«Կեղծ լուրերի, սոցցանցերում կեղծ հաշիվների ու ապատեղեկատվության ազդեցությունը «թավշյա հեղափոխության» ընթացքում»
03.05.2018
14:00
Կեղծ լուրեր, սոցցանցերում կեղծ հաշիվներ և ապատեղեկատվություն. «թավշյա հեղափոխության» ժամանակ սոցիալական ցանցերում նման դրսևորումների մասին խոսեց մեդիա փորձագետ Սամվել Մարտիրոսյանը մայիսի 3-ին «Մեդիա կենտրոնում» տեղի ունեցած մամլո ասուլիսի ընթացքում:

«Առաջին շերտը էմոցիաների ազդեցության տակ չստուգված տեղեկատվության տարածումն էր, երկրորդը՝ անբարեխիղճ անձնավորություններ էին, ովքեր անիմաստ կայքեր ստեղծելով, գումար էին աշխատում: Հաջորդը քաղաքական նպատակներին միտված տեղեկատվական պատերազմների շերտն էր»,-ասում է Մարտիրոսյանը:

Նա ընդգծում է,որ սոցիալական ցանցերը մարդկանց դարձնում են լրատվամիջոց, ինչը ենթադրում է որոշակի պատասխանատվություն:

Մեդիա փորձագետը անդրադարձավ նաև ռուսական ու ադրբեջանական տեղեկատվական դաշտերին, որոնք, նրա խոսքով, պարբերաբար ապատեղեկատվություն էին տարածում:

«Արագ փոփոխությունները ապակողմնորոշել էին ոչ միայն Հայաստանի մամուլին, այլև ռուսական ու ադրբեջանական մամուլին»,-ասում է Մարտիրոսյանը:

Նա հորդորեց ամեն ասեկոսե չտարածել որպես ակնհայտ ճշմարտություն և խուսափել անծանոթ աղբյուրներին վստահելուց:

«Սա հեղափոխություն էր նաև մեդիա դաշտում: Մարդիկ պարզապես մտան ուղիղ եթեր, և քաղաքագետների վերլուծությունները, որոնք հանդիսանում են քարոզչության ու կարծիքների փոփոխման հիմնական աղբյուր,  դարձան անհետաքրքիր մի շերտ»,- ասում է Մարտիրոսյանը:

Անդրադառնալով սոցցանցերում Նիկոլ Փաշինյանի վարած քաղաքականությանը՝ նա շեշետեց, որ վերջինս փորձում է մարդկանց պահել իրականության մեջ իր ուղիղ եթերների միջոցով:

Սամվել Մարտիրոսյանի գնահատմամբ, հեռուստաընկերություններն՝ ի տարբերություն սոցիալական ցացների, որպես նորությունների տարածման միջոց, շատ իներտ են:

«Մեծ էր ֆեյսբուքի ազդեցությունը: Ի տարբերություն նախորդ իրադարձությունների, աշխատեցին նաև այլ սոցիալական կայքեր՝ Թվիթերը, բլոգները, Տելեգրամը և Ինստագրամը: Վերջինս ստեղծեց հեղափոխության էսթետիկա»,- ասում է Մարտիրոսյանը:

Անդրադառնալով կուսակցությունների կողմից ստեղծված ֆեյսբուքյան կեղծ էջերին՝ նա նշեց,որ դրանք անարդյունավետ աշխատեցին. «Նախ, քիչ էր անմիջական շփման հետ կապված ատելության մթնոլորտը: Երկրորդ, իրավիճակն այնքան արագ ու անսպասելի էր փոխվում, որ չկար մի այնպիսի կենտրոն, որն անընդհատ վերահսկեր այն: Այդ պատճառով ֆեյքերը հիմնականում շատ ապակողմնորոշված վիճակում էին»,- ասում է Մարտիրոսյանը:

Ասուլիսի շարունակությունը դիտեք այստեղ:

Տեսանյութ
Print Friendly and PDF
Այլ մամլո հաղորդագրություններ
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Դեկտեմբերի 27-ին «Մեդիա կենտրոնում» տեղի ունեցավ քննարկում «Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ» թեմայով:
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
«Արամի 23. խոստումներ, որոնք չկատարվեցին»
24.12.2018
12:00
Մեդիա կենտրոնում, դեկտեմբերի 24-ին, տեղի ունեցավ քննարկում «Արամի 23. խոստումներ, որոնք չկատարվեցին» թեմայով:
Բռնությունը ՄԻԱՎ-ով ապրող կանանց նկատմամբ» հետազոտության արդյունքները
24.12.2018
11:00
ՄԻԱՎ-ով ապրող կանայք ավելի խոցելի են բռնության նկատմամբ. այս մասին Մեդիա կենտրոնում ասացին «Կանանց Ներուժի Զարգացման Կենտրոն» ՀԿ-ի ներկայացուցիչները դեկտեմբերի 24-ին տեղի ունեցած մամլո ասուլիսի ժամանակ:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ