Բռնությունը ՄԻԱՎ-ով ապրող կանանց նկատմամբ» հետազոտության արդյունքները
24.12.2018
11:00
ՄԻԱՎ-ով ապրող կանայք ավելի խոցելի են բռնության նկատմամբ. այս մասին Մեդիա կենտրոնում ասացին «Կանանց Ներուժի Զարգացման Կենտրոն» ՀԿ-ի ներկայացուցիչները դեկտեմբերի 24-ին տեղի ունեցած մամլո ասուլիսի ժամանակ:

Ասուլիսի բանախոսներն էին «Կանանց Ներուժի Զարգացման Կենտրոն» ՀԿ-ի նախագահ Ժենյա Մայիլյանը և «Կանանց Ներուժի Զարգացման Կենտրոն» ՀԿ-ի համահիմնադիր, ծրագրերի համակարգող Աննա Աբգարյանը: 

«Կանանց ներուժի զարգացման կենտրոն» ՀԿ-ի կողմից իրականացված հետազոտության նպատակն էր պարզել ՄԻԱՎ-ով ապրող կանանց նկատմամբ բռնության դրսևորման ձևերը, ծառայությունների հասանելիությանխոչընդոտները և առկա համակարգային խնդիրները:

Հետազոտությունն իրականացվել է «Ընդդեմ գենդերային բռնության 16 օրյա արշավ»ի շրջանակներում «ՁԻԱՀ-ի հիմնախնդիրներով զբաղվող եվրասիական կանանց ցանցի» կողմից ԱՊՀ տարածաշրջանի 12 երկրում` Հայաստան, Բելառուս, Վրաստան, Ղազախստան, Ղրղզստան, Մոլդովա, Ռուսաստան,Տաջիկստան, Ուզբեկստան, Ուկրաինա, Էստոնիա, Լատվիա:

Ժենյա Մայիլյանն ասաց, որ այդ հետազոտությունը կատարվել է 408 կանանց շրջանում՝ խորքային հարցազրույցների միջոցով, եւ ըստ այդմ՝ ՄԻԱՎ-ով ապրող հարցված կանանց միջին տարիքը 35-37 է: Հարցված կանանց 71.6 տոկոսը հիմնականում ֆիզիկական բռնության է ենթարկվել:

«Սրանք սարսափելի թվեր են: Շատ հաճախ այս կանայք չգիտեն, թե բռնության ինչ տեսակներ կան: Չգիտեն հոգեբանական եւ տնտեսական բռնության մասին: Հարցվածների 65 տոկոսը չեն իմացել բռնության դեպքում ուր կարող են դիմել: Ընդ որում, նրանց մեծ մասը վստահություն չունի կրիզիսային կենտրոնների, ապաստարանների նկատմամբ»,-ասաց Մայիլյանը:

 Նա նշեց, որ Հայաստանում ուսումնասիրությունն իրականացվել է 31 կնոջ շրջանում, նրանցից մոտ 60 տոկոսը գործազուրկ է, այրի կամ ամուսնալուծված. «Հայաստանում խնդիրներ կան մշակութային առանձնահատկություններով պայմանավորված: ՄԻԱՎ-ով ապրող հարցված կանայք բռնության մասին ասում են՝ «դե, հիմա, իմ ամուսինն է, ոչինչ: Բա որ գնանք՝ հարեւանն ի՞նչ կասի: Բա որ գնանք ապաստարան՝ չընդունեն, հետ գանք՝ չընդունեն»:

Ըստ բանախոսի, եղել են դեպքեր, երբ բռնության ենթարկված կինը ցանկացել է հեռանալ բռնարարից, բայց նրան սպառնացել է բոլորին պատմել նրա կարգավիճակի մասին: Մայիլյանը նկատեց՝ ՀՀ-ում պարտավորվածություն կա ապաստարաններ բացելու, բայց պետք է հաշվի առնել ՄԻԱՎ-ով ապրող կանանց պահանջմունքները, որովհետեւ ախտորոշումից հետո նրանք հակառետրովիրուսային դեղեր են խմում, իսկ ապաստարան ընդունվելիս պետք է ասի՝ ինչ դեղ է, ինչը նշանակում է՝ կարող է չընդունեն նրան:

Աննա Աբգարյանն էլ ասաց. «Կանանց խնամքի տակ են գտնվում երեխաներ, ինչն ավելի է բարդացնում, խորացնում սոցիալական վիճակը: Այս կանայք նաեւ կարող են իրենց ծնողական ընտանիքներում էլ խտրականության եւ բռնության ենթարկվեն, սահմանափակեն նրանց վերադարձը»: 

Մայիլյանը հավելեց, որ Հայաստանում 2017 թ դեկտեմբերին ընդունված «Ընտանեկան բռնության» մասին օրենքի ընդունումից հետո էլ ոչինիչ չի փոխվել ՄԻԱՎ-ով հիվանդների կյանքում:

«Օրենքը նոր է ընդունվել և ժամանակ է պահանջվում, որպեսզի շտկումներ լինեն: Իրականում ՄԻԱՎ-ով ապրող կանանց կյանքում ոչինչ չի փոխվել: Ինչպես նախկինում էին վախենում դիմել ինչ-որ մի տեղ, այնպես էլ հիմա»,-ասաց Մայիլյանը:

Ըստ ՁԻԱՀ-ի կանխարգելման Հանրապետական կենտրոնի վիճակագրական տվյալի 2018 թ նոյեմբերի 30-ի տվյալով գրանցվել է 3300 դեպք, որից 392-ը գրանցվել է այս տարի:

«Սրանց 69%-ը տղամարդիկ են, 31%-ը կանայք: Կանանց 97%-ը ՄԻԱՎ-ով վարակվել է սեռական ճանապարհով»- հավելեց Մայիլյանը:

 

 

Տեսանյութ
Print Friendly and PDF
Այլ մամլո հաղորդագրություններ
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
2018 թ. Շուռնուխում տեղի ունեցած բռնության քրեական գործի կարճման վերաբերյալ
25.12.2018
11:00
Դեկտեմբերի 25-ին Մեդիա կենտրոնում տեղի ունեցավ «Փինք Արմենիա» ՀԿ-ի մամուլի ասուլիսը, որի ընթացքում ներկայացվեցին 2018թ. Շուռնուխ գյուղում ԼԳԲՏ անձանց նկատմամբ ծեծի հիմքով հարուցված քրեական գործի մանրամասներն ու գործի կարճման պատճառները:
«Արամի 23. խոստումներ, որոնք չկատարվեցին»
24.12.2018
12:00
Մեդիա կենտրոնում, դեկտեմբերի 24-ին, տեղի ունեցավ քննարկում «Արամի 23. խոստումներ, որոնք չկատարվեցին» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ