«Բժշկական օգնությու՞ն, թե՞ սթրես. ինչպե՞ս են պաշտպանվում պացիենտների իրավունքները Հայաստանում»
30.08.2018
12:30
Օգոստոսի 30-ին «Մեդիա կենտրոնում» տեղի ունեցավ քննարկում Կառավարության 100-օրվա ամփոփման շրջանակում: Քննարկման թեման էր՝ «Բժշկական օգնությու՞ն, թե՞ սթրես. ինչպե՞ս են պաշտպանվում պացիենտների իրավունքները Հայաստանում»:

Քննարկման բանախոսներն էին ՀՀ առողջապահության նախարարության բժշկական օգնության քաղաքականության վարչության պետ Դավիթ Մելիք-Նուբարյանը, քաղցկեղը հաղթահարած Լիլիթ Ամիրխանյանը և  «Իրավունքի զարգացման կենտրոն» հասարակական կազմակերպության նախագահ Վիոլետա Զոփունյանը:
Հայաստանում օրենքներով, կառավարության որոշումներով սահմանված են արտոնյալ և անվճար բուժօգնության իրավունք ունեցող խմբերն ու հիվանդությունները, պետությունները: Օրենքով սահմանված կարգով անվճար բժշկական օգնություն ստանալու իրավունք ունեն  1-ին, 2-րդ և 3-րդ խմբի հաշմանդամություն ունեցող անձինք:

Լիլիթ Ամիրխանյանը ներկայացրեց, թե ինչ խնդիրների է բախվում հիվանդը, երբ մի օր իմանում է, որ առողջական լուրջ խնդիր ունի. ՙԹղթատարություն, հերթեր պոլիկլինիկաներում ու հիվանդանոցներում թղթերի համար, որոնց իմաստը հիվանդին անհասկանալի է: Օրինակ ՝ հիվանդանոցում պահանջում են ներկայացնել պետպատվերի ուղեգիրը, ապա առաջարկում գրավոր  հրաժարվել պետպատվերից՝ նախապես գիտենալով, որ հիվանդը պատրաստվում է վճարել վիրահատության ու բուժօգնության համար՚:

Օնկոլոգիական խնդիրներ ունեցող հիվանդների խնդիրները, ըստ Լիլիթ Ամիրխանյանի,  շատ են՝ սկսած հոգեբանականից, երբ հիվանդը միայնակ է իր հիվանդության հետ, ավարտած ֆինանսականով:  

Դավիթ Մելիք-Նուբարյանը նշեց, որ համակարգը նոր-նոր զարգացման ու կայունացման փուլ է մտնում, ուստի այն, որ խնդիրներ կան, բնական է. «ՀՀ-ում գործում է սահմանափակ բյուջեի սկզբունքը. բուժհաստատությունների հետ երկկողմ պայմանագրեր են կնքվում, որոնք բաժանված են ամիսների, թե յուրաքանչյուր ամիս քանի հիվանդ պետք է բուժվի: Խնդիրը միայն ՀՀ-ին չէ բնորոշ. դա կա նաև Կանադայում, Իտալիայում, Նորվեգիայում: Իտալիայում համակարգչային հետազոտություն անցնելու համար պիտի 20 օր միջինը հերթ կանգնես: Մենք չենք ասում, որ սա նորմալ է, բայց խնդիրներ բոլոր երկրներում կան»:

Վիոլետա Զոփունյանը նշեց. «Երբ  խոսում ենք որակյալ բժշկական ծառայության մատուցման մասին, պետք է անպայման հաշվի առնել և՛ պացիենտների, և՛ բուժաշխատողների իրավունքները: Մեր ստացած զանգերի մեծամասնությունն ավելի շատ տեղեկատվական բնույթի են եղել. պացիենտները իրականում տեղյակ չեն իրենց իրավունքների մասին, չգիտեն որտեղ դիմել, ինչպես ստանալ հաշմանդամության կարգը, տեղյակ չեն կարգավորումներից: Իրականում այդ նույն տեղեկատվական խնդիրը կա բուժաշխատողների շրջանում: Քանի որ ակտիվ աշխատում ենք նաև բուժաշխատողների հետ, փորձը ցույց է տալիս, որ դա իրավական ակտերի՝ բարդ լինելու հետ է կապված»:

 

Տեսանյութ
Print Friendly and PDF
Այլ մամլո հաղորդագրություններ
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
2018 թ. Շուռնուխում տեղի ունեցած բռնության քրեական գործի կարճման վերաբերյալ
25.12.2018
11:00
Դեկտեմբերի 25-ին Մեդիա կենտրոնում տեղի ունեցավ «Փինք Արմենիա» ՀԿ-ի մամուլի ասուլիսը, որի ընթացքում ներկայացվեցին 2018թ. Շուռնուխ գյուղում ԼԳԲՏ անձանց նկատմամբ ծեծի հիմքով հարուցված քրեական գործի մանրամասներն ու գործի կարճման պատճառները:
«Արամի 23. խոստումներ, որոնք չկատարվեցին»
24.12.2018
12:00
Մեդիա կենտրոնում, դեկտեմբերի 24-ին, տեղի ունեցավ քննարկում «Արամի 23. խոստումներ, որոնք չկատարվեցին» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ