Կանայք Հայաստանի բարձրագույն իշխանության կազմում
13.06.2018
17:04
Ի՞նչ է մտածում Facebook-ը ՀՀ բարձրագույն ղեկավար կազմում կանանց ներգրավվածության աստիճանի վերաբերյալ։

Հայաստանում ամենաազդեցիկ սոցիալական հարթակում՝ Ֆեյսբուքում, օգտատերերի տրամադրություններն ուսումնասիրելու համար սոցցանցի տիրույթում Հանրային լրագրության ակումբն անցկացրել է online հարցում Polls for pages գործիքի միջոցով։ Հարցման նպատակն է եղել պարզել,  թե հայաստանցի օգտատերերն ինչպե՞ս են գնահատում  ՀՀ նոր ձևավորված կառավարության կազմում կանանց ներկայացվածության աստիճանը։

Հարցումն անցկացվել է մայիսի 11-30-ն ընկած ժամանակահատվածում։

 

Հարցման համար նախատեսված վիրտուալ հարթակ այցելած 2560 օգտատերերից դիրքորոշում է հայտնել 34%-ը՝ 877 օգտատեր։ Ինչը նշանակում է, որ սոցցանցում օգտատերերի հետաքրքրությունը թեմայի վերաբերյալ համեմատաբար բարձր չէ։ Մասնակից օգտատերերի 90 % -ի տեղակայման վայր նշված է Հայաստանը։ Օգտատերերը սեփական նախաձեռնությամբ  պատասխանել են ներքոհիշյալ հարցին, որի արդյունքում ձևավորվել է հետևյալ պատկերը։

 

Ինչպե՞ս եք գնահատում նոր ձևավորված կառավարության կազմում կանանց ներգրավվածության աստիճանը։ ՀՀ կառավարության 21 անդամներից (վարչապետ, 3 փոխվարչապետ, 17 նախարար) միայն 2-ն են կանայք՝ նախարարի պաշտոնում։

 

  • Անբավարար                        408 մասնակից՝  47%

  • Բավարար                             271 մասնակից՝ 31%

  • Ավելի քան բավարար           129 մասնակից՝ 22%

 

Կանայք Հայաստանի Հանրապետության բարձրագույն ղեկավարության կազմում

Կանայք գործադիր իշխանության բարձրագույն կազմում

1991թ-ից գործադիր իշխանության բարձրագույն կազմում կանանց ներկայացվածությունը չափազանց թույլ է  եղել։ Անկախ Հայաստանի պատմության ամբողջ ընթացքում երկրի կին ղեկավար չենք ունեցել։ Նույն ժամանակաշրջանում ունեցել ենք ընդամենը 7 կին նախարար

  1. Կարինե Դանիելյան՝  ՀՀ բնապահպանության և շրջակա միջավայրի նախարար (1991- 1994 թթ)

  2. Թամարա Պողոսյան ՝    ՀՀ մշակույթի և երիտասարդության հարցերի նախարար  (2003- 2004 թթ)

  3. Հրանուշ Հակոբյան ՝   ՀՀ սոցիալական ապահովության նախարար (1996 - 1998 թթ)

  4. ՀՀ սփյուռքի նախարար (2008 - 2018 թթ)

  5. Արփինե Հովհաննիսյան ՝  ՀՀ արդարադատության նախարար  (2015-2017 թթ)

  6. Հասմիկ Պողոսյան ՝              ՀՀ մշակույթի նախարար (2007 – 2016 թթ )

  7. Լիլիթ Մակունց՝                    ՀՀ  մշակույթի նախարար (2018 թ)

  8. Մանե Թանդիլյան ՝     ՀՀ աշխատանքի և սոցիալական հարցերի նախարար (2018 թ․մայիս-հունիս)

ՀՀ բարձրագույն ղեկավարության կազմում կանանց թիվը վերջին 30 տարիներին գրեթե նույն մակարդակին է մնացել։

Կանայք օրենսդիր իշխանությունում

Անկախ Հայաստանի պատմության ընթացքում երկրի օրենսդիր իշխանության կազմում ևս կանանց մասնակցությունը մեծ չի եղել։ Վիճակագրությունը ցույց է տալիս, որ խորհրդարանում կանանց ներկայացվածության աճ գրանցվում է 2007թ-ից։  Հաշվարկը կատարվել է ընտրություններից հետո ձևավորված խորհրդարանի կազմի հաշվարկով դրանից հետո տեղի ունեցած ԱԺ կազմի փոփոխությունները թվարկ ված չեն։

  1. ՀՀ առաջին գումարման  Գերագույն խորհուրդ՝ 1990-1995 թթ

260 պատգամավոր, որից ընդամենը 8-ն էին  կանայք՝ 3 տոկոս։

  1. ՀՀ առաջին գումարման Ազգային ժողով՝ 1995-1999 թթ

190 պատգամավոր, որից  11-ն էին կին պատգամավոր՝  57 տոկոս։

  1. ՀՀ երկրորդ գումարման Ազգային ժողով՝ 1999-2003 թթ

131 պատգամավոր, որից 4-ն էին կին պատգամավոր՝ 3 տոկոս։

  1. ՀՀ երրորդ գումարման Ազգային ժողով՝ 2003-2007 թթ

131 պատգամավոր, որից 7-ն էին կին պատգամավոր՝  53 տոկոս։

  1. ՀՀ չորրորդ գումարման Ազգային ժողով՝ 2007-2012 թթ

131 պատգամավոր, որից 11-ն էին կին պատգամավոր՝ 83 տոկոս։

  1. ՀՀ հինգերորդ գումարման Ազգային ժողով՝ 2012-2017 թթ

131 պատգամավոր, որից 14-ն էին կին պատգամավոր՝ 106 տոկոս։

  1. ՀՀ վեցերորդ գումարման Ազգային ժողով՝  2017թ

105 պատգամավոր, որից 18-ը կանայք էին՝  17 տոկոս։

Տոկոսային հարաբերակցությամբ ու նաև թվաքանակով կանայք ամենաշատը ներկայացված են վերջին գումարման խորհրդարանում՝ 17 տոկոսով՝ 18 պատգամավոր։ Տոկոսային հարաբերակցությամբ ու թվաքանակով կանանց ամենաքիչ ներկայացվածությունը եղել է ՀՀ երկրորդ գումարման Ազգային ժողովում՝ ընդամենը 3 կին պատգամավոր, ինչը կազմել է խորհրդարանի 3 տոկոսը։

Հ․Գ․ Հարցումն իրականացվել ու նյութերը պատրաստվել են Մանե Թանդիլյանի հրաժարականից առաջ։

Տեսանյութ
Print Friendly and PDF
Այլ մամլո հաղորդագրություններ
Հարցազրույց-ասուլիս Անդրիաս Ղուկասյանի հետ
18.06.2018
11:00
Հունիսի 18-ին «Մեդիա կենտրոնում» տեղի ունեցավ հարցազրույց-ասուլիս հասարակական, քաղաքական գործիչ Անդրիաս Ղուկասյանի հետ «Քաղբանտարկյալների պայմանական ազատում և ներքաղաքական զարգացումներ թավշյա հեղափոխությունից հետո» թեմայով։
«2017-2018 թթ. պետական գնումների համակարգի մոնիտորինգի արդյունքները»
15.06.2018
12:00
«Հանրային քաղաքականության հետազոտությունների ազգային կենտրոն» ՀԿ-ի նախագահ, տնտեսագետ Արտակ Մանուկյանը հունիսի 15-ին «Մեդիա կենտրոնում» ներկայացրեց 2017-2018 թթ. պետական գնումների համակարգի մոնիտորինգի արդյունքները:
Ղարաբաղյան հակամարտության կարգավորման գործընթացը «Թավշյա հեղափոխությունից» հետո
13.06.2018
14:00
Հունիսի 13-ին «Մեդիա կենտրոնում» տեղի ունեցավ հարցազրույց-ասուլիս «Ղարաբաղյան հակամարտության կարգավորման գործընթացը «Թավշյա հեղափոխությունից» հետո թեմայով։
«Արտաքին քաղաքական գերակայությունները Թավշյա հեղափոխությունից հետո»
11.06.2018
13:00
Հունիսի 7-ին Մոսկվայում տեղի ունեցավ ՀՀ նորանշանակ արտգործնախարար Զոհրաբ Մնացականյանի ու ՌԴ արտգործնախարար Սերգեյ Լավրովի առաջին հանդիպումը։ Հանդիպման արդյունքում ռուսական «Կոմերսանտ» թերթին տված հարցազրույցում Զ․Մնացականյանը, անդրադառնալով հայ-ռուսական հարաբերություններին, նշել էր․ «Մենք չենք ասում, որ ամեն ինչում համաձայն ենք միմյանց հետ, սակայն ի վիճակի ենք պայմանավորվել ու առաջ գնալ»։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Հայաստան-Թուրքիա Միջոցառումներ