Երևանի ավագանու ընտրություններ-2018 «Երևանի ճարտարապետական դիմագիծն ու կառուցապատման խնդիրները. ի՞նչ լուծումներ են առաջարկում թեկնածուները»
11.09.2018
11:00
Սեպտեմբերի 11-ին Մեդիա կենտրոնում տեղի ունեցավ քննարկում «Երևանի ավագանու ընտրություններ-2018. Երևանի ճարտարապետական դիմագիծն ու կառուցապատման խնդիրները» թեմայով, որի շրջանակում ընտրություններին առաջադրված կուսակցությունների ու դաշինքների թեկնածուները ներկայացրեին իրենց առաջարկներն ու լուծումները:

Քննարկմանը մասնակցում էին «Իմ քայլը» դաշինքից Արսեն Կարապետյանը, «Լույս» դաշինքից Անի Սամսոնյանը, «Հայ հեղափոխական դաշնակցություն» կուսակցությունից Արգիշտի Գևորգյանը, «Երևանի հանրություն» դաշինքից Արմինե Ղազարյանը, Ռեֆորմիստների կուսակցությունից Ռուբեն Ջեբեյանը, Երկիր Ծիրանի կուսակցությունից Մարիամ Խաչատրյան և Հայք կուսակցությունից Հակոբ Սիմոնյան:

Արմինե Ղազարյանը, խոսելով Երևանի կենտրոնում կառուցապատման խնդիրների մասին, նշում է, որ իրենք տեսնում են երկու սկզբունքային մոտեցում. Երևանի կենտրոնում կառուցապատումը խստիվ արգելում, թույլտվության չտրամադրում քաղաքի կենտրոնում շինարարության իրականացմանը:

Ռուբեն Ջեբեյանն ասում է, որ բիզնեսմենների հետ պետք է մշակել համատեղ ծրագրեր: Ըստ նրա` կառուցապատումը պետք է իրականացվի միայն Երևանի հատագծի համաձայն:

«Մենք չենք կարող ընդհանրապես արգելել կառուցապատումը, դա իրատեսական չէ, պետք է ուշադրություն դարձնել մշակութային օբյեկտներին, որոնք պետք է պահպանվեն: Երևանի հատակագիծը իրենով բավականին հնացած գործիք է»,-ասաց Արսեն Կարապետյանը:

«Լույս» դաշինքի թեկնածու Անի Սամսոնյանի կարծիքով փոքր կենտրոնը անհրաժեշտություն կա բեռնաթափելու: Պետք է ստեղծել քաղաքաշինության մասին օրենսգիրք, որտեղ կամրագրվեն գլխավոր սկզբունքներն ու մոտեցումները:

«Խիստ սահմանափակումներ Երևանի կենտրոնում շինարարության հետ կապված: Մեծ խնդիր է ավտոկայանատեղիների խնդիրը, ինչը կարող է լուծվել ստորգետնյա կամ վերգետնյա բազմահարկ կայանատեղիների կառուցմամբ», - ասում է Արգիշտի Գևորգյանը:

Հակոբ Սիմոնյանն էլ ասում է, որ ամեն ինչ պայմանավորված է փիլիսոփայությամբ, ընկալումով. «Մեր սիրելի քաղաքի դեմքի աղճատումը հավանաբար սկսվեց նրանից, երբ Ալբերտ Բազեյանին Ռոբերտ Քոչարյանն ասաց՝ նստել ես փողի վրա փող ես ուզում»:

«Ամբողջ Երևանը բաժանվելու է զոնաների, ըստ իր ֆունկցիաների: Մենք առաջարկում ենք այնպիսի օրենք, որը կպարունակի կառուցապատման վերաբերյալ նորմերը»,-ասաց Մարիամ Խաչատրյան:

Տեսանյութ
Print Friendly and PDF
Այլ մամլո հաղորդագրություններ
«Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»
19.03.2019
12:00
Մարտի 19-ին «Մեդիա կենտրոնում» տեղի ունեցավ մամուլի ասուլիս` նվիրված Սոցիալական աշխատանքի համաշխարհային օրվան: Ասուլիսի թեման էր` «Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»:
«Մեդիա սպառումն ու ինֆորմացիոն նախասիրությունները Հայաստանում-2019» հետազոտության ներկայացում
15.03.2019
12:00
Մարտի 15-ին «Մեդիա կենտրոնում» տեղի ունեցավ «Մեդիա սպառումն ու ինֆորմացիոն նախասիրությունները Հայաստանում- 2019» հետազոտության արդյունքների ներկայացում:
Խաղաղության ընկալումը․ ԼՂ հակամարտության մոտեցումների վերլուծությունը
06.02.2019
12:00
ԼՂ հակամարտության հանգուցալուծմանը հասնելու միակ ճանապարհը խաղաղությանը նախապատրաստվելն է: Թեպետ հակամարտող հանրույթներում գերիշխում է պատերազմի պրոպագանդան, սակայն Հայաստանում, Լեռնային Ղարաբաղում եւ Ադրբեջանում մարդիկ սկսել են ավելի ու ավելի քննադատաբար մոտենալ հնարավոր պատերազմին: Հարցեր են հնչեցնում պատերազմի ու խաղաղության գնի մասին:
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ