«Ինչու՞ և ինչպե՞ս գիտական թեզ պաշտպանել Հայաստանում»
19.07.2018
12:30
Հուլիսի 19-ին «Մեդիա կենտրոնում» տեղի ունեցավ քննարկում «Ինչու՞ և ինչպե՞ս գիտական թեզ պաշտպանել Հայաստանում» թեմայով։


Քննարկման բանախոսներն էին Բարձրագույն որակավորման կոմիտեի նախագահ Սմբատ Գոգյանը, Գիտության կոմիտեի նախագահի տեղակալ Վարդան Սահակյանը և
ԵՊՀ արևելագիտության ֆակուլտետի իրանագիտության ամբիոնի վարիչ Վարդան Ոսկանյանը:

Անդրադառնալով ատենախոսությունների թեմաներին, հաճախ՝ դրանց ոչ ակտուալությանը, ԲՈԿ նախագահ Սմբատ Գոգյանն ասաց. ՙԻնձ համար հանելուկ է, որ Ամուլսարի հարցը տասնամյակներ շարունակ կա, սակայն Հայաստանում գոյություն չունի մի ատենախոսության թեմա, որը վերաբերի  Հայաստանում հանքարդյունաբերության ազդեցությանը ստորջրյա գետերի եւ ջրերի վրա: Այդ թեմայով կարելի է ոչ միայն թեկնածուական, այլեւ դոկտորական ատենախոսություն պաշտպանել»:

Վարդան Ոսկանյանի կարծիքով՝ դրամաշնորհներ տրամադրելիս խտրական մոտեցում  կա բնագիտական և հումանիտար գիտությունների միջև:

«Այն  հիմնադրամները, որոնք ունեն ֆինանսական լուրջ միջոցներ, ձգտում են հիմնականում ֆինանսավորել բնական գիտությունների ոլորտը, որովհետեւ դա նրանց հետաքրքիր է զուտ պրագմատիկ նպատակներով:  Հումանիտար դաշտը, հատկապես այն ոլորտը, որը ես եմ ներկայացնում`  արեւելագիտությունը, ակնկալել միջազգային ֆինանսավորում, դիցուք ԱՄՆ-ից չի կարող, որովհետեւ ԱՄՆ-ը չի ցանկանա Հայաստանում ֆինանսավորել Իրանի կամ Թուրքիայի ուսումնասիրությունը»,-ասաց Ոսկանյանը:

Նա նաև նկատեց, որ  արեւելագիտությունն անմիջականորեն առնչվում է մեր երկրի անվտանգությանը եւ կիրառական նշանակություն ունի. «Եթե ես այսօր իրանագիտության ամբիոնում չունենամ թալիշերենի մասնագետ, ապա վաղը, Աստված մի արասցե, հաջորդ Արցախյան պատերազմի դեպքում մենք կհայտնվենք առաջին Արցախյան պատերազմի նույն շրջափուլում, երբ ռադիոկապը ապահովվում էր թալիշերենով, իսկ Հայաստանում չկար մի հոգի, որ իմանար թալիշերեն: Անշուշտ կարեւոր է, որ հրթիռ ստեղծող մասնագետ ունենանք, բայց եթե  հրթիռ ստեղծող մասնագետը չունի հումանիտար գաղափարախոսություն, մարդասեր չէ,  նա վաղը  հրթիռը կարող է արձակել իր հարեւանի տան վրա…Այսօր պետությունները պարտվում են քարոզչական պատերազմներում, իսկ այդ խնդիրն իրականացնում են հումանիտար ոլորտը»: 

Գիտության կոմիտեի նախագահի տեղակալ Վարդան Սահակյանի կարծիքով՝ պետք է բուհերի ինքնավարությունը մեծացնել, հնարավորություն ստեծել, որ բուհերը զարգանան:

Նա նաև նկատեց, թե  գիտական աստիճան ստանալը Հայաստանում բավականին հեշտ է դարձել, եւ մարդիկ հեշտ են ստանում գիտական աստիճան:

Բանախոսները համակարծիք էին, որ նոր Հայաստանում կա քաղաքական կամք  ոլորտում առկա խնդիրները լուծելու համար:

Քննարկման շարունակությունը դիտեք այստեղ:

Տեսանյութ
Print Friendly and PDF
Այլ մամլո հաղորդագրություններ
«Հեպատիտների տարածվածության, դեղերի և բուժման հասանելիության խնդիրները Հայաստանում»
16.08.2018
12:00
2017-2018 թթ. «Դրական մարդկանց հայկական ցանց» սոցիալական ՀԿ-ն իրականացրել է հետազոտություն Երևան, Գյումրի, Վանաձոր, Հրազդան, Սևան, Գավառ, Մարտունի և Արմավիր քաղաքներում`ուղղված բնակչության շրջանում վիրուսային հեպատիտներ B-ի և C-ի վաղ հայտնաբերմանը, խնդրի մասին քաղաքացիների շրջանում իրազեկության բարձրացմանը:
«ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները»
27.07.2018
12:30
Հուլիսի 27-ին «Մեդիա կենտրոնում» տեղի ունեցավ մամուլի ասուլիս «ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները» թեմայով։
Պաշտպանական ոլորտի պետգնումները կոռուպցիոն մեծ ռիսկեր են պարունակում՝ փորձագետ
26.07.2018
14:00
Հուլիսի 26-ին «Մեդիա կենտրոնում» Հանրային քաղաքականության հետազոտությունների ազգային կենտրոնի նախագահ, տնտեսագետ Արտակ Մանուկյանը ներկայացրեց ՀՔՀԱԿ-ի կողմից իրականացված 2017-2018 թթ. պաշտպանական ոլորտի գնումների մոնիտորինգի արդյունքները։
«Մեդիա-նոր իշխանություններ. մտահոգիչ միտումներ»
25.07.2018
12:00
Մանիպուլյացիա, քարոզչություն, ապատեղեկատվություն, կեղծ կայքեր..Այս ամենը մեդիայում եղել է միշտ: Սակայն մասշտաբները, որոնք տեսնում ենք այսօր, մեդիա փորձագետներին թույլ է տալիս վիճակը գնահատել՝ իբրև ճգնաժամային:

«Դիտորդների խմբի գործունեության խոչընդոտները և ՔԿՀ-ներում մարդու իրավունքների խախտումների ընթացիկ խնդիրները»
25.07.2018
11:00
Թավշյա հեղափոխությունից հետո ՀՀ Արդարադատության նախարարությունը պահում է նույն դիրքորոշումը և նույն կերպ խոչընդոտում ՀՀ ԱՆ ՔԿՀ-ներում հասարակական վերահսկողություն իրականացնող հասարակական Դիտորդների խմբի գործունեությունը. այս մասին հուլիսի 25-ին Մեդիա կենտրոնում տեղի ունեցած քննարկմանը հայտարարեցին Դիտորդական խմբի անդամները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Հայաստան-Թուրքիա Միջոցառումներ