«Հայոց արծիվները՝ վիրտուալ շախմատային PRO Chess լիգայի աշխարհի չեմպիոններ»
11.04.2018
15:00
«Հայոց արծիվներ» շախմատային թիմը ապրիլի 8-ին ԱՄՆ-ում հռչակվեց առաջին վիրտուալ շախմատային PRO Chess լիգայի եզրափակչի թիմային առաջնության չեմպիոն։ Մրցաշարն անցկացվում է 2017թ․-ից, որին մասնակցում են ներկայացուցիչներ բոլոր աշխարհամասերից։

Հայաստանն առաջին անգամ մասնակցել է այս տարի՝ «Հայոց արծիվներ» թիմով և հաղթել բոլոր մրցափուլերում։ Իսկ ԱՄՆ-ում կայացած եզրափակչում հաղթել է  չինական «Chengdu Pandas»-ին ու նվաճել ոսկե մեդալներ։

«Հայոց արծիվներ» շախմատային թիմի ղեկավար Արտակ Մանուկյանը, ապրիլի 11-ին հյուրընկալվելով «Մեդիա Կենտրոնում», ներկայացրեց, թե ինչպես է ձևավորվել թիմը և թե ինչպես է կերտվել բավականին դժվարությամբ տրված հաղթանակը․

«Մենք` որպես նորաստեղծ ակումբ, 2017թ․ որակավորման փուլն անցանք և 38 թիմերի շարքում գրավեցինq առաջին տեղը և անցանք խմբային փուլ, որից հետո էլ մեր թիմը եզրափակչում կամային հաղթանակ տարավ Չինաստանը ներկայացնող բավականին ուժեղ թիմի նկատմամբ»։

Արտակ Մանուկյանն ասում է, որ նման մրցաշարերը բարձրացնում են շախմատի ժողովրդականությունն ու նպաստում ոլորտի զարգացմանը։ Վերջինս նաև նշում է, որ արդեն մտածում են «Հայոց արծիվներ» թիմից բացի այլ թիմերի ձևավորման մասին՝ մրցաշարերին մասնակցելու համար․

«Հայոց արծիվներով» արդեն իսկ խմբային մրցաշարից սկսելու իրավունք ենք ձեռք բերել, հիմա մտածում ենք մի հատ էլ Երևանով կամ Գյումրիով անել՝ «Երևանյան աստղեր» կամ «Գյումրիի աստղեր» թիմեր ստեղծել ու նոր տաղանդներ ներգրավել։ Անկեղծ ասած՝ սա շուկա է, մեր թիմում ընդգրկված խաղացողների համար իսկական որս էր գնում, ամերիկյան տարբեր թիմեր պատկառելի գումարներ էին առաջարկում, որպեսզի հաջորդ տարի իրենց թիմերի հետ խաղան»։

Բանախոսը նաև ասում է, որ թեև իրենց համար մրցաշարի մասնակցության նյութական կողմը երկրորդական է, սակայն պետք է նշել, որ իրենց թիմը պետական ու ոչ պետական մակարդակներով որևէ աջակցություն չի ստացել, սակայն իրենց մրցակիցներից շատերը եղել են ուշադրության կենտրոնում․

«Այլ երկրների թիմեր նույնիսկ յուրաքանչյուր մրցաշարի կամ պարտիայի համար գումար էին ստանում, օրինակ՝ իրենց ֆեդերացիաներից կամ ԱՄՆ-ի դեպքում նահանգային ադմինիստրացիայից և այլն։ Իսկ մենք պետական կամ որևէ այլ տիպի հոգածության տակ չենք եղել ու, անկեղծ ասած, դա մեզ ավելի անկաշկանդ էր դարձնում»։

Դերենիկ Մալխասյան, Մեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեք derenikmalkhasian@gmail.com էլփոստին:

Տեսանյութ
Print Friendly and PDF
Այլ մամլո հաղորդագրություններ
«Հեպատիտների տարածվածության, դեղերի և բուժման հասանելիության խնդիրները Հայաստանում»
16.08.2018
12:00
2017-2018 թթ. «Դրական մարդկանց հայկական ցանց» սոցիալական ՀԿ-ն իրականացրել է հետազոտություն Երևան, Գյումրի, Վանաձոր, Հրազդան, Սևան, Գավառ, Մարտունի և Արմավիր քաղաքներում`ուղղված բնակչության շրջանում վիրուսային հեպատիտներ B-ի և C-ի վաղ հայտնաբերմանը, խնդրի մասին քաղաքացիների շրջանում իրազեկության բարձրացմանը:
«ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները»
27.07.2018
12:30
Հուլիսի 27-ին «Մեդիա կենտրոնում» տեղի ունեցավ մամուլի ասուլիս «ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները» թեմայով։
Պաշտպանական ոլորտի պետգնումները կոռուպցիոն մեծ ռիսկեր են պարունակում՝ փորձագետ
26.07.2018
14:00
Հուլիսի 26-ին «Մեդիա կենտրոնում» Հանրային քաղաքականության հետազոտությունների ազգային կենտրոնի նախագահ, տնտեսագետ Արտակ Մանուկյանը ներկայացրեց ՀՔՀԱԿ-ի կողմից իրականացված 2017-2018 թթ. պաշտպանական ոլորտի գնումների մոնիտորինգի արդյունքները։
«Մեդիա-նոր իշխանություններ. մտահոգիչ միտումներ»
25.07.2018
12:00
Մանիպուլյացիա, քարոզչություն, ապատեղեկատվություն, կեղծ կայքեր..Այս ամենը մեդիայում եղել է միշտ: Սակայն մասշտաբները, որոնք տեսնում ենք այսօր, մեդիա փորձագետներին թույլ է տալիս վիճակը գնահատել՝ իբրև ճգնաժամային:

«Դիտորդների խմբի գործունեության խոչընդոտները և ՔԿՀ-ներում մարդու իրավունքների խախտումների ընթացիկ խնդիրները»
25.07.2018
11:00
Թավշյա հեղափոխությունից հետո ՀՀ Արդարադատության նախարարությունը պահում է նույն դիրքորոշումը և նույն կերպ խոչընդոտում ՀՀ ԱՆ ՔԿՀ-ներում հասարակական վերահսկողություն իրականացնող հասարակական Դիտորդների խմբի գործունեությունը. այս մասին հուլիսի 25-ին Մեդիա կենտրոնում տեղի ունեցած քննարկմանը հայտարարեցին Դիտորդական խմբի անդամները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Հայաստան-Թուրքիա Միջոցառումներ