Հոկտեմբերի 16-ին «Կոնգրես» հյուրանոցի «Պիկասո» սրահում տեղի ունեցավ «Եթերային հեռուստահեռարձակման թվային համակարգին անցնելու գործընթացը Հայաստանում» թեմայով քննարկումը։

Կոռուպցիայի դեմ պայքարը միայն պետական մարմինների գործառույթ չէ, անհրաժեշտ է, որպեսզի կոռուպցիայի դեմ պայքարի պահանջարկ ստեղծվի նաև հանրության շրջանում: Կոռուպցիայի ընկալման առումով Հայաստանում դեռևս էական փոփոխություն չի արձանագրվել, թեև էլեկտրոնային կառավարման համակարգի ներդրմամբ չնչին առաջընթաց կա, սակայն դա դեռ բավարար արդյունք չէ:

«Իշխանության նկատմամբ բացասական վերաբերմունքը փոխանցվում է Հայ առաքելական եկեղեցուն», - վստահ է religions.am կայքի խմբագիր Ստեփան Դանիելյանը: Նրա խոսքով եկեղեցին սերտաճել է պետության հետ, իսկ 2007 թվականին, երբ Սահմանադրությամբ Հայ առաքելական եկեղեցուն փոխանցվեցին մեծ արտոնություններ, ընդհուպ` հանրակրթության ու գիտական ոլորտներում Առաքելական եկեղեցուն վերահսկողության իրավունք փոխանցելը:

«ՀՀ Ոստիկանության կարգապահական հանձնաժողովի գործությունեությունը կրում է ձևական բնույթ և չի ծառայում իր հիմնական առաքելությանը»-Մեդիա կենտրոնում այսօր անցկացված ասուլիսի ընթացքում հայտարարեց Քաղաքացիական հասարակության ինստիտուտ ՀԿ նախագահ Արման Դանիելյանը, ով օրեր առաջ հայտարարել էր կարգապահական հանձնաժողովի կազմից դուրս գալու մտադրության մասին: Ասուլիսին մասնակցում էր նաև ՀՀ ոստիկանության իրավաբանական վարչության պետ Մերուժան Հակոբյանը:

ԵՏՄ-ին անդամակցությունը Հայաստանի համար որևէ արդյունք չի ապահովի: Մեկ տարվա գործընթացների արդյունքում Հայաստանը հայտնվել է տնտեսական և քաղաքական մեկուսացման մեջ:

Դատական համակարգը ցանկացած պետության ողնաշարն է: Որքան անկախ է դատական համակարգը, այնքան ամուր է, հատկապես ժողովրդավարական պետության ողնաշարը: Մեդիա կենտրոնում հրավիրված ասուլիսի մասնակիցներ՝Հայաստանի հելսինկյան կոմիտեի նախագահ Ավետիք Իշխանյանը և «Իրավունքի պաշտպան առանց սահմանների» ՀԿ նախագահ Հայկուհի Հարությունյանը գնահատեցին, թե որքանով է Հայաստանում իրացվում Սահմանադրությամբ և եվրոպական կոնվենցիայով նածանշված արդար դատաքննության իրավունքը:

«Մայրության նպաստ» գաղափարը հնարավորություն կտա նպաստ տրամադրել նաև չաշխատող շուրջ 30 հազար մայրերին», վստահեցնում են կառավարության ներկայացուցիչները: Գաղափարին ընդդիմացող քաղաքացիներն և իրավաբանները կողմ լինելով, որ աշխատող կանայք մայրության նպաստ ստանան, միևնույն ժամանակ պնդում են, որ կառավարության առաջարկած օրենսդրական փոփոխությունը, ոչ թե սոցիալական արդարություն է հաստատում, այլ ընդհակառակը՝ խտրական մոտեցում է ցուցաբերում աշխատող և չաշխատող կանանց նկատմամբ:

Հայաստանը՝ խոսքի և լրատվամիջոցների գործունեության ազատությունների առումով, շատ ավելի բարվոք վիճակում է քան Ռուսաստանը, Բելառուսը և Ղազախստանը: Սակայն նկատի ունենալով «որոշ տխուր նախադեպեր, երբ օրինակ, Հայաստանում Ռուսաստանի դեսպան Վոլինկինը խելք էր սովորեցնում Հայաստանի իշխանություններին, թե ինչպես պետք է վարվել հասարակական կազմակերպությունների հետ, ապա չի բացառվում, որ Հայաստանին ստիպեն սահմանափակել խոսքի ազատության շրջանակները:

Հայաստանում առաջին անգամ անցկացված Seedstars Երևան սթարթափերի մրցույթի հաղթող ճանաչվեց Սոլո Լըրն (Solo Learn) թիմը, որոնց ստեղծած ինտերակտիվ ու խաղարկային կրթական պլատֆորմում օգտատերը կարող է առցանց մասնակցել և´ դիմահարդարման և´ HTML-ի դասընթացներին: Հաղթող թիմը 2015թ. փետրվարի 4-ին կմասնակցի Շվեյցարիայի Ժնև քաղաքում կայանալիք Seedstars սթարթափերի համաշխարհային մրցույթին:

Հանրապետության կրթական համակարգում, հատկապես մարզերում, կան լուրջ խնդիրներ: Գյուղական դպրոցներում՝ արտագաղթի, ծնելիության նվազման հետևանքով բնականաբար խիստ նվազել է նաև աշակերտների թիվը, արդյունքում ստեղծվել են բազմահամակարգ դպրոցներ: Այսինքն 45 րոպեի ընթացքում միևնույն ուսուցիչը նույն դասասենյակում պարտավոր է դասավանդել,ասենք առաջինից երրորդ, երբեմն նաև չորրորդ և հինգերորդ դասարանի աշակարտներին: Եվ ինչպես գնահատեց ՀՀ կրթության ազգային ինստիտուտի Շիրակի մասնաճյուղի ղեկավար Մեսրոպ Ղալաչյանը. «Այսպիսով խախտվում է երեխայի որակյալ կրթություն ստանալու իրավունքը»:

Հաշմանդամություն ունեցող անձանց խնդիրները բուհերում լուծելու համար առաջին հերթին անհրաժեշտ է սկսել մարդկանց մտածելակերպը փոխելով , անհրաժեշտ է, որպեսզի բուհերում հաշմանդամություն ունեցող անձանց նկատմամբ պատշաճ վերաբերմունք դրսևորվի: Մեդիա կենտրոնում այսօր տեղի ունեցած քննարկման ընթացքում հայտարարեց «Էխո» աջակցման կենտրոն հասարակական կազմակերպության ղեկավար Սերյոժա Օհանջանյանը:

Օրենսդրական փոփոխության արդյունքում, երբ վերացվեց գործազրկության նպաստը, նվազեց զբաղվածության կենտրոններում գրանցվողների թիվը: Ենթադրվում է, որ նաև այդ պատճառով է նվազել գործազրկության թիվը հանարպետությունում:

Այսօրվա սերնդի համար Շոտլանդիայի անկախության խնդրին վերջակետ է դրվելու: Հանրաքվեի արդյունքում, սակայն, «Շոտլանդիան քվեարկեց ավելի հզոր խորհրդարան ունենալու համար, որին պիտի աջակցի ավելի հզոր և անվտանգ Միացյալ Թագավորությունը»:

«Բովանդակալից մասնակցությունը և պետական կառույցների հետ ակտիվ համագործակցությունը արդյունավետ գործունեության գրավականն են»: «Մեդիա կենտրոնի» սրահում անցկացված ասուլիսին ասաց «Օքսֆամ Հայաստան» հասարակական կազմակերպության նախագահ Մարգարիտա Հակոբյանը:

«Մինչեւ իշխանությունները խոսքից չանցնեն գործողությունների, այսպիսի դեպքերը կկրկնվեն»: «Մեդիա կենտրոնում» լրագրողների նկատմամբ կիրառվող բռնությունների մասին ասուլիսի ընթացքում ասաց «Խոսքի ազատության պաշտպանության կոմիտե»-ի նախագահ Աշոտ Մելիքյանն՝ անդրադառնալով սեպտեմբերի 9-ին ԱԺ մուտքի մոտ Ա1+ հեռուստաընկերության լրագրող Մարինե Խաչատրյանի նկատմամբ կիրառված բռնությանը: Ասուլիսին մասնակցում էին նաև «Լրագրողներ հանուն ապագայի» ՀԿ նախագահ Սուրեն Դեհերյանը և «Իրավունքի Եվրոպա միավորում» ՀԿ անդամ Տիգրան Եգորյանը: