Մեկնարկում է «Մայր (այլ) Հայաստան» ֆոտոցուցահանդեսը
01.07.2013
13:00
Հուլիսի 1-ին` ժամը 13:00-ին «Մեդիա կենտրոն»-ում տեղի ունեցավ մամլո ասուլիս` հուլիսի 3-ին «Նորարար փորձառական արվեստի կենտրոն»-ում կազմակերպվող «Մայր (այլ) Հայաստան» խորագրով ֆոտոցուցահանդեսի վերաբերյալ:

Առաջին անգամ Հայաստանի պատմության մեջ տասը կին լուսանկարիչներ միավորել են իրենց հայացքները` ներկայացնելով խմբակային ցուցահանդեսում Հայաստանն այնպես, ինչպես իրենք են տեսնում:

Ասուլիսի բանախոսներն էին լուսանկարիչներ Սառա Անջարգոլյանը, Նազիկ Արմենակյանը, Անուշ Բաբաջանյանը, Անահիտ Հայրապետյանը, Հասմիկ Հայրապետյանը և Նելլի Շիշմանյանը, ինչպես նաեւ «Մայր (այլ) Հայաստան» ցուցահանդեսի համադրող Սվետլանա Բաչևանովան:

Ցուցահանդեսի աշխատանքները ներկայացնում են հայկական իրականությունը կնոջ դիտանկյունից` բացահայտելով հաճախ անտեսվող կողմերը: Այս կին լուսանկարիչները բարձրաձայնում են սոցիալական անարդարությունների և կանանց դերի մասին ժամանակակից Հայաստանում սև-սպիտակ լուսանկարներով, որոնք ցույց են տալիս, թե ինչպես են հաշմանդամություն ունեցող մարդիկ հաղթահարում խոչընդոտները` նոնկոնֆորմիստների գունավոր լուսանկարներով, հասարակության մեջ իրենց տեղը գտնել փորձող տրանսգենդերների ինտիմ լուսանկարներով:

«Ինձ բախտ վիճակվեց համադրելու այս ցուցահանդեսը, և ես իրավունք ստացա մտնելու մայրերի, արհեստավարժների ու սոցիալական ակտիվիստների աշխարհը»,- ասում է Սվետլանա Բաչևանովան` «Մայր (այլ) Հայաստան» ցուցահանդեսի համադրողը:

«Կանայք Հայաստանում դեռևս պայքարում են կարիերայի համար: Կանանց դեռևս ընկալում են որպես մայրեր ու տնային տնտեսուհիներ: Բայց այս տասը կին վավերագրող լուսանկարիչները կոտրել են կարծրատիպերը, գտել են իրենց կարիերան առաջ մղելու ձևը և ստեղծել հզոր և ազդեցիկ աշխատանքներ»,- համոզված է նա:

Լուսանկարիչները անդրադառնում են կանանց նկատմամբ բռնություններին, փոխգենդերի խնդիրներին, փախստականներին, ազգային փոքրամասնություն կազմող եզդիական համայքի երեխաների կրթության իրավունքին, սահմանամերձ գյուղերում բնակվող մարդկանց սոցիալական խնդիրներին, պատերազմի արդյունքում հաշմանդամություն ձեռք բերած մարդկանց, հագուստով տարբերվող կանանց, տարբեր իրերի, որոնց մարդիկ երկրորդ կյանք են հաղորդում, միանգամից 5 սերնդի ներկայացուցիչների մեկ նկարում, բանակային խնդիրներին Հայաստանում:

«Դպրոցում կամ ինստիտուտում լավ սովորողները աղջիկներ են լինում, բայց հետո Ազգային ժողովում տեսնում ես` չկան այդ աղջիկները: Տղամարդիկ չեն թույլ տալիս իրենց կանանց աշխատել, լավագույն դեպքում` կանայք դառնում են մանկավարժ», - համոզված է Անահիտ Հայրապետյանը:

Սառա Անջարգոլյանն ասում է, որ իմ նախագծում երկու աշխարհ են. զինվորներն առաջին գծում, բանակում և այն դատարկ ընտանիքները, որտեղ զինվորները երբեք չեն վերադառնա:

«Նախագիծը երկու մաս ունի` լուսանկարների շարք և ֆիլմ, որը ներառում է հարցազրույցներ առաջին գծում ծառայող զինվորների և զինվոր կորցրած մայրերի հետ»,- ասում է նա:

Նելլի Շիշմանյանը նկարել է տարբեր հին իրեր, որոնք այլ նպատակով են օգտագործվում՝ կարծելով, որ շրջապատող մռայլ բաներն այնքան շատ են, որ փորձել է սոցիալապես անապահով վիճակը պոզիտիվ անկյունից ցույց տալ:

«Իմ նախագծով ուզում եմ նպաստել նրան, որ ամեն կին ներկայանա այնպես, ինչպես ինքն իրեն լավ է զգում: Իմ նախագիծն ասում է` արեք համարյա այն ամենն, ինչ ուզում եք»,- ասում է Անուշ Բաբաջանյանը:

Հասմիկ Հայրապետյանը նկարել է 5 սերնդի ներկայացուցիչների մի նկարում ՝ ցանկանալով որ յուրաքանչյուր կին այնքան երկրար ապրի, որ 5 սերունդ տեսնելու երջանկություն ունենա:

Նազիկ Արմենակյանն անդրադարձել է գենդերային հարցերին, քանի որ կարծում է, որ այն, ինչ թաքցնում են, ամենամեծ հետաքրքրությունն է առաջացնում, բացի այդٓ`պետք է կյանքի նկատմամբ բոլոր տեսակի հետաքրքրություններ ու զգացողություններ ունեցող մարդիկ ինքնարտահայտվելու իրավունք ունենան:

Ցուցահանդեսի շրջանակում Սվետլանա Բաչևանովան բաց դասախոսություն կվարի ցուցահանդեսի բացումից մեկ օր անց՝ հուլիսի 4-ին, ժամը 16:00-ին: Նա կխոսի FotoEvidence.com կայքի մասին: Կարճ ընդմիջումից հետո, թվային հրատարակչության մասնագետ Դեյվիդ Ստուարտը կվարի դասախոսություն թվային գրքերի մասին: 

Մամուլի կոնտակտային տվյալները՝ 4 պլյուս. [email protected]

Լուսանկարներ
Print Friendly and PDF
Այլ մամլո հաղորդագրություններ
Ի՞նչն է խանգարում ԵԱՀԿ Մինսկի խմբի համանախագահներին այցելել Արցախ
20.01.2022
12:00
Հունվարի 20-ին՝ ժամը 12:00-ին, Մեդիա կենտրոնում տեղի ունեցավ հարցազրույց Գլոբալիզացիայի և տարածաշրջանային համագործակցության վերլուծական կենտրոնի նախագահ Ստեփան Գրիգորյանի հետ:

Թեման՝ «Ի՞նչն է խանգարում ԵԱՀԿ Մինսկի խմբի համանախագահներին այցելել Արցախ»:
Հանրակրթությունը քրեակատարողական հիմնարկներում
19.01.2022
12:00
Հունվարի 19-ին՝ ժամը 12:00-ին, Մեդիա կենտրոնում տեղի ունեցավ քննարկում «Հանրակրթությունը քրեակատարողական հիմնարկներում» թեմայով:

Բանախոսներն են՝
Նարե Հովհաննիսյան՝ «Իրավական նախաձեռնությունների կենտրոն» ՀԿ-ի նախագահ,
Ծովինար Թադևոսյան՝ ՀՀ ԱՆ քրեակատարողական ծառայության սոցիալական, հոգեբանական և իրավական աշխատանքների բաժնի պետ,
Անուշ Հայրումյան՝ «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի ուսումնամեթոդական դեպարտամենի պետ,
Անահիտ Խաչատրյան՝ «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի վերականգնողական ծրագրերի և հանրակրթության բաժնի գլխավոր մասնագետ
ՀՀ Սահմանադրությունը և դատական իշխանությունը
18.01.2022
12:00
Հունվարի 18-ին՝ ժամը 12։00-ին, Մեդիա կենտրոնում տեղի ունեցավ փորձագիտական քննարկում՝ «ՀՀ Սահմանադրությունը և դատական իշխանությունը» խորագրով:

Բանախոսներ՝
Արթուր Սաքունց՝ Հելսինկյան քաղաքացիական ասամբլեայի Վանաձորի գրասենյակի նախագահ
Դավիթ Գյուրջյան՝ Իրավունքի զարգացման և պաշտպանության hիմնադրամի իրավական հարցերով փորձագետ
ԵՄ-Հայաստան համապարփակ և ընդլայնված համագործակցության համաձայնագրի կատարման ընթացքի գնահատում և վերլուծում
13.01.2022
12:00
Հունվարի 13-ին՝ ժամը 12:00-ին, Մեդիա կենտրոնում տեղի ունեցավ հարցազրույց ՀՀ ԱԺ եվրոպական ինտեգրման հարցերի մշտական հանձնաժողովի նախագահ, ԱԺ «Քաղաքացիական պայմանագիր» խմբակցության պատգամավոր Արման Եղոյանի հետ՝ «ԵՄ-Հայաստան համապարփակ և ընդլայնված համագործակցության համաձայնագրի կատարման ընթացքի գնահատում և վերլուծում» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ