Բանախոսներ՝
- Զարուհի Հովհաննիսյան, Ընդդեմ կանանց նկատմամբ բռնության կոալիցիայի ներկայացուցիչ, իրավապաշտպան
- Լուիզա Վարդանյան, Փաստաբան
- Սիրանուշ Մանուչարյան, Գենդերային խտրականությամբ զուգորդված հանցագործությունից տուժած անձ

2019թ. դեկտեմբերի 10-ին Երևան քաղաքի Մ. Բաղրամյան 19 հասցեի դիմաց «Կամք» նախաձեռնության 3 անդամներ փողոցով անցնող երկու կնոջ՝ Սիրանուշ Մանուչարյանին և Լիլիթ Ղազարյանին առաջարկել են միանալ Ստամբուլյան կոնվենցիայի վավերացման դեմ կազմակերպված ստորագրահավաքին: Ս. Մանուչարյանը և Լ. Ղազարյանը մերժել են, ինչից հետո 3 տղամարդիկ սեռական բնույթի հայոհանքներ են հնչեցրել նրանց հասցեին, այնուհետև մոտեցել են նրանց, հարվածել, քաշքշել և հրել են Ս. Մանուչարյանին:

Նույն օրը Ս. Մանուչարյանը ՀՀ ոստիկանության Արաբկիրի բաժնում հանացագործության մասին հաղորդում է ներկայացրել: Նյութերի նախապատրաստման ընթացքում պարզվել է, որ այդ քաղաքացիներն են Տարոն Դավթյանը, Հովհաննես Միրիմյանը և Եղիազար Մինասյանը:

Դեպքի առթիվ ՀՀ քրեական օրենսգրքի 118-րդ հոդվածով (ծեծ և այլ բռնի գործողություններ) հարուցվել է քրեական գործ։

2020-ի մայիսին նախատեսված է եղել դատավարական վերջին գործողությունը՝ տուժողի և մեղադրյալի միջև առերեսումը, ինչից հետո, ըստ քննիչի խոսքերի, գործը պետք է քննարկվեր դատախազի հետ և ուղարկվեր դատական քննության: Առերեսումը պարբերաբար հետաձգվել է, այնուհետև քննիչը տեղեկացրել է, որ քրեական գործով վարույթը կարճվում է: