«Վարչապետական դիկտատուրա՞, թե՞ պատասխանատու կառավարում»
13.03.2018
12:00
2015 թվականին ընդունված Սահմանադրության համաձայն, ապրիլի 9-ից հետո Հայաստանն անցում կկատարի խորհրդարանական կառավարման համակարգի։ Օրենսդրական փոփոխություններով նոր համակարգում վարչապետն օժտվում է բավականին ընդգրկուն ու ազեցիկ լիազորություններով։

Քաղաքացիական հասարակության ու ընդդիմության ներկայացուցիչները պնդում են, որ նման փոփոխություններով հիմք է դրվում «սուպերվարչապետական» համակարգի։ Իշխանության ներկայացուցիչներն ի պատասխան հնչեցվող մտահոգությունների, հավաստիացնում են, որ փոփոխությունները կատարվում են կառավարիչների պատասխանատվությունն ու արդյունավետությունը  բարձրացնելու համար։

Մարտի 13-ին «Մեդիա կենտրոնում» «Վարչապետական դիկտատուրա՞, թե՞ պատասխանատու կառավարում» թեմայով քննարկման ընթացքում բանախոս ազգագրագետ Հրանուշ Խառատյանը նշեց, որ նոր Սահմանադրությունը հակառակ իշխանությունների պնդրումներին ամենևին էլ չի երաշխավորում իշխանության ճյուղերի հավասարակշռման ու փոխզսպման մեխանիզմները։ Նրա գնահատմամբ խորհրդարանի վերահսկողական ֆունկցիան հայեցողական բնույթ է կրում ու ամբողջ իշխանությունը կենտրոնանալու է վարչապետի ձեռքերում։

«Կառավարությունը կլինի իշխանության գլուխը ու ամբողջ իշխանությունը կիրացնի կառավարությունը։ Այսինքն՝ դա կառավարության՝ իշխանության զավթում է նշանակելու: Երեւում է, իհարկե, որ այն մի անձի վրա ձեւված Սահմանադրություն է»,- ասում է Հրանուշ Խառատյանը։

Իրավապաշտպան Ավետիք Իշխանյանը, թե կարելի է արդյոք աշխարհում գտնել խորհրդարանական կառավարում ունեցող մի այնպիսի երկիր, որտեղ վարչապետը օժտված կլինի այնպսի լիազորություններով, որոնոցով ներկայումս օժտում են ՀՀ ապագա վարչապետին․ «Պետք չէ շփոթել իշխանական մարմինները պետական մարմինների հետ։ Պետական կառույցների մեջ է դասվում դատա-իրավական համակարգը, որը անկախ քաղաքական իշխանությունից պետք է գործի ժամացույցի պես։ Այդ մարմիններն են ոստիկանություն, դատախազություն, քննչական մարմիններ։ Ենթադրվում էր, որ քննչական մարմինները պետք է անկախ լինեն, իսկ ոստիկանությունն ու ազգային անվտանգության ծառայությունը նախարարություններ դառնան։ Սակայն այս օրենքներով դրանք դառնում են վարչապետին կից ծառայություններ»։ Իրավապաշտպանը նաև նշում է, որ այդ օրենքներն ընդունելու դեպքում չի բացառվում հերթական «մարտի 1»-երի կրկնություն։

«Սա իշխանության ամրապնդման և ժողովրդի գոյատևման Սահմանադրություն է»,- գնահատական է տալիս Ավետիք Իշխանյանը։

Իրավապաշտպան Արթուր Սաքունցի կարծիքով Սահմանադրությունը փոխվել է մեկ անձի քաղաքական շահերը սպասարկելու համար, այդ իսկ պատճառով չէր կարող որակյալ խորհրդարանական կառավարման մոդել ներդրվել․ «Սահմանադրությունը փոխվեց, որպեսզի Սերժ Սարգսյանը կաշկանդված չլինի երկրորդ նախագահական  ժամկետով իր իշխանությունը շարունակելու համար։ Սա կոչվում է Սահմանադրական աճպարարություն, խաբեություն։ Սա սահմանադրություն է հպատակների համար։ ՀՀ քաղաքացիներին այս Սհմանադրությամբ դարձնում են հպատկներ»։

Բանախոսը շեշտում է, որ անկախ այն հանգամանքից, թե ինչ քաղաքական ուժ կամ անհատ կլինի իշխանության ղեկին, այս կառվարման համակարգն ինքնին արատավոր է․

«Ենթադրվում է, որ անձը պետք է տիրապետի ամբողջական տեղեկատվությանը բոլորի մասին և պետական մարմինների միջոցով այդ տեղեկատվությունը ոչ միայն թարմացնի, այլ նաև վերահսկի մարդկան վաքագիծը ոչ թե ըստ օրենքերի, այլ ըստ իշխանությանը լոյալության աստիճանի»։

Դերենիկ Մալխասյան, Մեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեք derenikmalkhasian@gmail.com էլփոստին:

 

Տեսանյութ
Print Friendly and PDF
Այլ մամլո հաղորդագրություններ
«Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»
19.03.2019
12:00
Մարտի 19-ին «Մեդիա կենտրոնում» տեղի ունեցավ մամուլի ասուլիս` նվիրված Սոցիալական աշխատանքի համաշխարհային օրվան: Ասուլիսի թեման էր` «Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»:
«Մեդիա սպառումն ու ինֆորմացիոն նախասիրությունները Հայաստանում-2019» հետազոտության ներկայացում
15.03.2019
12:00
Մարտի 15-ին «Մեդիա կենտրոնում» տեղի ունեցավ «Մեդիա սպառումն ու ինֆորմացիոն նախասիրությունները Հայաստանում- 2019» հետազոտության արդյունքների ներկայացում:
Խաղաղության ընկալումը․ ԼՂ հակամարտության մոտեցումների վերլուծությունը
06.02.2019
12:00
ԼՂ հակամարտության հանգուցալուծմանը հասնելու միակ ճանապարհը խաղաղությանը նախապատրաստվելն է: Թեպետ հակամարտող հանրույթներում գերիշխում է պատերազմի պրոպագանդան, սակայն Հայաստանում, Լեռնային Ղարաբաղում եւ Ադրբեջանում մարդիկ սկսել են ավելի ու ավելի քննադատաբար մոտենալ հնարավոր պատերազմին: Հարցեր են հնչեցնում պատերազմի ու խաղաղության գնի մասին:
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ