ եթե ընտանիքի հարստությունը հավասար բաժանվի աղջիկների ու տղաների միջեւ, այս խնդիրը կարող է լուծվել:

«Ես կարծում եմ, որ աբորտը սպանություն է, քանի որ երեխան իր ձեւավորման առաջին օրից ունի հոգեբանություն»,- ասաց Միհրդատ Մադաթյանը: 

Նա նշեց՝ մտահոգիչ է, որ երկու հոգի ամուսնանում են եւ անգամ 2 երեխա չեն կարողանում ունենալ:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
Ի՞նչն է խանգարում ԵԱՀԿ Մինսկի խմբի համանախագահներին այցելել Արցախ
20.01.2022
12:00
Հունվարի 20-ին՝ ժամը 12:00-ին, Մեդիա կենտրոնում տեղի ունեցավ հարցազրույց Գլոբալիզացիայի և տարածաշրջանային համագործակցության վերլուծական կենտրոնի նախագահ Ստեփան Գրիգորյանի հետ:

Թեման՝ «Ի՞նչն է խանգարում ԵԱՀԿ Մինսկի խմբի համանախագահներին այցելել Արցախ»:
Հանրակրթությունը քրեակատարողական հիմնարկներում
19.01.2022
12:00
Հունվարի 19-ին՝ ժամը 12:00-ին, Մեդիա կենտրոնում տեղի ունեցավ քննարկում «Հանրակրթությունը քրեակատարողական հիմնարկներում» թեմայով:

Բանախոսներն են՝
Նարե Հովհաննիսյան՝ «Իրավական նախաձեռնությունների կենտրոն» ՀԿ-ի նախագահ,
Ծովինար Թադևոսյան՝ ՀՀ ԱՆ քրեակատարողական ծառայության սոցիալական, հոգեբանական և իրավական աշխատանքների բաժնի պետ,
Անուշ Հայրումյան՝ «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի ուսումնամեթոդական դեպարտամենի պետ,
Անահիտ Խաչատրյան՝ «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի վերականգնողական ծրագրերի և հանրակրթության բաժնի գլխավոր մասնագետ
ՀՀ Սահմանադրությունը և դատական իշխանությունը
18.01.2022
12:00
Հունվարի 18-ին՝ ժամը 12։00-ին, Մեդիա կենտրոնում տեղի ունեցավ փորձագիտական քննարկում՝ «ՀՀ Սահմանադրությունը և դատական իշխանությունը» խորագրով:

Բանախոսներ՝
Արթուր Սաքունց՝ Հելսինկյան քաղաքացիական ասամբլեայի Վանաձորի գրասենյակի նախագահ
Դավիթ Գյուրջյան՝ Իրավունքի զարգացման և պաշտպանության hիմնադրամի իրավական հարցերով փորձագետ
ԵՄ-Հայաստան համապարփակ և ընդլայնված համագործակցության համաձայնագրի կատարման ընթացքի գնահատում և վերլուծում
13.01.2022
12:00
Հունվարի 13-ին՝ ժամը 12:00-ին, Մեդիա կենտրոնում տեղի ունեցավ հարցազրույց ՀՀ ԱԺ եվրոպական ինտեգրման հարցերի մշտական հանձնաժողովի նախագահ, ԱԺ «Քաղաքացիական պայմանագիր» խմբակցության պատգամավոր Արման Եղոյանի հետ՝ «ԵՄ-Հայաստան համապարփակ և ընդլայնված համագործակցության համաձայնագրի կատարման ընթացքի գնահատում և վերլուծում» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ