«Նոր ձևավորված խորհրդարան. որո՞նք են լինելու իշխանություններին վերահսկելու և հակակշիռներ ձևավորելու մեխանիզմները»
14.12.2018
17:00
Դեկտեմբերի 14-ին «Մեդիակենտրոնի» նախաձեռնությամբ «Ա1պլյուսի» տաղավարում առցանց ուղիղ հեռարձակմամբ անցկացվեց հեռւոստաբանավեճ «Նորձևավորվածխորհրդարան. որո՞նքենլինելուիշխանություններին վերահսկելուև հակակշիռներ ձևավորելումեխանիզմները» թեմայով:

Բանավեճին մասնակցում էին Միջազգային եւ անվտանգության հարցերի հայկական ինստիտուտի հիմնադիր, քաղաքագետ Ստեփան Սաֆարյանը, ՀՔԱ Վանաձորի գրասենյակի ղեկավար, իրավապաշտպան Արթուր Սաքունցը, քաղաքագետ Արմեն Բաղդասարյանը և քաղաքական և ընտրական գործընթացների փորձագետ Արմեն Բադալյանը:

Անդրադառնալով դեկտեմբերի 9-ին ՀՀ-ում տեղի ունեցած արտահերթ խորհրդարնական ընտրություներին և նոր ձևավորված ԱԺ կազմին` Արմեն Բադալյանն ասաց. «Կասկածելի էր ՀՀԿ-ն կանցներ, թե չէ, վերջիվերջո նրանց քիչ ձայն էր պակասում, որ անցողիկ լինեին: Կարծում եմ դա հետևանք էր ոչ գրագետ քարոզարշավի, թերություններ կային քարոզարշավում, եթե չանեին, միգուցե անցնեին»:

Անդրադառնալով ՀՅԴ-ի` ԱԺ չանցնելուն, Բադալյանը նշեց, որ Դաշնակցությունը իր կերպարը և դերը կորցրել էր մշտապես ՀՀԿ-ի կցորդ լինելու պատճառով:

Արմեն Բաղդասարյանը, չհամաձայնելով Բադալյանի հետ, շեշտեց, որ ՀՀԿ-ն շատ գրագետ քարոզարշավ տարավ, որի արդյունքում 4 տոկոսից ավելի ձայն հավաքեց, հակառակ դեպքում ավելի քիչ ձայն էր հավաքելու:

«Որովհետև 1, կամ 1,5 տոկոս պետք է ստանային հանրապետականները առավելագույնը, իրենք կարողացան իրենց օրակարգը թելադրել, տեղափոխել սև ու սպիտակի հարթություն քարոզարշավաը և համարյա հավաքել  5 տոկոս: Իսկ Դաշնակացությունը իրենք իրենց ձեռքով իրենց տունը քանդեցին, որովհետև նոր ԸՕ-ն չընդունվեց և երկու դաշնակ պատգամավոր դեմ քվեարկեցին օրենքին, իսկ եթե ընդունեին, ռեյտինգային ընտրակարգ չէր լինի: Իսկ ռեյտինգայինը դաշնակցության թույլ կողմն էր»,-ասաց Բաղդասարյանը:

Նա նշեց, որ ԱԺ նոր կազմը` 3 քաղաքական ուժերը, բալանսավորված կազմ է խորհրդարանի համար. «Լուսավոր Հայաստանը արտաքին քաղաքական հարցերով կընդդիմախոսի, իսկ Բարգավաճ Հայաստանը սոցիալ-տնտեսական հարցերում կլինի բավականի արդյունավետ ընդդիմախոս»:

Ստեփան Սաֆարյանն էլ նշում է, որ ինքը մինչ ընտրությունները կանխատեսում էր 3 քաղաքական ուժի ներկայացվածությունը նոր խորհրդարանում:

«Ընտրությունները լեգիտիմ էին, խորհրդարանը լեգալ է, պրոֆեսիոնալներ կան, բայց այդ մարմնի պրոֆեսիոնալ աշխատանքի մասին դեռևս վաղ է խոսել»:

Արթուր Սաքունցն ասում է, որ անվիճելի էր այն հանգամանքը, որ «Իմ քայլը» պետք է ունենար գերակշռություն, բայց այս ընտրությունների արդյունքները հնարավոր չէր թվային տեսանկյունից կանխատեսել. «Նոր կուսակցությունները չկարողացան հաղթահարել անկախ նրանից ունեին պատմություն, թե չունեին: Մեր հանրությունը քվեարկեց քաղաքական ուժերին, որոնք կայացած էին և «Իմ քայլին» որը հեղափոխության լոկոմոտիվը հանդիսացող ուժ է»:

 

 

 

 

 

 

 

 

 

 

Տեսանյութ
Print Friendly and PDF
Այլ մամլո հաղորդագրություններ
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
2018 թ. Շուռնուխում տեղի ունեցած բռնության քրեական գործի կարճման վերաբերյալ
25.12.2018
11:00
Դեկտեմբերի 25-ին Մեդիա կենտրոնում տեղի ունեցավ «Փինք Արմենիա» ՀԿ-ի մամուլի ասուլիսը, որի ընթացքում ներկայացվեցին 2018թ. Շուռնուխ գյուղում ԼԳԲՏ անձանց նկատմամբ ծեծի հիմքով հարուցված քրեական գործի մանրամասներն ու գործի կարճման պատճառները:
«Արամի 23. խոստումներ, որոնք չկատարվեցին»
24.12.2018
12:00
Մեդիա կենտրոնում, դեկտեմբերի 24-ին, տեղի ունեցավ քննարկում «Արամի 23. խոստումներ, որոնք չկատարվեցին» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ