«Կառավարության երկարաժամկետ ու կարճաժամկետ անելիքները տնտեսության մեջ»
17.05.2018
11:00
Մայիսի 17-ին «Մեդիա կենտրոնում» տեղի ունեցավ քննարկում «Կառավարության երկարաժամկետ ու կարճաժամկետ անելիքները տնտեսության մեջ» թեմայով: Քննարկման բանախոս տնտեսագետ Արտակ Մանուկյանը նշեց, որ քաղաքական կամքի առկայության դեպքում հնարավոր է կարճ ժամանակահատվածում լուրջ հաջողություններ գրանցել։

Վերջինիս կարծիքով նախորդ կառավարության ծրագիրն էլ սխալ թիրախներ չէր ընտրել ու սխալ խնդիրներ չէր վեր հանել, սակայն քաղաքական կամքի բացակայումը խոչընդոտում էր խնդիրների լուծմանը։

Տնտեսագետն ասում է, որ Հայաստանում ստվերը տարբեր գնահատականներով տատանվում է 2․5-4 մլրդ դոլարի սահմաններում և վերջինիս կարծիքով քաղաքական կամքի դեպքում կարճաժամկետ հեռանկարում կարելի է պետական բյուջե զգալի մուտքեր ապահովել․

«Եթե 30 տոկոսը տեսնում ենք և հարկում, սա հնարավորություն է ստեղծում, որ հավելյալ եկամտային մասը՝ մոտ 180 միլիոն դոլարը, գեներացնենք»:
Արտակ Մանուկյանն արդյունավետ ու կարևոր է համարում այդ տնտեսված գումարները հիմնականում մարդկային կապիտալի զարգացման ուղղությամբ ուղղորդելը․

«Այդ գումարները ծախսելու երեք ոլորտներ եմ առանձնացրել՝ կրթություն, գիտություն ու առողջապահություն։ Նաև հնարավոր է որոշակիորեն բարձրացնել կենսաթոշակները։ Սակայն նշված երեք ոլորտների նկատմամբ ուշադրությունը բերում է մրցունակության բարձրացման»։

Տնտեսագետը նաև նշում է՝ չպետք է մոռանալ, որ արդեն ընդունված բյուջեն  սահմանափակում է շատ գործողություններ ու նոր վերաբաշխումներին ու ծախսերին կարող են անդրադառնալ միայն աշնանը, երբ կներկայացվի հաջորդ տարվա բյուջեն։

ՓՄՁ Համագործակցության Ասոցիացիայի տնօրեն Հակոբ Ավագյանը կարծում է, որ նոր կառավարության համար կարևոր փուլում, երբ կազմվում է ծրագիրը, արդյունավետ կլիներ, որ ոլորտային հանդիպումներ կազմակերպվեին, որոնց արդյունքում կբյուրեղացվեն առաջնահերթ խնդիրները․

«Օրինակ՝ ՓՄՁ ոլորտներ կան, որոնք հենց հուլիսի 1-ից խնդիրներ են ունենալու։ Եթե մենք արագընթաց այս հարցերը չլուծենք, եղած բողոքի ցույցերին նորերն են ավելանալու»։ Վերջինս նաև կարևորում է շարժման ինստիտուցիոնալիզացիան․

«Գործող կառավարությունը մեծ քարտ բլանշ ունի, քանի որ ժողովրդի վստահությունն է վայելում, և դա ակամայից մխսելը կարող է հակառակ էֆեկտը տալ, որը ոչ մեկս չենք ուզենա։ Դրա համար ճիշտ կլիներ, որ մենք շարժման առաջնորդ Նիկոլ Փաշինյանի փոխարեն տեսնեինք վարչապետ Նիկոլ Փաշինյանին  ու սկսեինք վերաբերվել որպես ինստիտուտի»։

Բանախոսը կարճաժամկետ հեռանկարում կարևորում է մրցակցության խնդրի լուծումը, ինչպես նաև խորհուրդ է տալիս շատ նուրբ ու խորքային վերաբերվել բիզնեսի առաջ ծառացած խնդիրներին։ Վերջինիս համոզմամբ թափանցիկ ու օրենքի դաշտում պետք է աշխատի խոշոր ու գերխոշոր բիզնեսը, որպեսզի նրանց մոտ առկա ստվերը խնդիրներ չառաջացնի ՓՄՁ ոլորտի համար, որոնցից պահանջում են աշխատել օրենքի դաշտում։

Քննարկման ընթացքում բանախոսները մեկնաբանելով նորընտիր վարչապետ Նիկոլ Փաշինյանի առաջին օտարերկրյա այցի արդյունքները նշեցին

Դերենիկ Մալխասյան, Մեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեք derenikmalkhasian@gmail.comէլփոստին:

Տեսանյութ
Print Friendly and PDF
Այլ մամլո հաղորդագրություններ
«Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»
19.03.2019
12:00
Մարտի 19-ին «Մեդիա կենտրոնում» տեղի ունեցավ մամուլի ասուլիս` նվիրված Սոցիալական աշխատանքի համաշխարհային օրվան: Ասուլիսի թեման էր` «Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»:
«Մեդիա սպառումն ու ինֆորմացիոն նախասիրությունները Հայաստանում-2019» հետազոտության ներկայացում
15.03.2019
12:00
Մարտի 15-ին «Մեդիա կենտրոնում» տեղի ունեցավ «Մեդիա սպառումն ու ինֆորմացիոն նախասիրությունները Հայաստանում- 2019» հետազոտության արդյունքների ներկայացում:
Խաղաղության ընկալումը․ ԼՂ հակամարտության մոտեցումների վերլուծությունը
06.02.2019
12:00
ԼՂ հակամարտության հանգուցալուծմանը հասնելու միակ ճանապարհը խաղաղությանը նախապատրաստվելն է: Թեպետ հակամարտող հանրույթներում գերիշխում է պատերազմի պրոպագանդան, սակայն Հայաստանում, Լեռնային Ղարաբաղում եւ Ադրբեջանում մարդիկ սկսել են ավելի ու ավելի քննադատաբար մոտենալ հնարավոր պատերազմին: Հարցեր են հնչեցնում պատերազմի ու խաղաղության գնի մասին:
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ