«Թավշյա հեղափոխության ավարտ․ հին մարտահրավերներ՝ նոր հնարավորություններ»
10.05.2018
12:00
Մայիսի 10-ին «Մեդիա կենտրոնում» տեղի ունեցավ քննարկում «Թավշյա հեղափոխության ավարտ․ հին մարտահրավերներ՝ նոր հնարավորություններ» թեմայով։ Քննարկման ընթացքում իրավապաշտպաններն անդրադարձ կատարեցին այն խնդիրներին, որոնք արմատական լուծումներ են պահանջում Թավշյա հեղափոխության հաղթանակից հետո։

Այդպիսի խնդիրներից է Հայաստանում քաղբանտարկյալների հարցը, ու ըստ բանախոսների՝ նրանք իրավական պետությանը հարիր գործընթացով պետք է ազատ արձակվեն։

Հայաստանի Հելսինկյան կոմիտեի նախագահ Ավետիք Իշխանյանը նախ ներկայացրեց, թե իրենց կարծիքով Հայաստանում ովքեր են քաղբանտարկյալներ․ «Մեզ` իրավապաշտպաններիս համար քաղբանտարկյալներ են Շանթ Հարությունյանը և ընկերները, Հայկ Կյուրեղյանը, Արարատ Խանդոյանը, Կարո Եղնուկյանը, Ժիրայր Սեֆիլյանը, Տիգրան Սաֆարյանը և Սամվել Բաբայանը: Սասնա ծռերի գործով նույնպես պետք է իրադրություն փոխվի, ոմանք պետք է ազատ արձակվեն»,-նշեց իրավապաշտպանը՝ հավելելով․ «Անդրիաս Ղուկասյանն արդեն ազատ արձակվեց, նրանից բացի քաղբանտարկյալներ են Շանթ Հարությունյանն իր ընկերների հետ, որոնց պատիժն անհամաչափ է և լավագույն դեպքում վարչական կարող էր լինել, Հայկ Կյուրեղյանը, որի պատիժը չափազանցված էր, Արարատ Խանդոյանը, Գարեգին Չուքասզյանը, Կարո Եղնուկյանը, Սամվել Բաբայանը և Ժիրայր Սեֆիլյանը»։

Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցի կարծիքով բոլոր քաղբանտարկյալները ազատության մեջ պետք է հայտնվեն ոչ թե իշխանության հրահանգով, այլ անկախ դատաիրավական համակարգի կողմից։ Վերջինս նաև նշեց, որ իրենց համար անընդունելի է, որ դատարաններին կամ իրավապահ մարմիններին այս կամ այն կերպ վարվելու քաղաքական հրահանգներ իջեցվի։

«Հիմա եթե Նիկոլ Փաշինյանը կանչի գլխավոր դատախազին ու ասի, որ փոխելու ես այս, այս  մարդկանց խափանման միջոցները, մենք են առաջին քննադատողները լինելու, քանի որ դա ոչ իրավական մեթոդ է»։

Միաժամանակ իրավապաշտպանը ներկայացրեց սեփական պատկերացումները, թե ինչ տարբերակով կարելի է խնդիրը լուծել․

«Այն բոլոր գործերով, որտեղ դեռևս գնում է նախաքննություն կամ դատաքննություն, պետք է կիրառվի խափանման միջոցը փոխելու մեխանիզմը։ Շանթ Հարությունյանի ու ընկերների համար պետք է վաղաժամկետ ազատման ինստիտուտը կիրառել, կամ դատախազը պետք է նոր ի հայտ եկած հանգամանքներով մտնի ու գործը փոխի»։

Իրավապաշտպանները նաև կարծում են, որ մինչ հեղափոխությունը տեղի ունեցած բոլոր ապօրինությունների համար մեղավորները պատասխանատվության պետք է ենթարկվեն։  Ինչպես նաև պետք է քաղաքական ու իրավական գնահատականներ տրվի նախորդ տասնամյակներին, այլապես առողջ պետություն կառուցելը դժվար է լինելու։

Դերենիկ Մալխասյան, Մեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեք derenikmalkhasian@gmail.comէլփոստին:

Տեսանյութ
Print Friendly and PDF
Այլ մամլո հաղորդագրություններ
«Երևանի ավագանու արտահերթ ընտրությունների դիտարկման նախնական արդյունքները»
24.09.2018
14:00
Սեպտեմբերի 24-ին Մեդիա կենտրոնում տեղի ունեցավ «Անկախ դիտորդ» դաշինքի մամուլի ասուլիսը «Երևանի ավագանու արտահերթ ընտրությունների դիտարկման նախնական արդյունքները» թեմայով:
«Ականատես» դիտորդական խմբի ասուլիս․ Երևանի ավագանու արտահերթ ընտրություններ
24.09.2018
10:00
Սեպտեմբերի 24-ին Մեդիա կենտրոնում (Սարյան 12, 3-րդ հարկ) տեղի ունեցավ Ականատես դիտորդական խմբի ասուլիսը, որի ժամանակ ներկայացվեցին Երևանի ավագանու արտահերթ ընտրությունների դիտորդական առաքելության արդյունքները:
Երևանի ավագանու արտահերթ ընտրություններ. քննարկումների շարք
23.09.2018
11:00
Սեպտեմբերի 23-ին՝ Երևանի ավագանու արտահերթ ընտրությունների օրը, «Մեդիա կենտրոնում» անցկացվում է քննարկումների, ասուլիսների և բանավեճերի շարք:
Հորդորում ենք զերծ մնալ մեդիա ոլորտում գործունեություն ծավալող կազմակերպությունների աշխատանքը խոչընդոտելու որևէ փորձից
22.09.2018
18:00
2018 թ․ սեպտեմբերի 22-ին, «Հանրային լրագրության» ակումբ հասարակական կազմակեպության Մեդիա կենտրոնի սրահում ընթացող «Անկախ դիտորդ» դաշինքի կողմից իրականացված մեդիամոնիտորինգի և իրականացվելիք դիտորդական առաքելության վերաբերյալ ասուլիսի ընթացքին միջամտել են «Բարգավաճ Հայաստան» կուսակցության ներկայացուցիչներն ու աջակիցները։
«Ուրբանիստան» ամփոփում է ճարտարապետական մրցույթի արդյունքները
20.09.2018
18:00
Սեպտեմբերի 17-ին «Մեդիա կենտրոնում» տեղի ունեցավ «Ուրբանիստայի» հայտարարած հետարդյունաբերական քաղաքների զարգացմանն ուղղված նախագծերի մրցույթի արդյունքների ամփոփումը, որին մասնակցել են սկսնակ ճարտարապետներ և ուսանողներ։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ