«Փոփոխության պահանջի ալիք. իշխանության արձագանքն ու հանգուցալուծման հնարավոր տարբերակներ»
19.04.2018
11:00
Շուրջ մեկ շաբաթ է, ինչ Երևանում շարունակվում են ՀՀ ԱԺ պատգամավոր Նիկոլ Փաշինյանի քաղաքացիական անհնազանդության ակցիաները՝ ընդդեմ Սերժ Սարգսյանի վարչապետացման: Ապրիլի 17-ին ՀՀ նախկին նախագահ Սերժ Սարգսյանը ԱԺ 77 պատգամավորների կողմից ընտվեց ՀՀ վարչապետի պաշտոնում, այդպիսով 3-րդ անգամ ստանձնեց երկրի ղեկավարի պաշտոնը:

Ապրիլի 19-ին «Մեդիա կենտրոնում» «Փոփոխության  պահանջի ալիք. իշխանության արձագանքն ու հանգուցալուծման հնարավոր տարբերակներ» թեմայով քննարկման ժամանակազգագրագետ Հրանուշ Խառատյանը, անդրադառնալով ստեղծված իրավիճակին, իշխանությունների արձագանքին, նշեց, որ արդեն վաղուց իշխանությունը կորցրել է ադեկվատ արձագանելու ունակությունը:

«Հայաստանյան ռեալությանը մեր իշխանությունների արձագանքը ինձ համար անհասկանալի է, ես կասեի այդպիսի արձագանք չկա»,- ասում է Հրանուշ Խառատյանը՝ հավելելով, որ իշխանության ներսում ձևավորվել է փակ ակվարիումային համակարգ, որի պատճառով կտրվել է իշխանություն-հասարակություն կապը:

Անդրադառնալով Նիկոլ Փաշինյանի գլխավորած շարժմանը, բանախոսը նշեց, որ «թավշյալ հեղափոխություն» բնորոշումը սխալ է, քանի որ այն օգտագործվում է ավելի շատ վերևներում հեղաշրջման դեպքում: Իսկ այս շարժումը ավելի շատ կարելի է բնորոշել որպես հայկական գանդիզմ.

«Ամեն օր, ամեն ժամ հայտարարվում է՝ չդիմադրելով չհնազանդվելու մասին և դրա ձևերն են ցույց տալիս: Կարծեք նրան հաջողվել է կայացնել շարժումը և նա դիմագիծ ունի արդեն»:

Վերջինս նաև կարծիք է հայտնում, որ Նիկոլ Փաշինյանը փորձում է հասնել այն բանին, որ Սերժ Սրագսյանն ինքը հրաժարվի իշխանությունից, սակայն այդպիսի հանգուցալուծումը քիչ հավանական է համարում:

Կինոռեժիսոր Տիգրան Խզմալյանի կարծիքով Հայաաստանի հիմնական խնդիրներից մեկն այն է, որ իշխանության ճյուղեր որպես այդպիսիք գոյություն չունեն. «Չկա գործադիր իշխանություն, չկա օրենսդիր իշխանություն, չկա դատական իշխանություն: Կա ընդամենը Սերժ Սրագսյանը, նրա բարդույթները, կա նրա վախերը, նրա սահմանափակ աշխարհայացքը»:

Բանախոսը նաև համոզմունք է հայտնում, որ իշխանությունների զուսպ վերաբերմունքը ցուցարարների նկատմամբ իրականում պայմանավորված է Արևմուտքի զսպիչ գործոնով, քանի որ արևմտյան մամուլում ակտիվորեն լուսաբանվում են Երևանում տեղի ունեցող իրադարձությունները:

Տիգրան Խզմալյանը, իր հերթին, զուգահեռներ անցկացնելով գանդիական շարժման հետ, նշում է, որ ինչպես Գանդին էր պայքարում Հնդկաստանի ապագաղութացման դեմ, այնպես էլ Հայաստանում պետք է պայքարն ուղղվի ընդդեմ Ռուսաստանի գաղութարար քաղաքականության դեմ:

Դերենիկ Մալխասյան, Մեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեք derenikmalkhasian@gmail.comէլփոստին:

 

Տեսանյութ
Print Friendly and PDF
Այլ մամլո հաղորդագրություններ
Հեռարձակվող ԶԼՄ-ների գործունեության և մեդիա ոլորտում բարեփախումների անհրաժեշտություն. Առաջարկներ ուղղված նոր կառավարությանը
21.05.2018
13:00
Հեռարձակվող ԶԼՄ-ների գործունեության և մեդիա ոլորտում բարեփոխումների անհրաժեշտության վերաբերյալ մայիսի 21-ին Մեդիա կենտրոնում տեղի ունեցավ քննարկում, որին մասնակցում էին Երևանի մամուլի ակումբի նախագահ Բորիս Նավասարդյանը, Խոսքի ազատության պաշտպանության կոմիտեի նախագահ Աշոտ Մելիքյանը և ՀՀ Հեռուստատեսության և ռադիոյի հանձնաժողովի անդամ Արմեն Մկրտչյանը:
«Այլընտրանքային հանրակրթության աջակիցների միության» ստեղծման ազդարարում
21.05.2018
12:00
Մայիսի 21-ին «Մեդիա Կենտրոնում» տեղի ունեցավ ասուլիս, որի ընթացքում ՀՀ կրթական ոլորտի ներկայացուցիչները ազդարարեցին «Այլընտրանքային հանրակրթության աջակիցների միության» ստեղծման մասին, կներկայացնեն ձևավորված միության կազմը, նպատակներն ու գործառույթները։
Թավշյա հեղափոխություն. մշակութաբանական փոփոխություններ
18.05.2018
11:00
Մշակութաբանական ի՞նչ փոփոխություններ են ակնկալվում թավշյա հեղափոխությունից: Ինչպե՞ս կառուցել ժողովրդին ծառայելու այլ մոդել, ինչպե՞ս պաշտոնյա-քաղաքացի հարաբերությունները պարզեցնել, ստեղծել կառավարման մարդակենտրոն քաղաքականություն։ Ի՞նչ փոփոխություններ են անհրաժեշտ հասարակության մեջ վարքագծային փոփոխությունների հասնելու համար:
Հոմոֆոբիայի դեմ պայքարի միջազգային օր. ԼԳԲՏԻ անձանց իրավունքների պաշտպանությունը Հայաստանում
17.05.2018
12:00
ԼԳԲՏԻՔ անձանց իրավունքների պաշտպանությամբ զբաղվող փաստաբանները հույս են հայտնում, որ քաղաքական իրավիճակի փոփոխությամբ թե դատավորները, թե փաստաբանները, թե դատախազները իրենց աշխատանքի վայրում այսուհետ կղեկավարվեն մարդու իրավունքների պաշտպանության սկզբունքով:
«Կառավարության երկարաժամկետ ու կարճաժամկետ անելիքները տնտեսության մեջ»
17.05.2018
11:00
Մայիսի 17-ին «Մեդիա կենտրոնում» տեղի ունեցավ քննարկում «Կառավարության երկարաժամկետ ու կարճաժամկետ անելիքները տնտեսության մեջ» թեմայով: Քննարկման բանախոս տնտեսագետ Արտակ Մանուկյանը նշեց, որ քաղաքական կամքի առկայության դեպքում հնարավոր է կարճ ժամանակահատվածում լուրջ հաջողություններ գրանցել։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ