«Թավշյա հեղափոխությունը Թուրքիայում մեծ հույսեր ներշնչեց». Իթիր Էրհարթ
21.06.2018
14:00
Հայաստանում տեղի ունեցած թավշյա հեղափոխությունը մեզ շատ մեծ հույսեր ներշնչեց, որովհետև մենք էլ երկար տարիներ ունենք նույն իշխող ուժը. այս մասին հունիսի 21-ին «Մեդիա կենտրոնում» տեղի ունեցած մամլո ասուլիսին ասաց Թուրքիայում ճանաչված սոցիալական ձեռներեց, Աշոկա ծրագրի մասնակից, Աշոկա Թուրքիայի խորհրդի անդամ Իթիր Էրհարթը:

«Թավշյա հեղափոխությունը ցույց տվեց, որ հնարավոր է փոփոխություններ անելը: Թուրքական մամուլում տրամադրությունը հետևյալն էր` իրենք արել են, մենք էլ կարող ենք անել, մեծ խանդավառություն կար»,-ասաց Իթիր Էրհարթը:

Իթիրը 2 սոցիալական ձեռնարկատիրության համահիմնադիր է`  Adim Adim (Քայլ առ Քայլ) և Açık Açık (Բացեիբաց): 2009թ. նկարահանվել է CNN Turk’s-ի «Թուրքիայի չեյնջմեյքերները» փաստագրական շարքում: 2014թ.-ից անդամակցում է  Աշոկային:

Իթիր Էրհարթն ուսումնասիրել է փիլիսոփայություն, արևմտյան լեզուներ ու գրականություն Ստամբուլի Բոգազիչի համալսարանում: Փիլիսոփայության մագիստրոսի աստիճան ստացել է Քեմբրիջի համալսարանում: 2001թ.-ից սկսել է դասավանդել Ստամբուլի Բիլջի համալսարանի մեդիա և հաղորդակցության համակարգերի ֆակուլտետում: 2006թ. Բոգազիչի համալսարանում ստացել է փիլիսոփայությական գիտությունների թեկնածուի գիտական աստիճան: Նա ունի դոցենտի կոչում:

Իր խոսքում նա նշեց, որ սոցիալական ձեռներեցությունը ավելի ու ավելի է զարգանում Թուրքիայում, հատկապես` երիտասարդների շրջանում:

«Թուրքիայի Աշոկա ծրագրով ստեղծվում են այնպիսի գործիքներ, որոնք կհեշտացնեն սոցիալական ձեռներցների կյանքը և գործունեությունը: Ինչպես նաև նպատակ կա ստեղծելու այնպիսի էկոմիջավայր, որ գոյություն ունեցող սոցիալական ձեռներեցները  իրար հետ համագործակցեն»,-ասում է Իթիր Էրհարթը:

Նա նշում է, որ թեև սոցիալական ձեռներեցությունը նոր ուղղություն է, բայց շատ արագ է զարգանում:

«Թուրքիայում սոցիալական ձեռներեցները օրենքի ներքո են ինչպես սովորական ձեռներեցները: Հարկերի առումով որևէ  զիջում ու արտոնություն չեն ստանում: Լավ կլիներ դա փոխվեր»,-ասաց Էրհարթը:

Ասուլիսի շարունակությունը դիտեք այստեղ:

Լիլիթ ԱռաքելյանՄեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեք Lilitarakelyan@pjc.am հասցեին:

Տեսանյութ
Print Friendly and PDF
Այլ մամլո հաղորդագրություններ
«Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»
19.03.2019
12:00
Մարտի 19-ին «Մեդիա կենտրոնում» տեղի ունեցավ մամուլի ասուլիս` նվիրված Սոցիալական աշխատանքի համաշխարհային օրվան: Ասուլիսի թեման էր` «Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»:
«Մեդիա սպառումն ու ինֆորմացիոն նախասիրությունները Հայաստանում-2019» հետազոտության ներկայացում
15.03.2019
12:00
Մարտի 15-ին «Մեդիա կենտրոնում» տեղի ունեցավ «Մեդիա սպառումն ու ինֆորմացիոն նախասիրությունները Հայաստանում- 2019» հետազոտության արդյունքների ներկայացում:
Խաղաղության ընկալումը․ ԼՂ հակամարտության մոտեցումների վերլուծությունը
06.02.2019
12:00
ԼՂ հակամարտության հանգուցալուծմանը հասնելու միակ ճանապարհը խաղաղությանը նախապատրաստվելն է: Թեպետ հակամարտող հանրույթներում գերիշխում է պատերազմի պրոպագանդան, սակայն Հայաստանում, Լեռնային Ղարաբաղում եւ Ադրբեջանում մարդիկ սկսել են ավելի ու ավելի քննադատաբար մոտենալ հնարավոր պատերազմին: Հարցեր են հնչեցնում պատերազմի ու խաղաղության գնի մասին:
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ