«Մշակութային ոլորտի խնդիրներն ու ակնկալվող բարեփոխումները. 2018թ. ամփոփում»
20.12.2018
12:00
Դեկտեմբերի 20-ին Մեդիա կենտրոնում տեղի ունեցավ քննարկում՝ «Մշակութային ոլորտի խնդիրներն ու ակնկալվող բարեփոխումները. 2018թ. ամփոփում» թեմայով:

Քննարկման բանախոսներն էին «Հայաստանի փոքրիկ երգիչներ» երգչախմբի ղեկավար Տիգրան Հեքեյանը,  Հովհաննես Թումանյանի անվան տիկնիկային թատրոնի գեղարվեստական ղեկավար Ռուբեն Բաբայանը, գրականագետ Արքմենիկ Նիկողոսյանը, Ճաչտարապետների միության նախագահ Մկրտիչ Մինասյանը, գրող, գրականագետ Հովիկ Չարխչյանը:

Բանախոսներն անդրադարձան նոր իշխանությունների ՝ մշակույթի հանդեպ վերաբերմունքին, մասնավորապես՝ Մշակույթի նախարարությունը լուծարելու՝ կառավարության որոշմանը:

«Իմ գնահատմամբ, կայուն է այն իշխանությունը, որն ունի հոգատար վերաբերմունք մշակույթի հանդեպ։ Համոզված եմ, որ նախորդ իշխանությունների ձախողման կարևոր պատճառներից մեկն այն հակամշակութային քաղաքականությունն էր, որն իրականացնում էին։ Չեմ ցանկանում, որ նույն ճակատագրին արժանանա նոր իշխանությունը»,-ասաց Արքմենիկ Նիկողոսյանը:

Հովիկ Չարխչյանի կարծիքով՝ մշակույթի նախարարներն այս երկրում պետք է իրագործեն ընդամենը մեկ խնդիր՝ ստեղծել բարենպաստ միջավայր մշակույթի զարգացման համար: «Եթե մի երկրում ինչ-որ մեկի կինը պետք է ոտքը ոտքին գցելով որոշի, թե որն է մշակութային արժեք, որը՝ ոչ, ապա այդ երկրում որևէ լավ բան չի կարող տեղի ունենալ։ Այսօր մշակույթը մեզ համար նույնքան կարևոր է, որքան բանակը, եթե բանակն ապահովում է ֆիզիկական անվտանգությունը, ապա մշակույթը՝ հոգևոր անվտանգությունը։ Երբ այս ամենը գիտակցեն, մենք կունենանք հրաշալի արդյունք»:

«Փոխանակ մշակույթի նախարարությունը վերափոխենք, վերակառուցենք խորքից, որոշում ենք չեզոքացնել՝ վերացնում ենք նախարարությունը՝ վերացնում ենք խնդիրը, սա «գլխացավանք» է. պատահական չէ, որ տարբեր ժամանակներում տարբեր կուսակցություններ դժվարացել են գտնել մշակույթի նախարար։ Սա իսկապես բարդ բան է՝ գտնել կազմակերպիչ, որը կունենա մշակութային հենք»,- ասաց Տիգրան Հեքեյանը:

Ռուբեն Բաբայանն ասում է.«Ըստ իս՝ կառուցվածքային փոփոխությունների մասին կարելի է մտածել միայն այն ժամանակ, երբ կոնկրետ որոշվի, թե մշակութային ոլորտն ինչու է պետք, և ինչ է այն իրենից ներկայացնում։ Երբ որոշեն, որ պետք է, կսկսեն մտածել տվյալ ոլորտի կառուցվածքի, մեխանիզմի մասին։ Յուրաքանչյուր բնագավառ` լինի մշակույթի, գիտության, թե տնտեսության, ունի երկու կարևոր խնդիր՝ պահպանել և զարգացնել»:

Մկրտիչ Մինասյանի կարծիքով՝ պետք է քաղաքականություն մշակել՝ ցույց տալու համար, որ մակույթը մեր երկրի համար ամենակարևոր և անհրաժեշտ բաներից մեկն է, իսկ մենք առանձնապես շատ մեծ ջանք պետք է թափենք՝ պահպանելու համար այն, քանի որ ոչ շատ մեծ տարածք ունենք, ոչ շատ մեծ ռեսուրսներ․ մեր միակ մեծ ռեսուրսը մարդու ստեղծած արդյունքն է։ 

Տեսանյութ
Print Friendly and PDF
Այլ մամլո հաղորդագրություններ
«Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին»
21.05.2019
11:00
Մեդիա կենտրոն, Երևան: Մայիսի 21-ին ժամը 11:00-ին Մեդիա կենտրոնում տեղի ունեցավ մամուլի ասուլիս՝ «Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին» թեմայով
Ռոբերտ Քոչարյանի հայտարարությունները սուտ են, նա կխուսափի՞ քննությունից․ քննարկում Մեդիա կենտրոնում
20.05.2019
10:00
Մեդիա կենտրոն, Երևան: Մայիսի 20-ին Մեդիա կենտրոնում տեղի ունեցավ «Ռոբերտ Քոչարյանն ազատվեց կալանքից. դատական իշխանության անկախությու՞ն, թե՞ դատական համակարգի հին արատներ» թեմայով քննարկում։
«Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»
15.05.2019
12:00
Մեդիա կենտրոն, Երևան: Մայիսի 15-ին, ժամը 12:00-ին «Մեդիա կենտրոնում» տեղի ունեցավ քննարկում` նվիրված Ընտանիքի միջազգային օրվան: Քննարկման թեման էր՝ «Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»:
«Հասարակություններին խաղաղությանը պատրաստելու օրակարգը տարածաշրջանում. ինչպե՞ս և ե՞րբ»
10.05.2019
11:00
Մեդիա կենտրոն, Երևան: Քաղաքացիական հասարակության ներկայացուցիչների կարծիքով՝ Հայաստանի և Ադրբեջանի հասարակություններին խաղաղությանը պատրաստելու գործընթացում մեծ դեր ունեն կատարելու թե կառավարությունը, թե մեդիան, թե հասարակական կազմակերպությունները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ