«Իրավական գնահատական ՍԴ որոշմանը. համայնքային հողերի փակ աճուրդ-վաճառքը ճանաչվեց հակասահմանադրական»
06.02.2018
12:00
Սահմանադրական դատարանը 2018թ. հունվարի 30-ին բավարարել է «Հետաքննող լրագրողների» հայցը. ՍԴ-ի հրապարակած որոշմամբ հակասահմանադրական է ճանաչվել Հողային օրենսգրքի 68-րդ հոդվածի 6-րդ մասի այն դրույթը, ըստ որի, համայնքային հողերի աճուրդ-վաճառքը պետք է անցկացվի փակ:

Այս մասին փետրվարի 6-ին Մեդիա կենտրոնում տեղի ունեցավ քննարկում, որին մասնակցում էին ԱԺ «Ելք» խմբակցության պատգամավոր Արտակ Զեյնալյանը, հետաքննող լրագրող Սառա Պետրոսյանը և փաստաբան Արա Ղազարյանը:

Սառա Պետրոսյանը ներկայացրեց, որ աճուրդ-վաճառքների մասին առաջին հրապարակումները եղել են դեռևս 2014 թվականին, երբ համայնքներում աշխատանքի ժամանակ փորձ էին արել մասնակցելու որոշ աճուրդների, այնտեղ կոռուպցիոն ռիսկեր տեսել և մի շարք խոչընդոտների բախվել:

«Առաջին խոչընդոտն այն էր, որ մեզ կտրուկ արգելվեց համայնքներում աճուրդների մասնակցել, մեզ ցույց էին տալիս Հողային օրենսգրքի 68-րդ հոդվածի 6-րդ կետը և ասում, որ օրենքով է արգելված, և իրենք ոչինչ չեն կարող անել: Երբ արդեն մոնիթորինգային ուսումնասիրություն էինք սկսել, կային համայնքներ էլ, որտեղ թույլ էին տալիս և այդ խոչընդոտը չէին էլ ստեղծում: Տարիների ուսումնասիրությունը հստակ պարզեց մեկ բան. անկախ այն բանից` աճուրդը բա՞ց կլիներ, թե՞ փակ, կոռուպցիոն մեծ խնդիր ուներ, որովհետև շատ արհեստական էր, այսինքն` աճուրդ ասվածը գոյություն չուներ: Կար պայմանավորվածություն համայնքի ղեկավարի հետ, համայնքային գույքը վաճառողը և գնորդը համաձայնության էին գալիս ինչ-որ գումարի շուրջ, արհեստականորեն երկրորդ դիմում էր մուտք արվում, սակարկություն տեղի չէր ունենում, և գույքը վաճառվում էր անգամ հողերի կադաստրային արժեքից շատ ցածր գներով, այսինքն` տեղի էր ունենում համայնքային գույքի փոշիացում, չէր ծառայեցվում համայնքին, և կար կոռուպցիոն մի շատ մեծ շղթա, որը սկսվում էր համայնքի ղեկավար-մարզպետ-կադաստր համագործակցությամբ»,-ասաց Սառա պետրոսյանը:

Բացի հրապարակումներից, ուսումնասիրությունները ներկայացվել են նաև ՀՀ Կառավարության հակակոռուպցիոն խորհուրդ և ընդգրկվել նիստերի օրակարգ. «Երեք անգամ զեկուցել եմ, մանրամասն քննարկումներ են եղել, և տպավորությունն այն էր, որ բոլորն էլ հասկացել ու ընկալել են, թե ինչի՛  մասին է խոսքս: Բայց, ցավալիորեն, քննարկումներից հետո գործնականում խնդրին ընթացք չտրվեց»:

«Հետաքննող լրագրողներ» հասարակական կազմակերպության շահերը Սահմանադրական դատարանում ներկայացրել են փաստաբան Արա Ղազարյանը և իրավապաշտպան, այժմ ԱԺ պատգամավոր Արտակ Զեյնալյանը, ովքեր չորս տարի շարունակ դատարանից դատարան են գնացել այս հարցով։

«Մենք մտանք վեճի մեջ Ազգային ժողովի հետ, դատական համակարգի, գործադիր իշխանության և ՏԻՄ մարմինների հետ: Այդ ողջ հզոր բանակի հետ մտանք վեճի մեջ և հաղթեցինք»,- շարունակեց Զեյնալյանը,-«Մենք գտնում էինք, որ անձը, լրագրողը, հետաքննող լրագրողը, պետք է հնարավորություն ունենա անձամբ ներկա գտնվել աճուրդներին, դիտարկել դրանք, տալ իրենց կողմից ընկալված տեղեկատվությունն ու լուսաբանել: Ողջ համակարգը՝ օրենսդիրը, դատականը, գործադիրը, գտնում էին, որ ոչ՝ օրենքով սահմանված է, որ կարող են ներկա գտնվել միայն իրենք իրենց նեղ շրջապատով և ինչ ուզեն անեն»:

Մեկնաբանելով Սահմանադրական դատարանի որոշումը, Արա Ղազարյանը հստակեցրեց՝ այն վերաբերում է ոչ այնքան աճուրդների խնդրին, որքան խոսքի և տեղեկատվության ազատությանը։

«Միտքը նրանում է, որ համայնքը, ինչպես մենք հայտարարեցինք, ուզում է և իրավունք ունի իմանալ, թե ով և ինչպես է գնում իրենց հողերը: Խոսքը հիմնականում «ինչպեսի» մասին է, որովհետև կոռուպցիան հիմնականում թաքնված է «ինչպեսի» մեջ: Եվ նրանք, ովքեր ցանկանում են համայնքի հողերը չափազանց էժան գներով վաճառել կոռուպցիոն եղանակով, առաջին հերթին կտրում են խոսքի ազատության ճանապարհը, թույլ չեն տալիս, որ լրագրողը կամ համայնքի ներկայացուցիչը ներկա լինի պրոցեսին, որպեսզի տեսնի, թե ինչ խախտումներով է հողը վաճառվում»,- ասաց Ղազարյանը:

Արտակ Զեյնալյանն էլ հավելեց, որ օրենքում փոփոխություններն ուժի մեջ են մտել հենց հրապարակման պահից. «Սահմանադրական դատարանի որոշումը բարձր է, քան օրենքը, այն ուժի մեջ է մտել հրապարակման պահից և պարտադիր է բոլորի համար»:

Լիլիթ Առաքելյան, Մեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեք Lilitarakelyan@pjc.am հասցեին:

Տեսանյութ
Print Friendly and PDF
Այլ մամլո հաղորդագրություններ
Աժ արտահերթ ընտրությունների նախընտրական քարոզչության ժամանակահատվածում ԶԼՄ-ների մշտադիտարկման արդյունքները
11.12.2018
12:00
Դեկտեմբերի 11-ին «Մեդիա կենտրոնում» Երևանի մամուլի ակումբը ներկայացրեց դեկտեմբերի 9-ի Աժ արտահերթ ընտրությունների նախընտրական քարոզչության ժամանակահատվածում ԶԼՄ-ների մշտադիտարկման արդյունքները։
«Դիտորդների նախնական դիտարկումներն ու գնահատականները ԱԺ ընտրությունների վերաբերյալ»
10.12.2018
15:30
Դեկտեմբերի 10-ի Երևանի ԴաբլԹրի Բայ Հիլթոն հյուրանոցի Փարիզ սրահում տեղի ունեցավ Ընտրությունները դիտարկող կազմակերպությունների եվրոպական ցանցի (ENEMO) մամուլի ասուլիսը «Դիտորդների նախնական դիտարկումներն ու գնահատականները ԱԺ ընտրությունների վերաբերյալ» թեմայով։
«Միջազգային և հայաստանյան դիտորդների գնահատականը ԱԺ արտահերթ ընտրություններին»
10.12.2018
12:00
Դեկտեմբերի 10-ին Երևանի ԴաբլԹրի Բայ Հիլթոն հյուրանոցի Փարիզ սրահում տեղի ունեցավ Ժողովրդավարական ընտրությունների եվրոպական պլատֆորմի, ՀՔԱՎանաձորի գրասենյակի և Թրանսփարենսի Ինթերնեյշնլ հակակոռուպցիոն կենտրոնի համատեղ մամուլիասուլիսը «Միջազգային և հայաստանյան դիտորդների գնահատականը ԱԺ արտահերթ ընտրություններին»թեմայով:
Քննարկումների շարք. 2018 թ. ԱԺ արտահերթ ընտրություններ
09.12.2018
13:00
Դեկտեմբերի 9-ին՝ ՀՀ Ազգային ժողովի արտահերթ ընտրությունների օրը, «Մեդիա կենտրոնը» անցկացրեց քննարկումների շարք:

ԱԺ ընտրությունների լուսաբանման մշտադիտարկման հերթական փուլի արդյունքները
04.12.2018
13:00
Դեկտեմբերի 4-ին «Մեդիա կենտրոնում» Երևանի մամուլի ակումբը ներկայացրեց «ԱԺ արտահերթ ընտրությունների լուսաբանման վերաբերյալ մշտադիտարկման հերթական փուլի արդյունքները»։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ