«Զարմացած եմ՝ ինչու՞ ԵԱՀԿ Մինսկի խումբն այսքան շտապ լքեց տարածաշրջանը»
23.03.2020
18:00
ԱՄՆ-ը, Հայաստանից բացի, միակ պետությունն էր, որն ուղիղ ֆինանսական օգնություն էր տրամադրում Արցախին՝ առանց ճանաչելու Արցախի անկախությունը։ Մարտի 21-ին հայտնի դարձավ, որ Միացյալ նահանգները դադարեցրել է Արցախին տրվելիք ուղիղ օգնությունը: Քաղաքագետ Սուրեն Սարգսյանն իր ֆեյսբուքյան էջում մտավախություն էր հայտնել, որ Արցախին տրամադրվող օգնությունը կարող է փոխակերպվել «բնակչությանը խաղաղության նախապատրաստման» ծրագրով: Որքանո՞վ է հավանական նման տարբերակը:

ՙՄեդիա կենտրոն՚-ի զրուցակիցն է Գլոբալիզացիայի և տարածաշրջանային համագործակցության վերլուծական կենտրոնի ղեկավար Ստեփան Գրիգորյանը: 

-ԱՄՆ-ի հետ մենք ռեալ լուրջ օրակարգ չունենք: Կարևորագույն պատճառներից մեկն այն էր, որ Հայաստանը Սիրիա ուղարկեց փոքր հումանիտար զորախումբ: ԱՄՆ-ը դա շատ ցավոտ ընկալեց, քանի որ Սիրիայում ԱՄՆ-ը բավականին լուրջ տարաձայնություններ ուներ Ռուսաստանի հետ, ու ակնհայտ էր՝ եթե մենք ուղարկում ենք նույնիսկ փոքր զորախումբ, Ամերիկան շատ ցավոտ կընդուներ: Պարզ է, որմեր մոտեցումները՝ ԱՄՆ-ի համար մի շարք կարևորագույն հարցերում, տարբերվում էին, ու դա է պատճառն, իմ կարծիքով, որ այդ աջակցությունը դադարեցրեցին: Տրամաբանական չէր լինի աջակցել Հայաստանին, Արցախին՝ ռազմական հարցերում. ի վերջո, ականազերծումը ռազմական  ոլորտի հարց է: Ցավում եմ որ իրենք  դա արեցին, բայց ինձ համար հասկանալի են պատճառները:
«Բնակչությանը խաղաղության նախապատրաստման» ծրագրի ֆինանսավորումը հավանական եմ համարում, քանի որ այդ առաջարկներն անում են պետդեպարտամենտի՝ տարբեր մակարդակի պաշտոնյաներ: Ես այլ առաջարկ ունեմ՝ կապված կորոնավիրուսի հետ . վատ չէր լինի, եթե Հարավային Կովկասի երեք երկրների ղեկավարները հանդիպեն, դիցուք, Թիֆլիսում, քննարկեն հումանիտար քայլեր՝ միմյանց նկատմամբ, քանի որ կորոնավիրուսն ազգություն ու կրոնական պատկանելություն չի ճանաչում:

- ԵԱՀԿ Մինսկի խմբի համանախագահները հայտարարություն են տարածել կորոնավիրուսի տարածման պատճառով ստեղծված իրավիճակում ԼՂ հակամարտության գոտում ԵԱՀԿ մշտադիտարկման առաքելության ժամանակավոր դադարեցման առնչությամբ: Որքանո՞վ կարող է սահմանային լարվածության պատճառ դառնալ մշտադիտարկման ժամանակավոր կասեցումը և, առհասարակ, պանդեմիայի, համաշխարհային ճգնաժամի պայմաններում ինչպես եք տեսնում հայ-ադրբեջանական շփման գծում իրավիճակը:

-Ես, ճիշտն ասած, զարմացա, որ դիտորդական առաքելությունն այդքան արագ դուրս եկավ տարածաշրջանից: Ամբողջ աշխարհում տասնյակ կոնֆլիկտի գոտիներում խաղաղապահ ուժեր են տեղակայված՝ Աֆղանստանից սկսած՝ Մալիից վերջացրած: Զարմացրեց, որ այդքան շտապ բոլորը դուրս եկան հենց Ղարաբաղյան կոնֆլիկտի գոտուց: Կորոնավիրուսի ֆոնի վրա դեռ չեմ լսել, որ խաղաղապահ առաքելությունները դուրս գան տարածաշրջանից:

-Բայց այստեղ խաղաղախահներ չկան, կա ԵԱՀԿ Մինսկի խմբի համանախագահների փոքրիկ խումբը:

- Առավել ևս. անգամ խաղաղապահների մեծ խմբերը դուրս չեն բերում, այս դեպքում, առավել ևս, երբ խոսքը դիտորդական փոքրիկ խմբի մասին է: Միջազգայնորեն մշակված մեխանիզմներ կան, որով ապահովում է առողջությունը տարբեր համաճարակներից: Կարծում եմ, ԵԱՀԿ-ն  կամավորության սկզբունքներով՝ պետք է ձևավորի դիտորդների նոր խումբ, որը կվերադառնա տարածաշրջան:

-Մարտի 31-ին Արցախում նախագահական ընտրություններ են: Կա՞ր անհրաժեշտություն կորոնավիրուսի տարածման վտանգը հաշվի առնելով՝ հետաձգել այդ ընտրությունները, թե՞, այդուհանդերձ, դրանց կայացման քաղաքական արդյունքն  առավել կարևոր է , քան վիրուսի հնարավոր տարածումը:

- Կային քաղաքական ուժեր, փորձագետներ, որոնք առաջարկում էին երկու-երեք ամսով հետաձգել ընտրությունները, բայց քանի որ տեսնում եմ՝ կա քաղաքական որոշում՝ անցկացել ընտրությունները , կարծում եմ՝ պետք է լուրջ միջոցառումներ անցկացնեն՝ կապված կորոնավիրուսի հետ: Խստորեն ստուգել հայաստանցիների, օտարերկրացիների մուտքն Արցախ,  որ հիվանդ չլինեն:

-Միջազգային դիտորդներ այս ընտրություններին  դժվար թե կարողանան մասնակցել՝ հաշվի առնելով կորոնավիրուսի վտանգը: Դա որևէ կերպ կարո՞ղ է անդրադառնալ ընտրությունները՝ որպես միջազգային չափանիշներին համապատասխան ճանաչելու վրա:

-Չեմ կարծում, որ  միջազգային դիտորդները կկարողանան մեծ թվով ներկա լինել, գիտեք,օդային կապը երկրների միջև գրեթե ամբողջությամբ խզվել է: Ցանկացած դեպքում, համոզված եմ, որ այդ դիտորդների, Հայաստանից գնացող դիտորդների առողջության  ստուգումը պետք է արվի, որպեսզի առողջ լինեն մարդիկ, ու կորոնավիրուսը Արցախում չտարածվի: Թեև անգամ այն ժամանակ, երբ մեծ թվով դիտորդներ մասնակցում էին Արցախի տարբեր ընտրություններին, այդ ընտրությունները ոչ ոք չէր ճանաչել: Այն, որ միջազգային դիտորդների թիվը մեծ չի լինի,  մեծ կորուստ չեմ տեսնում, քանի որ, կասկած չունեմ, այս ընտրություններն էլ ոչ ոք չի ճանաչի:

Հարցազրույցն ՝ ամբողջությամբ, կարող եք լսել հղումով՝ https://anchor.fm/media-center/episodes/by-Lilith-Avagyan-ebqs43 

Print Friendly and PDF
Այլ մամլո հաղորդագրություններ
Կա վախ. Բա մեր ազնիվ ցեղն էսպես կորչելու՞ է
07.04.2020
12:10
Այն, ինչ կարող էինք կարդալ և զարմանալ ֆանտաստիկ թվացող գրքերում՝ Զամյատինի, Օրուելի, Քամյուի գործերում, հանկարծ շոշափելի է դառնում մեր կյանքում: Կորոնավիրուսը քաղաքակրթական մասշտաբի փոփոխություններ է ենթադրում: Յուրաքանչյուրս մեր տանը զգում ենք նույնը, ինչ մեկ ուրիշը աշխարհի մյուս ծայրում, իր տանը: Սակայն արդյո՞ք յուրաքանչյուր անհատ կամ յուրաքանչյուր ազգ ունի բացառապես իրե՛ն բնորոշ արձագանքը , տվյալ դեպքում, կորոնավիրուսով պայմանավորված ճգնաժամին, թե՞ մարդ արարածի արձագանքը վտանգին, անորոշությանն ունիվերսալ է:
Այս և մի շարք այլ հարցերի շուրջ ենք զրուցել մշակութային մարդաբան Աղասի Թադևոսյանի հետ:
ԱլԳ ՔՀՖ Հայաստանի ազգային պլատֆորմի հայտարարությունը
06.04.2020
19:39
2020թ․ ապրիլի 2-ին ՀՀ Կառավարությունն ընդունել է «Տեղեկատվության ազատության մասին» ՀՀ օրենքում լրացումներ կատարելու մասին օրենքի նախագիծը, որն առաջիկա օրերին կներկայացվի ՀՀ Ազգային ժողով։
Իրավապաշտպաններն առաջ են քաշել ԿՈՎԻԴ-19-ի դեմ պայքարում էլեկտրոնային վերահսկողության թույլատրելիության ութ պայմանները
06.04.2020
14:21
Իրավապաշտպան և քաղաքացիական հասարակության ավելի քան 100 կազմակերպություններ ստորագրել են համատեղ հայտարարություն, որում շարադրված են այն պայմանները, որոնք պետք է պահպանվեն ԿՈՎԻԴ-19-ի դեմ պայքարի նպատակով էլեկտրոնային վերահսկողության տեխնոլոգիաներ կիրառելիս։
Կորոնավիրուս՝ ՔԿՀ-ներում. կանխել հնարավո՞ր էր
04.04.2020
17:30
Երեկ հայտնի դարձավ, որ «Վարդաշեն» ՔԿՀ պահպանության բաժնի 5 աշխատակիցների մոտ կորոնավիրուս է ախտորոշվել, ևս 28-ը մեկուսացված են, կատարվում է նմուշառում։
Թեմայի շուրջ Մեդիա կենտրոնը զրուցել է «Սոցիալական արդարություն» ՀԿ նախագահ, քրեական արդարադատության, ԵԽ բանտային ու պրոբացիոն համակարգերի փորձագետ Արշակ Գասպարյանի հետ։
Անգամ արտակարգ դրության պայմաններում պատգամավորները շարունակում են դակել կառավարության որոշումները. Ավետիք Իշխանյան
02.04.2020
20:56
Արտակարգ դրության պայմաններում օրենսդիր մարմնի գործունեության վերաբերյալ «Մեդիա կենտրոնը» զրուցել է Հայաստանի Հելսինկյան կոմիտեի նախագահ, իրավապաշտպան Ավետիք Իշխանյանի հետ։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ