Տեղական ինքնակառավարում, որը կառավարվում է կենտրոնի՞ց. ՏԻՄ համակարգի խնդիրները

Դեկտեմբերի 13-ին՝ ժամը 15:00-ին, Մեդիա կենտրոնում տեղի կունենա քննարկում՝ «Տեղական ինքնակառավարում, որը կառավարվում է կենտրոնի՞ց. ՏԻՄ համակարգի խնդիրները» թեմայով:

Բանախոսներ՝

Օլեգ Դուլգարյան՝ «Համայնքային համախմբման և աջակցության կենտրոն» ՀԿ նախագահ

Հայկ Գրիգորյան՝ Երևանի ավագանու «Ազգային առաջընթաց» խմբակցության անդամ

❗️Քննարկմանը մասնակցելու պատրաստակամություն էր հայտնել նաև «Քաղաքացիական պայմանագիր» կուսակցությունը, սակայն ՔՊ-ից մինչև օրվա վերջ այդպես էլ որևէ արձագանք չեղավ: Մեր զանգերը ևս անպատասխան մնացին:

Դեկտեմբերի 5-ին, Ալավերդի համայնքի ավագանին արտահերթ նիստում անվստահություն հայտնեց «Ապրելու երկիր» խմբակցության անդամ Արկադի Թամազյանին։ Ավագանին նոր համայնքապետ ընտրեց «Քաղաքացիական պայմանագրի» ղեկավար Դավիթ Ղումաշյանին:

Մի շարք հասարակական կազմակերպություններ հայտարարություն են տարածել, որտեղ, մասնավորապես, ասված է. «Ալավերդու համայնքապետին անվստահություն հայտնելու գործողությունների ուսումնասիրությունը և այդ մասին եղած հրապարակային աղբյուրները մեզ հիմք են տալիս հայտարարելու, որ ՀՀ պետական իշխանությունը և իշխող ՔՊ կուսակցությունը համառ ջանքեր են ներդրել ճնշումների և ահաբեկումների միջոցով իրականացնելու այդ պաշտոնանկությունը»:

✅Որքանո՞վ են հնչող մտահոգությունները տեղին:

✅Ինչու՞ համայնքի ղեկավարին անվստահություն հայտնելու գործընթացը տեղի է ունենում անառողջ մթնոլորտում, երբ համայնքապետի աշխատանքի հանդեպ մտահոգությունները կարող էին ներկայացվել օրենքով սահմանված այնպիսի եղանակով, որ ընկալելի լիներ թե՛ համայնքի բնակիչներին, թե՛, առհասարակ, ՀՀ քաղաքացիներին:

✅Առհասարակ, Հայաստաում որքանո՞վ է կայացած տեղական ինքնակառավարման համակարգը:

*******
Լրագրողների մուտքն ազատ է: Հարցերը հնարավոր է ուղարկել նաև առցանց՝ գրելով Մեդիա կենտրոնի ֆեյսբուքյան էջին։

Ամսաթիվ

Դկտ 13 2023
Ավարտված!

Ժամ

15:00 - 16:00

Ձևաչափ

Թեմա

Վերջին գրառումները

ԱՄՆ ՄԶԳ ծրագրերի սառեցման ազդեցությունը․ ապատեղեկատվության ու քարոզչության նոր մարտահրավերնե՞ր

ԱՄՆ ՄԶԳ ծրագրերի սառեցման ազդեցությունը․ ապատեղեկատվության ու քարոզչության նոր մարտահրավերնե՞ր

Փետրվարի 13-ին, ժամը 12։00-ին, Մեդիա կենտրոնում տեղի ունեցավ քննարկում՝ «ԱՄՆ ՄԶԳ ծրագրերի սառեցման ազդեցությունը․ ապատեղեկատվության ու քարոզչության նոր մարտահրավերնե՞ր» թեմայով։...

Հարկային նոր կարգավորումները վտանգում են խոցելի բնակչության իրավական պաշտպանությունը

Հարկային նոր կարգավորումները վտանգում են խոցելի բնակչության իրավական պաշտպանությունը

Փետրվարի 7-ին, ժամը 12:00-ին, Մեդիա կենտրոնում տեղի ունեցավ մամուլի ասուլիս՝ «Հարկային նոր կարգավորումները վտանգում են խոցելի բնակչության իրավական պաշտպանությունը» թեմայով։...