Սփյուռքին ներգրավելու ռազմավարություն. որո՞նք են լինելու նոր կառավարության նոր քայլերը
07.06.2018
12:30
Հայաստանի վարչապետ Նիկոլ Փաշինյանը մտադրություն էր հայտնել վերացնել Սահմանադրությամբ նախատեսված այն արգելքները, որոնք արհեստականորեն խոչընդոտում են Սփյուռքի ներգրավվածությանը Հայաստանի պետական համակարգում:

Հաշվարկվա՞ծ է Սփյուռքի քաղաքական, գիտական, մշակութաբանական, դեմոգրաֆիկ ռեսուրսը՝ այն գրագետ և ի շահ Սփյուռքի ու Հայաստանի օգտագործելու նպատակով: Սփյուռք-Հայաստան կապի ամրացման հարցում երկպալատ խորհրդարան ունենալու հեռանկարը կարո՞ղ է աշխատել, թե՞ այն որոշակի ռիսկեր ունի: Այս և հարակից  այլ հարցեր քննարկեցինք  բանախոսների՝ ՀՀ Սփյուռքի նախարարի տեղակալ Բաբկեն Տեր-Գրիգորյանի,  բ.գ.դ., պրոֆեսոր, սփյուռքահայ գրականության մասնագետ  Սուրեն Դանիելյանի, փաստաբան Տիգրան Սարգսյանի, արևելագետ Արաքս Փաշայանի, Միջազգային և անվտանգության հարցերի հայկական ինստիտուտի փորձագետ, Հնագիտության և ազգագրության ինստիտուտի Սփյուռքի հետազոտությունների բաժնի գիտաշխատող Սյուզաննա Բարսեղյանի հետ:  

Հարցին, թե  Սփյուռքի նախարարությունը առայժմ առավելապես զբաղված է ֆինանսական աուդիտով,  այդուհանդերձ, ենթադրում ենք, որ նախարարությունը այլ գործառույթներ ևս իրականացնելու է, Սփյուռքի հետ հարաբերության նոր փիլիսոփայություն ունի, պարոն Տեր-Գրիգորյանն ասաց, որ , իր տպավորությամբ, նախկինում Սփյուռքի նախարարությունը համակարգված գործողությունների ծրագիր չի ունեցել և գործել է տարերայնորեն: Տուրիստական, մշակութային ծրագրերի իրականացման համար այլ կառույցներ կան: Սփյուռքի նախարարության գործառույթը Սփյուռքի ռեսուրսը գնահատելն է.ՙ Սփյուռքը չափազանց տարբեր, բայց, ամենակարևորը, ինքնակազմակերպվող մարմին է՚,-արձանագրեց փոխնախարարը:
Սուրեն Դանիելյանի կարծիքով՝ Հայաստանում Սփյուռքը չեն ընկալում իբրև իր ուրույն մշակույթը, լեզուն ունեցող միավոր: ՙԱյո՛, մենք ունենք մեկ ազգ ենք, բայց ունենք տարբեր մշակույթ՚: ՙՍփյուռքի նախարարությունը պետք է հստակ պատկերացնի իր գործառույթները, վեր կանգնի սփյուռքահայ ուսուցիչներին կրթելու զանազան ծրագրերից, որոնք . առավելապես, գումարներ մսխելու նպատակ ունեն՚,- ասաց Սուրեն Դանիելյանը:
Փաստաբան Տիգրան Սարգսյանը  չարդարացված համարեց Սփյուռքահայերի՝ ընտրություններին մասնակցելու հեռանկարը, ինչպես նաև երկպալատ խորհրդարանի գաղափարը. ՙ Հայաստանը, Արցախը, Սփյուռքը պետք է որպես առանձին սուբյեկտներ մի փաստաթուղթ ստորագրեն և ստեղծեն Համահայկական պառլամենտ»,-առաջարկեց նա:
 Արևելագետ Արաքս Փաշայանը նկատեց, թե Սփյուռքի նախարարությունը պետք է չափազանց հստակ ձևակերպի իր խնդիրը և չիրականացնի գործառույթներ, որոնք կարող են կատարել տուրիստական գործակալությունները, Կրթության և գիտության կամ Մշակույթի նախարարությունները.ՙ Հակառակ դեպքում՝ Սփյուռքի նախարարության գոյության իմաստը անհասկանալի կլինի՚:
Սյուզաննա Բարսեղյանը Սփյուռքը համարեց վերազգային , ցանցային կառույց, որը գնահատել՝ իբրև մեկ համակարգ, հակագիտական է: Ըստ նրա՝ ապակենտրոնությունը, բազմազանությունն ու ինքնակազմակերպվելու կարողությունը հայկական Սփյուռքի լինելիության երաշխիքն են:


 

 

Տեսանյութ
Print Friendly and PDF
Այլ մամլո հաղորդագրություններ
«Հեպատիտների տարածվածության, դեղերի և բուժման հասանելիության խնդիրները Հայաստանում»
16.08.2018
12:00
2017-2018 թթ. «Դրական մարդկանց հայկական ցանց» սոցիալական ՀԿ-ն իրականացրել է հետազոտություն Երևան, Գյումրի, Վանաձոր, Հրազդան, Սևան, Գավառ, Մարտունի և Արմավիր քաղաքներում`ուղղված բնակչության շրջանում վիրուսային հեպատիտներ B-ի և C-ի վաղ հայտնաբերմանը, խնդրի մասին քաղաքացիների շրջանում իրազեկության բարձրացմանը:
«ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները»
27.07.2018
12:30
Հուլիսի 27-ին «Մեդիա կենտրոնում» տեղի ունեցավ մամուլի ասուլիս «ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները» թեմայով։
Պաշտպանական ոլորտի պետգնումները կոռուպցիոն մեծ ռիսկեր են պարունակում՝ փորձագետ
26.07.2018
14:00
Հուլիսի 26-ին «Մեդիա կենտրոնում» Հանրային քաղաքականության հետազոտությունների ազգային կենտրոնի նախագահ, տնտեսագետ Արտակ Մանուկյանը ներկայացրեց ՀՔՀԱԿ-ի կողմից իրականացված 2017-2018 թթ. պաշտպանական ոլորտի գնումների մոնիտորինգի արդյունքները։
«Մեդիա-նոր իշխանություններ. մտահոգիչ միտումներ»
25.07.2018
12:00
Մանիպուլյացիա, քարոզչություն, ապատեղեկատվություն, կեղծ կայքեր..Այս ամենը մեդիայում եղել է միշտ: Սակայն մասշտաբները, որոնք տեսնում ենք այսօր, մեդիա փորձագետներին թույլ է տալիս վիճակը գնահատել՝ իբրև ճգնաժամային:

«Դիտորդների խմբի գործունեության խոչընդոտները և ՔԿՀ-ներում մարդու իրավունքների խախտումների ընթացիկ խնդիրները»
25.07.2018
11:00
Թավշյա հեղափոխությունից հետո ՀՀ Արդարադատության նախարարությունը պահում է նույն դիրքորոշումը և նույն կերպ խոչընդոտում ՀՀ ԱՆ ՔԿՀ-ներում հասարակական վերահսկողություն իրականացնող հասարակական Դիտորդների խմբի գործունեությունը. այս մասին հուլիսի 25-ին Մեդիա կենտրոնում տեղի ունեցած քննարկմանը հայտարարեցին Դիտորդական խմբի անդամները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Հայաստան-Թուրքիա Միջոցառումներ