Հանել դպրոցից «Հայոց եկեղեցու պատմություն» առարկան կամ վերախմբագրել դասագրքերը. թեժ բանավեճ
17.10.2018
12:00
Հոկտեմբերի 17-ին «Մեդիա կենտրոնում» տեղի ունեցավ քննարկում «Հայոց եկեղեցու պատմություն» առարկան. անհրաժեշտություն, թե քարոզ» թեմայով:

Բանախոսներն էինՀՀ ԿԳՆ Կրթության ազգային ինստիտուտի հայագիտական և սոցիալ-մշակութային առարկաների բաժնի մասնագետ Հասմիկ Մարգարյանը, «Կրթական քաղաքացիական նախաձեռնություն» ՀԿ-ի անդամ, մշակութային մարդաբան Լուսինե Խառատյանը, պատմաբան Վահրամ Թոքմաջյանը և Քրիստոնեական դաստիարակության կենտրոնի ծրագրերի համակարգող Ելենա Հարությունյանը:

Վահրամ Թոքմաջյանը, ով դասավանդում է նաև «Մխիթար Սեբաստացի» կրթահամալիրում «Պատմություն» և «Հասարակագիտություն»՝  առարկաները, նշեց, որ իրենց դպրոցում ծրագրից հանել են «Հայոց եկեղեցու պատմություն» առարկան, քանի որ դրա դասավանդումը հակասում է Սահմանադրության  խղճի ու դավանանքի ազատության  հոդվածին։

«Դասագրքերում  հաշվի առնված չեն աթեիստ, կաթոլիկ, բողոքական և այլ դավանանքների պատկանող աշակերտների գործոնը»,-ասաց Թոքմաջյանը։ 
Ելենա Հարությունյանը նշեց, որ ըստ իրենց ուսումնասիրությունների, առարկայի հանդեպ  դպրոցներում կա հետաքրքրություն. «Աշակերտները սիրով են ուսումնասիրում առարկան, այսինքն՝ դպրոցից արդեն ծանոթանում են ազգային արժեքներին, Հայ առաքելական եկեղեցու պատմությանը: Ինձ շատ ուրախացրեց ԿԳ նախարարի հայտարարությունը, որ «Հայոց եկեղեցու պատմություն» առարկայի դասավանդման մեթոդները պետք է վերանայվեն»:

Լուսինե Խառատյանը նկատեց, որ «Հայոց եկեղեցու պատմություն» առարկայի դասագրքերը խմբագրված են. «Մի շարք պատմական իրադարձություններ, ինչպես Պավլիկյան , Թոնդրակյան շարժումները, առհասարակ, ընդգրկված չեն դասագրքերում, ինչով , փաստորեն, անտեսվում է  աշակերտների քննադատական մտածողություն սովորեցնելը»: 

Հասմիկ Մարգարյանի կարծիքով էլ այս առարկան դպրոցներում դասավանդելը չափազանց կարևոր է: Առարկան դպրոցներում անցնում են 2005 թվականից, իսկ դրան նախորդել է յոթ տարվա նախապատրաստական աշխատանքը՝ հանդիպումներ, քննարկումներ շահագրգիռ բոլոր կողմերի՝ ՀԱԵ-ի, պատմաբանների, կրոնի մասնագետների և դպրոցների ուսուցիչների հետ:

Տեսանյութ
Print Friendly and PDF
Այլ մամլո հաղորդագրություններ
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
2018 թ. Շուռնուխում տեղի ունեցած բռնության քրեական գործի կարճման վերաբերյալ
25.12.2018
11:00
Դեկտեմբերի 25-ին Մեդիա կենտրոնում տեղի ունեցավ «Փինք Արմենիա» ՀԿ-ի մամուլի ասուլիսը, որի ընթացքում ներկայացվեցին 2018թ. Շուռնուխ գյուղում ԼԳԲՏ անձանց նկատմամբ ծեծի հիմքով հարուցված քրեական գործի մանրամասներն ու գործի կարճման պատճառները:
«Արամի 23. խոստումներ, որոնք չկատարվեցին»
24.12.2018
12:00
Մեդիա կենտրոնում, դեկտեմբերի 24-ին, տեղի ունեցավ քննարկում «Արամի 23. խոստումներ, որոնք չկատարվեցին» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ