«Մեդիա-նոր իշխանություններ. մտահոգիչ միտումներ»
25.07.2018
12:00
Մանիպուլյացիա, քարոզչություն, ապատեղեկատվություն, կեղծ կայքեր..Այս ամենը մեդիայում եղել է միշտ: Սակայն մասշտաբները, որոնք տեսնում ենք այսօր, մեդիա փորձագետներին թույլ է տալիս վիճակը գնահատել՝ իբրև ճգնաժամային:


Հեղափոխությունից հետո իրավիճակ է փոխվել նաև մեդիա դաշտում: Եվ այդ մասին հուլիսի  25-ին, «Մեդիա կենտրոնում» տեղի ունեցած «Մեդիա- նոր իշխանություններ. մտահոգիչ միտումներ» թեմայով քննարկմանը խոսեցին ռեժիսոր Արա Շիրինյանը, «Իրազեկ քաղաքացիների միավորում» հասարակական կազմակերպության մեդիա փորձագետ Աննա Փամբուխչյանը, Խոսքի ազատության պաշտպանության կոմիտեի նախագահ Աշոտ Մելիքյանը, Հելսինկյան քաղաքացիական ասամբլեայի Վանաձորի գրասենյակի նախագահ Արթուր Սաքունցը և մեդիա փորձագետ Սամվել Մարտիրոսյանը:  

Ըստ Արա Շիրինյանի՝ երկրում իրավիճակը, միանշանակ, փոխվել է, մամուլում չի փոխվել, հասարակական ընկալումների մեջ մամուլի դերի մասին այս պահից սկսած փոխվում է. «Մեր հասարակությունը, կարծում եմ, նոր պահանջ է դնում մամուլի նկատմամբ՝ ավելի որակյալ, ավելի մասնագիտական, ավելի կոմպետենտ մամուլ»:

Աշոտ Մելիքյանի կարծիքով Հայաստանում իրավիճակ է փոխվել և մինչև մարտի 23-ը դժվար էր պատկերացնել, որ երկրի առաջին դեմքն ուղիղ եթերով կպատմեր իր աշխատանքային օրվա, որոշումների մասին: Իսկ նախկինում ճիշտ հակառակն էր՝ երկրի ղեկավարը շփվում էր ընտրյալ ԶԼՄ-ների հետ, որոնք իրենց շատ շոյված էին զգում դրանից, փոխանակ մասնագիտական պատվախնդրությամբ նկատեին, որ դա աշխատաոճ չէ։

Աննա Փամբուխչյանը նշեց, որ նախկինում ինքնագրաքննությունն ավելի զգալի էր, երբ սոցիալական ցանցում որևէ բան գրելուց առաջ երկար էին մտածում, իսկ հիմա ազատ արտահայտվում են։ Ըստ նրա՝ դա և՛ դրական է ազատ երկրի համար, և՛ բացասական, որովհետև նեգատիվ կոնտենտ կա՝ վիրավորանքներ և այլն։ Եվրոպական երկրներում, Արևմուտքում, ըստ բանախոսի,  Ֆեյսբուքը դա ավտոմատ կֆիլտրեր, իսկ հայերենի դեպքում դա բավականին դժվար է:

«Բայց միաժամանակ ես չեմ կարծում, որ կա այն աստիճան ատելության քարոզչություն, ինչպիսին փորձվում է ներկայացնել»,-ասում է Փամբուխչյանը:

Սամվել Մարտիրոսյանի կարծիքով՝  հետհեղափոխական Հայաստանի մեդիա ոլորտում ճգնաժամ է. «Խոսքն ուժ ունի, եթե հայտարարում ես հանրայնորեն, որ տեղեկատվական պատերազմ է գնում, դու հայտարարում ես, որ դա ճգնաժամ է»։

Արթուր Սաքունցը նկատեց, թե բոլորս կարիք ունենք հարմարվելու ազատությանը, ազատ խոսքին:  Նա տարօրինակ է համարում ԶԼՄ-ների ութ ղեկավարների հայտարարությունը. «Հիմա չգիտեմ՝ ինչու են աղմկում։ Սովորեք, պարոնայք, տիկնայք, աշխատել ազատության պայմաններում»։

Տեսանյութ
Print Friendly and PDF
Այլ մամլո հաղորդագրություններ
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
2018 թ. Շուռնուխում տեղի ունեցած բռնության քրեական գործի կարճման վերաբերյալ
25.12.2018
11:00
Դեկտեմբերի 25-ին Մեդիա կենտրոնում տեղի ունեցավ «Փինք Արմենիա» ՀԿ-ի մամուլի ասուլիսը, որի ընթացքում ներկայացվեցին 2018թ. Շուռնուխ գյուղում ԼԳԲՏ անձանց նկատմամբ ծեծի հիմքով հարուցված քրեական գործի մանրամասներն ու գործի կարճման պատճառները:
«Արամի 23. խոստումներ, որոնք չկատարվեցին»
24.12.2018
12:00
Մեդիա կենտրոնում, դեկտեմբերի 24-ին, տեղի ունեցավ քննարկում «Արամի 23. խոստումներ, որոնք չկատարվեցին» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ