Թավշյա հեղափոխություն. մշակութաբանական փոփոխություններ
18.05.2018
11:00
Մշակութաբանական ի՞նչ փոփոխություններ են ակնկալվում թավշյա հեղափոխությունից: Ինչպե՞ս կառուցել ժողովրդին ծառայելու այլ մոդել, ինչպե՞ս պաշտոնյա-քաղաքացի հարաբերությունները պարզեցնել, ստեղծել կառավարման մարդակենտրոն քաղաքականություն։ Ի՞նչ փոփոխություններ են անհրաժեշտ հասարակության մեջ վարքագծային փոփոխությունների հասնելու համար:

Այս հարցերի շուրջ մայիսի 18-ին քննարկում տեղի ունեցավ Մեդիա կենտրոնում:   
Բանախոսներն էին  մշակութային մարդաբաններ Աղասի Թադևոսյանը,  Մխիթար Գաբրիելյանը և Գայանե Շագոյանը:

Ըստ Մխիթար Գաբրիելյանի՝ թավշյա հեղափոխության առանցքային հաջողություններից մեկը երիտասարդության մասնակցությունն էր շարժմանը, ինչպես նաև կառավարության նոր երիտասարդ կազմը: ՙԱնկախ Հայաստանում ծնված, խորհրդային արժեհամակարգի կնիքը չկրող երիտասարդները մեծ առավելություն ու հնարավորություն ունեն ղեկավարած ոլորտներում հաջողություն ունենալ»,- նկատեց Գաբրիելյանը:  Ավտորիտար, Ճարպակալած, ծանր, շքեղությունների սիրահար պաշտոնյային փոխարինած երիտասարդ ղեկավարը, որը պատրաստ է կոտրել կարծրատիպերը՝ աշխատանքի գնալ քաղաքային տրանսպորտով կամ ոտքով, քաղաքացիների հետ շփվել պարզեցված կարգով, հեղափոխության կարևոր բաղադրիչներից է՝ ըստ Աղասի Թադևոսյանի: «ՀՀԿ-ն ավտորիտար կուսակցություն էր, որը ԱԺ-ում ձայների մեծամասնություն ունի: Սակայն  այս կուսակցությունը դեռևս չի պատկերացնում, որ ինքն արդեն չկա»: Մեր նկատառմանը, թե նոր կառավարությունում ևս , այդուհանդերձ, կա ավտորիտար համակարգ ունեցող կուսակցություն՝ ԲՀԿ-ն, կա ՀՅԴ-ն, որը սկզբունքային կուսակցության համբավ չունի, պարոն Թադևոսյանը արձագանքեց, թե այդ կուսակցությունները, մասնավորապես՝ ՀՀԿ-ն, ԲՀԿ-ն, ՀՅԴ-ն, քաղաքական դաշտում մնալու համար պետք է վերափոխվեն: Հակառակ դեպքում՝ նրանք պիտի տեղ չունենան քաղաքական կյանքում:

Գայանե Շագոյանը որոշակի վերապահում ուներ, թե  նոր կառավարության կազմում երիտասարդ, մաքուր կենսագրության մարդիկ են, և դա բավարար պայման է նրանցից սկզբունքային աշխատանք ակնկալելու համար: Իբրև նախադեպ՝ նա բերեց 1988-ի շարժումը, երբ իշխանության եկան դարձյալ ժողովրդի կողմից սիրված, մաքուր, սկզբունքային, շքեղությունները չկարևորող մարդիկ, սակայն կարճ ժամանակ անց՝ նրանք դարձան ավտորիտար համակարգի մաս:
Բանախոսները քննարկվող հարցերի մասին տարբեր տեսակետներ ունեին, սակայն մի հարցում համակարծիք էին բոլորը. հեղափոխությունը կոտրեց այն կարծրատիպը, թե ժողովրդից ոչինչ կախված չէ.ՙ Իշխանությունը պատկանում է ժողովորդին, յուրաքանչյուր քաղաքացու դերը իշխանություն ձևավորելու հարցում անփոխարինելի է՚:

Տեսանյութ
Print Friendly and PDF
Այլ մամլո հաղորդագրություններ
Կառավարության 100 օր. «Սպասե՞լ արմատական փոփոխություններ բնապահպանության ոլորտում»
21.08.2018
12:30
Օգոստոսի 21-ին «Մեդիա կենտրոնում» տեղի ունեցավ քննարկում «Կառավարության 100 օր. սպասե՞լ արմատական փոփոխություններ բնապահպանության ոլորտում» թեմայով։
Րաֆֆի Հովհաննիսյանի մամլո ասուլիսը Մեդիա կենտրոնում
20.08.2018
12:00
Օգոստոսի 20-ին «Մեդիա կենտրոնում» տեղի ունեցավ «Ժառանգություն» կուսակցության հիմնադիր Րաֆֆի Հովհաննիսյանի մամլո ասուլիսը Հայաստանում հետհեղափոխական զարգացումների և գալիք ընտրությունների շուրջ:
«Հեպատիտների տարածվածության, դեղերի և բուժման հասանելիության խնդիրները Հայաստանում»
16.08.2018
12:00
2017-2018 թթ. «Դրական մարդկանց հայկական ցանց» սոցիալական ՀԿ-ն իրականացրել է հետազոտություն Երևան, Գյումրի, Վանաձոր, Հրազդան, Սևան, Գավառ, Մարտունի և Արմավիր քաղաքներում`ուղղված բնակչության շրջանում վիրուսային հեպատիտներ B-ի և C-ի վաղ հայտնաբերմանը, խնդրի մասին քաղաքացիների շրջանում իրազեկության բարձրացմանը:
«ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները»
27.07.2018
12:30
Հուլիսի 27-ին «Մեդիա կենտրոնում» տեղի ունեցավ մամուլի ասուլիս «ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները» թեմայով։
Պաշտպանական ոլորտի պետգնումները կոռուպցիոն մեծ ռիսկեր են պարունակում՝ փորձագետ
26.07.2018
14:00
Հուլիսի 26-ին «Մեդիա կենտրոնում» Հանրային քաղաքականության հետազոտությունների ազգային կենտրոնի նախագահ, տնտեսագետ Արտակ Մանուկյանը ներկայացրեց ՀՔՀԱԿ-ի կողմից իրականացված 2017-2018 թթ. պաշտպանական ոլորտի գնումների մոնիտորինգի արդյունքները։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Հայաստան-Թուրքիա Միջոցառումներ