Գենդերային բռնության դեմ պայքարն ու օրենսդրական դաշտի բացերը Հայաստանում
28.11.2017
11:00
Նոյեմբերի 28-ին «Մեդիա կենտրոնում» տեղի ունեցավ «Ընդդեմ գենդերային բռնության ակտիվության 16-օրյակ»-ին նվիրված մամլո ասուլիս «Գենդերային բռնության դեմ պայքարն ու օրենսդրական դաշտի բացերը Հայաստանում» թեմայով։

Ընդդեմ գենդերային բռնության ակտիվության 16-օրյակը համաշխարհային շարժում է`ուղղված կանանց դեմ բռնության բոլոր ձևերի վերացմանը, որն անցկացվում է նոյեմբերի 25-ից դեկտեմբերի 10-ը: Ասուլիսին մասնակցում էին ընտանեկան բռնությունը վերապրած Սիրանուշ Գալոյանը, Կանանց ռեսուրսային կենտրոնի փաստաբան Նվարդ Փիլիպոսյանը և Կանանց իրավունքների կենտրոնի հոգեբան Արփինե Արգուշյանը:

Ըստ Կանանց իրավունքների կենտրոնի տվյալների` 2017-ի հունվարից հոկտեմբեր ամիսներին երևանյան գրասենյակի թեժ գծին ստացվել է 1513 զանգ, որից 1222-ը ընտանեկան  բռնության դեպքերով: Կանանց  խորհրդատվական և աջակցման կենտրոններ եղել է 399 այց, որից 129-ը առաջնային, 270-ը` կրկնվող:

«Մեր մարզային ճգնաժամային կենտրոնները միասին ստացել են 2163 զանգ թեժ գծով, որից 1744-ը եղել են ընտանեկան բռնության զանգ: Մարզային աջակցման կենտրոններ այցերի թիվը ընդհանուր եղել է 937: Մենք աշխատում ենք Վանաձորում, Գավառում, Եղեգնաձորում, Գյումրիում և Երևանում»,-ասում է Արփինե Արգուշյանը:

Նա ընդգծում է, որ իրենք բռնության ենթարկված կանանց և երեխաներին տրամադրում են իրավաբանի, հոգեբանի անվճար ծառայություն, խորհրդատվություն:

«Ապահովում են փաստաբանի ներկայացուցչությունը դատարաններում, եթե դեպքը հրատապ է, ուղղորդում ենք նաև ապաստարան: Մենք պաշտպանում ենք թե՛ ընտանեկան բռնությունից տուժած կանանց, թե՛ երեխաներին»,- հավելեց Արփինե Արգուշյանը:

Սիրանուշ Գալոյանն ասում է, որ ընտանեկան բռնությունը հանցագործության մի տեսակ է, որ կատարվում է փակ դռների հետևում:

«Մարդը, որը ենթարկվում է բռնության, պետք է այդտեղից դուր գա, այդ միջավայրից նրան պետք է հանել, որովհետև այնտեղ նա կարող է ենթարկվել շարունակաբար թե՛ ֆիզիկական, թե՛ հոգեբանական բռնության: Օրենքի դաշտը բաց է: Եթե նոր օրենքը գործող լինի և համապատասխան մարմինները լավ աշխատեն, օրենքը կազդի…Բռնություն գործադրողի համար կարևոր է, որ զոհը մեկուսացվի հասարակությունից, հարևաններից, հարազատներից, ես կոնկրետ իմ դեպքով եմ դա ասում: Իսկ հայտնվելով մեկուսացման մեջ` զոհը սկսում է կախվածության մեջ լինել բռնարարից»,- ասում է Գալոյանը:

Նվարդ Փիլիպոսյանն էլ նշում է, որ Ընտանեկան բռնության կանխարգելման և ընտանեկան բռնության ենթարկված անձանց պաշտպանության մասին օրենքի նախագծի նպատակը ընտանեկան բռնության զոհերին պաշտպանելն է:

«Այսինքն օրենքը մեխանիզմներ է նախատեսում՝ ինչպիսիք անհետաձգելի միջամտությունն է և պաշտպանական որոշումը, որով բռնանարը որոշ ժամանակով պետք է հեռու մնա այնտեղից, որտեղ բնակվում է բռնության ենթարկված անձը կամ բռնության ենթարկվածին ապաստան տեղափոխելու հնարավորություն տալ: Սրանք մեխնաիզմներ են, որոնք հնարավորություն կտան բռնության ենթարկված անձանց պատշտպանության ինչ- որ օղակ գտնել»,- ասում է Փիլիպոսյանը:

 

 

 

Տեսանյութ
Print Friendly and PDF
Այլ մամլո հաղորդագրություններ
«Հեպատիտների տարածվածության, դեղերի և բուժման հասանելիության խնդիրները Հայաստանում»
16.08.2018
12:00
2017-2018 թթ. «Դրական մարդկանց հայկական ցանց» սոցիալական ՀԿ-ն իրականացրել է հետազոտություն Երևան, Գյումրի, Վանաձոր, Հրազդան, Սևան, Գավառ, Մարտունի և Արմավիր քաղաքներում`ուղղված բնակչության շրջանում վիրուսային հեպատիտներ B-ի և C-ի վաղ հայտնաբերմանը, խնդրի մասին քաղաքացիների շրջանում իրազեկության բարձրացմանը:
«ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները»
27.07.2018
12:30
Հուլիսի 27-ին «Մեդիա կենտրոնում» տեղի ունեցավ մամուլի ասուլիս «ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները» թեմայով։
Պաշտպանական ոլորտի պետգնումները կոռուպցիոն մեծ ռիսկեր են պարունակում՝ փորձագետ
26.07.2018
14:00
Հուլիսի 26-ին «Մեդիա կենտրոնում» Հանրային քաղաքականության հետազոտությունների ազգային կենտրոնի նախագահ, տնտեսագետ Արտակ Մանուկյանը ներկայացրեց ՀՔՀԱԿ-ի կողմից իրականացված 2017-2018 թթ. պաշտպանական ոլորտի գնումների մոնիտորինգի արդյունքները։
«Մեդիա-նոր իշխանություններ. մտահոգիչ միտումներ»
25.07.2018
12:00
Մանիպուլյացիա, քարոզչություն, ապատեղեկատվություն, կեղծ կայքեր..Այս ամենը մեդիայում եղել է միշտ: Սակայն մասշտաբները, որոնք տեսնում ենք այսօր, մեդիա փորձագետներին թույլ է տալիս վիճակը գնահատել՝ իբրև ճգնաժամային:

«Դիտորդների խմբի գործունեության խոչընդոտները և ՔԿՀ-ներում մարդու իրավունքների խախտումների ընթացիկ խնդիրները»
25.07.2018
11:00
Թավշյա հեղափոխությունից հետո ՀՀ Արդարադատության նախարարությունը պահում է նույն դիրքորոշումը և նույն կերպ խոչընդոտում ՀՀ ԱՆ ՔԿՀ-ներում հասարակական վերահսկողություն իրականացնող հասարակական Դիտորդների խմբի գործունեությունը. այս մասին հուլիսի 25-ին Մեդիա կենտրոնում տեղի ունեցած քննարկմանը հայտարարեցին Դիտորդական խմբի անդամները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Հայաստան-Թուրքիա Միջոցառումներ