Հոկտեմբերի 7-ին՝ ժամը 13:00-ին, «Մեդիա կենտրոն»-ը կազմակերպում է վեբինար «Ինչպես հաղորդակցվել թշնամու կրակից փրկվածների հետ» թեմայով։

Վեբինարը կվարի հոգեբան-հոգեթերապևտ հայկական հոգեվերլուծական ասոցիացիայի անդամ Հասմիկ Հարությունյանը։

Պատերազմ տեսած մարդիկ չափազանց զգայուն են․ նրանց հետ հաղորդակցվելու  որոշակի հմտություններ են անհրաժեշտ: Վեբինարի ընթացքում հոգեբանը կանդրադառնա հետևյալ հարցերին՝

• Ինչպե՞ս աջակցել թշնամու կրակից փրկված մարդկանց՝ առանց նրանց հոգեբանորեն ճնշելու, ինչպե՞ս օգնել՝ առանց օգնությունն ընդգծելու
• Հյուրընկալող ընտանիքը ինչպես շփվի ծնողների, երեխաների հետ
• Ինչի մասին է պետք խոսել ծնողի ու երեխայի հետ, ինչի մասին չպետք է խոսել 
• Որ նշաններն են վկայում, որ երեխան սթրեսի մեջ է
• Ինչ անել այդ պարագայում, ո՞ւմ դիմել
• Ինչպե՞ս դժվար վիճակից դուրս բերել այն երեխաներին, որոնց աչքի առաջ տեղի են ունեցել պատերազմական գործողություններ
• Ինչպես հաղորդակցվի ուսուցիչը պատերազմ տեսած երեխայի հետ, ինչի մասին խոսի, ինչի մասին չխոսի: