
Զարկ տալ գիտության զարգացմանը՝ հնարավորինս անհարմարություններ պատճառելով գիտնականներին
Նոյեմբերի 24-ին՝ ժամը 12:00-ին, Մեդիա կենտրոնում տեղի կունենա քննարկում՝ «Զարկ տալ գիտության զարգացմանը՝ հնարավորինս անհարմարություններ պատճառելով գիտնականներին» թեմայով:
Բանախոսներ՝
- Սահակ Գասպարյան՝ Օրգանական և դեղագործական քիմիայի գիտատեխնոլոգիական կենտրոնի տնօրեն
- Ռոբերտ Հակոբյան՝ Օրգանական և դեղագործական քիմիայի գիտատեխնոլոգիական կենտրոնի փոխտնօրեն
- Մեսրոպ Հարությունյան՝ Օրգանական և դեղագործական քիմիայի գիտատեխնոլոգիական կենտրոնի փոխտնօրեն
Օրգանական և դեղագործական քիմիայի գիտատեխնոլոգիական կենտրոնի բակով անցնող, պատմամշակութային արժեք ունեցող «Աբուհայաթ» ջրանցքը կառավարության որոշմամբ հանվել է պատմության և մշակույթի անշարժ հուշարձանների ցանկից: Գիտական մասնաշենքերի ուղիղ կենտրոնում գտնվող ջրավազանի փոխարեն կառավարությունը նպատակահարմար է համարել ստորգետնյա ավտոտնակով և այլ հարմարություններով վեր խոյացող բազմաբնակարան շինություն: Գիտնականները, թողած իրենց հիմնական աշխատանքը, ստիպված են քաղաքապետարանի, կառավարության չինովնիկներին բացատրել, որ գիտական կենտրոնների մեջտեղում կառուցվելիք բազմաֆունկցիոնալ բարձրահարկը նախ՝ ապօրինի որոշում է, երկրորդ՝ դրա պատճառով գիտական լուրջ ավանդույթներ ու կենսունակ այս կենտրոնը չլինելու վտանգի առաջ է:
Լրագրողների մուտքն ազատ է: Հարցերը հնարավոր է ուղարկել նաև առցանց՝ գրելով Մեդիա կենտրոնի ֆեյսբուքյան էջին։