Ի՞նչն է խանգարում բացահայտել «Մարտի 1-ի» գործով պատասխանատուներին
01.03.2018
13:00
Մարտի 1-ին «Մեդիա կենտրոնում» տեղ է ունեցել հարցազրույց-ասուլիս Հայաստանի Հելսինկյան կոմիտեի նախագահ Ավետիք Իշխանյանի հետ «Ի՞նչն է խանգարում բացահայտել «Մարտի 1-ի» գործով պատասխանատուներին» թեմայով:

Հարցազրույցի ընթացքում Ավետիք Իշխանյանը կարծիք է հայտնում, որ տեսանելի ապագայում «Մարտի 1-ի» մեղավորները չեն բացահայտվի ու չեն պատժվի, քանի որ ոստիկանությանը պատժելը կնշանակի խարխլել իշխանության հիմքերը․

«Եթե պատժում ես խոշտանգումներ կատարած ոստիկանին կամ ընտրությունների ժամանակ բռնություններ կիրառած, ծեծող ոստիկանին, ապա կրիտիկական իրավիճակներում ոստիկանությունը արդյո՞ք կենթարկվի քո ցուցումներին, թե կասի, եթե ես իր ցուցումներին լսեմ՝ նա ինձ կպատժի։  90-ական թթ-ից Հայաստանի իշխանությունների հիմնական հենարանը հանդիսացավ ոչ թե ժողովրդի քվեն, այլ՝ ուժային կառույցները, որոնց միջոցով նրանք պահում են իշխանությունը»։

Իրավապաշտպանը նաև նշում է, որ ոստիկանության դերը Հայաստանում իշխանությանը պաշտպանելն է, ինչը սակայն հակասում է ժողովրդավարական արժեքներին․

«Ոստիկանությունը Հայաստանում գործում է ոչ թե օրենքով, այլ ցուցումով։ Քաղաքակիրթ երկրներում ոստիկանության դերն հասարակական կարգի ու մարդու իրավունքների պաշտպանությունն է։ Այն պետական կառույց է, ոչ թե իշխանական։ Իսկ Հայաստանում ոստիկանությունն իշխանական կառույց է, ոչ թե պետական»։

Ավետիք Իշխանյանը միաժամանակ ուշադրություն է հրավիրում այն հանգամանքի, որ ներկայումս խոհրդարանական կառավարման համակարգի ներդրմամբ պայմանավորվող օրենսդրական մի շարք փոփոխություններ իրականում «մարտ 1»-ն արդարացնող ու այդպիսի դեպքերի կրկնությունը մեծացնող նախաձեռնություններ են․

«Եթե իսկապես Հանրապետական կուսակցությունը, ՀՅԴ-ն ու Ծառուկյան դաշինքը և «Ելքը» մտահոգված են Մարտի մեկի չկրկնվելով, ապա ոստիկանությունը պետք է դառնա ներքին գործերի նախարարություն, ԱԱԾ-ն՝ Ազգային անվտանգության նախարարություն, դրանք  պետք է լինեն խորհրդարանական վերահսկողության տակ։ Քննչական մարմինների մասով պետք է առանձին օրենք լինի, որով նրանք կախված չեն լինելու վարչապետից։ Սա կլինի առաջին քայլը մարտի մեկերը բացառելու ու կանխելու։ Իսկ օրինագծերն ընդունելով՝ Ազգային ժողովն արդարացնելու է Մարտի մեկը»։

Դերենիկ Մալխասյան, Մեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեք derenikmalkhasian@gmail.com էլփոստին:

Տեսանյութ
Print Friendly and PDF
Այլ մամլո հաղորդագրություններ
«Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»
19.03.2019
12:00
Մարտի 19-ին «Մեդիա կենտրոնում» տեղի ունեցավ մամուլի ասուլիս` նվիրված Սոցիալական աշխատանքի համաշխարհային օրվան: Ասուլիսի թեման էր` «Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»:
«Մեդիա սպառումն ու ինֆորմացիոն նախասիրությունները Հայաստանում-2019» հետազոտության ներկայացում
15.03.2019
12:00
Մարտի 15-ին «Մեդիա կենտրոնում» տեղի ունեցավ «Մեդիա սպառումն ու ինֆորմացիոն նախասիրությունները Հայաստանում- 2019» հետազոտության արդյունքների ներկայացում:
Խաղաղության ընկալումը․ ԼՂ հակամարտության մոտեցումների վերլուծությունը
06.02.2019
12:00
ԼՂ հակամարտության հանգուցալուծմանը հասնելու միակ ճանապարհը խաղաղությանը նախապատրաստվելն է: Թեպետ հակամարտող հանրույթներում գերիշխում է պատերազմի պրոպագանդան, սակայն Հայաստանում, Լեռնային Ղարաբաղում եւ Ադրբեջանում մարդիկ սկսել են ավելի ու ավելի քննադատաբար մոտենալ հնարավոր պատերազմին: Հարցեր են հնչեցնում պատերազմի ու խաղաղության գնի մասին:
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ