Առանց բանավեճի, առանց քննադատության ոչ կառավարությունը, ոչ երկիրը չի կարող հաջողություն ունենալ
Հուլիսի 4-ին «Մեդիա կենտրոնում» տեղի ունեցավ «Դասախոս ռեսթարթ» նախաձեռնության մամլո ասուլիսը «Բարձրագույն կրթության խնդիրները. դասախոսների մտահոգություններն ու առաջարկները» թեմայով։
Բանախոսներն էին՝
Լիլիթ Մկրտչյան, պատմական գիտությունների թեկնածու, դոցենտ, ԵՊՀ
Դավիթ Թինոյան, պատմական գիտությունների թեկնածու, դոցենտ, ԵՊՀ
Արթուր Կոբելյան, հոգեբանական գիտությունների թեկնածու, դոցենտ, ԵՊՀ
Լևոն Սարգսյան, հոգեբանական գիտությունների թեկնածու , դոցենտ, ԵՊՄՀ
Դասախոս ռեսթարթ-ը հարթակ է՝ հրավիրված անկախ փորձագետ-դասախոսների կողմից: Հարթակը նպատակ ունի միավորել տարբեր բուհերում աշխատող դասախոսների, կրթության ոլորտում աշխատող մասնագետների ու փորձագետների՝ հնարավորություն ստեղծելով վեր հանել առկա խնդիրները, ներկայացնելու ու քննարկելու կրթությանը վերաբերող նոր նախաձեռնություններն ու գաղափարներ՝ միտված բարձրորակ, մրցունակ կրթական համակարգի ձևավորմանը:
