Դատական գործերը «ձեռքով» մակագրելու վտանգները-

Հունվարի 26-ին՝ ժամը 12:00-ին, Մեդիա կենտրոնում տեղի ունեցավ քննարկում «Դատական գործերը «ձեռքով» մակագրելու վտանգները» թեմայով:


Բանախոսներ՝
— Մերի Մամիկոնյան, ՀՀ ՄԻՊ աշխատակազմի հետազոտական և կրթական կենտրոնի աշխատակից
— Հասմիկ Հարությունյան, «Իրավունքների պաշտպանություն առանց սահմանների» ՀԿ իրավական հարցերով փորձագետ,
— Արա Ղարագյոզյան, «Հելսինկյան ասոցիացիա» ՀԿ փաստաբան:
«Արդեն ավելի քան կես տարի համակարգիչների փոխարեն դատարանների նախագահներն են որոշում, թե որ դատավորը պետք է քննի որևէ գործ, սա ոտնահարում է անձի արդար դատաքննության իրավունքը»,- հրապարակված արտահերթ զեկույցում եզրահանգել է մարդու իրավունքների պաշտպան Արման Թաթոյանը։
Դատական գործերի էլեկտրոնային մակագրման ձևը դադարեց գործել, երբ 2021-ի ամռանը Ազգային անվտանգության ծառայությունում (ԱԱԾ) հարուցված մի քրեական գործով առգրավվեցին Վարչական, Սնանկության, Վերաքննիչ, Երևանի ընդհանուր իրավասության դատարանների համակարգչային ծրագրերի սերվերների մուտքի և կառավարման բանալիները, ինչից հետո գործերը մակագրում են դատարանների նախագահները՝ այբբենական կարգով։