«Հեղափոխություն՝ մշակույթո՞վ, թե՞ առանց մշակույթի»
17.07.2018
17:00
Հուլիսի 17-ին «Մեդիա կենտրոնում» տեղի ունեցավ քննարկում՝ «Հեղափոխություն՝ մշակույթո՞վ, թե՞ առանց մշակույթի» թեմայով։


Քննարկմանը մասնակցում էին  ՀՀ Մշակույթի նախարար Լիլիթ Մակունցը, բանաստեղծ Վիոլետ Գրիգորյանը, ճարտարապետ Միսակ Խոստիկյանը,  «Հայեր» համահայկական մեդիահարթակի գլխավոր խմբագիր Արայիկ Մանուկյանը և նկարիչ Սամվել Սաղաթելյանը:

Որպես կանոն, գիտության, արվեստի  մարդիկ պետության հետ իրենց փոխհարաբերությունը պատկերացնում են նյութական աջակցությամբ: Սակայն պետությունն էլ հակադարձում է, թե ինքն է գիտության, մշակույթի մարդկանցից ակնկալում այնպիսի աշխատանք, որը փող կբերի: Վերջերս էլ վարչապետի և մշակույթի գործիչների հանդիպման ժամանակ ՀՀ վարչապետ Նիկոլ Փաշինյանն ասաց, որ բյուջեից մշակույթին հատկացվող գումարներն այն դեպքում կարելի է արդարացված համարել, եթե այդ արտադրանքից օգտվում է հարկատուն, քաղաքացին:

Մեդիա կենտրոնի հարցին, թե  ի՞նչ է առաջարկում պետությունը և ի՞նչ է ակնկալում մշակույթ ստեղծող մարդկանցից,  Մշակույթի նախարարն ասաց. «Կարեւոր է մրցակցային եւ թափանցիկ դաշտի ապահովումը…Կարեւոր է ներքեւից վերեւ խնդիրների քննարկման, որոշումների, լուծումների փնտրտուքը… Արվեստագետներից ակնկալում ենք բարձրագույն արժեքների ստեղծում»:
Այն դիտարկմանը, թե  պետությունը իր մշակութային քաղաքականությունը կազմելիս  հիմնվում է այս տեսակետի վրա՝ մշակույթն ու արվեստը պետք է ծառայեն զանգվածներին,  արվեստը պրոպագանդայի ու դաստիարակչական միջոց է, Վիոլետ Գրիգորյանն ասաց. «Պետությունը պետք է ունենա տեսլական մշակույթի եւ արվեստի զարգացման համար: Մշակույթի նախարարությունը չպետք է փող չտալը ներկայացնի որպես գաղափարախոսություն, քաղաքականությունը պետք է հստակ լինի, իսկ արվեստի մրցակցություն չկա»:

Ճարտարապետ Միսակ Խոստիկյանի կարծիքով՝ իշխանությունները պետք է բովանդակային խոսակցություն սկսեն փորձագետների, ոլորտի մասնագետների, արվեստագետների հետ. «Մի նրբություն կա` պետք է բուն ստեղծագործական հարցերը չդրվեն կոնտեքստների մեջ, որոնք լայն են ու անորոշ, դրա համար էլ նրբությունները կորում են» :

Նկարիչ Սամվել Սաղաթելյանն էլ ասաց, թե արվեստը մշակույթի ստեղծած կաղապարները կոտրելու միտում ունի. «Մշակույթի նախարարության և արվեստագետների հարաբերվելու միակ ձեւը արվեստի առաջնայնությունն է: Արվեստը առաջնային է, մշակույթը ստեղծվում է դրանից հետո, դրա հիմքի վրա»: 

«Հայեր» համահայկական մեդիահարթակի գլխավոր խմբագիր Արայիկ Մանուկյանը համոզված է, որ եթե չունենանք մշակութային այնպիսի քաղաքականություն, որը պայմանավորված չլինի այս կամ այն նախարարի անձով, այլ ցույց տա, թե մշակույթի զարգացման ինչ ճանապարհ է տեսնում պետությունը, նոր հնարավոր կլինի խոսել , թե հեղափոխությունը տեղի է ունեցել նաև մշակույթում:

Քննարկման շարունակությունը դիտեք այստեղ:

Տեսանյութ
Print Friendly and PDF
Այլ մամլո հաղորդագրություններ
Խաղաղության ընկալումը․ ԼՂ հակամարտության մոտեցումների վերլուծությունը
06.02.2019
12:00
ԼՂ հակամարտության հանգուցալուծմանը հասնելու միակ ճանապարհը խաղաղությանը նախապատրաստվելն է: Թեպետ հակամարտող հանրույթներում գերիշխում է պատերազմի պրոպագանդան, սակայն Հայաստանում, Լեռնային Ղարաբաղում եւ Ադրբեջանում մարդիկ սկսել են ավելի ու ավելի քննադատաբար մոտենալ հնարավոր պատերազմին: Հարցեր են հնչեցնում պատերազմի ու խաղաղության գնի մասին:
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ