Երեխաների պաշտպանությունը «Ընտանեկան բռնության կանխարգելման մասին» օրենքի նախագծում
11.10.2017
11:00
«Ընտանեկան բռնության կանխարգելման մասին» օրենքի նպատակը ոչ միայն բռնության դեպքերը կասեցնելն ու վերացնելն է, այլև բռնության հետևանքով տուժած անձանց աջակցելը, հատկապես, երբ խնդիրը վերաբերում է երեխաներին:

Այս կարծիքին են հասարակական կազմակերպությունների ներկայացուցիչները՝ Երեխաների պաշտպանության ցանցի նախագահ Արշակ Գասպարյանը, Վորլդ Վիժն Հայաստանի երեխաների պաշտպանության և կրթական ծրագրերի ղեկավար Աիդա Մուրադյանը և ՀՕՖ-ի Երեխաների աջակցության կենտրոն հիմնադրամի գործադիր տնօրեն Միրա Անտոնյանը, ովքեր հոկտեմբերի 11-ին Մեդիա կենտրոնում մասնակցում էին օրենքի նախագծի շուրջ քննարկմանը:

Բանախոսները համակարծիք էին, որ  ընտանեկան բռնության խնդիրը լուծելու համար բավարար չէ բռնության դեպքերի համար քրեորեն պատիժ սահմանելը:

«Պատիժը չի վերացնում խնդիրը, եթե տուժողը ենթարկվել է հոգեբանական ճնշման»,-ասաց Միրա Անտոնյանը:

Ուստի օրենսդրության մեջ պետք է ստեղծվեն մեխանիզմներ, որոնք, հայտնաբերելով և վերացնելով բռնություն ծնող գործոնները, ընտանիքում կստեղծեն առողջ մթնոլորտ:

Աիդա Մուրադյանն ասում է, որ ընտանեկան բռնության պարագայում ընտանիքում դոմինանտ կերպարը ճնշում է ավելի թույլ անձին, որը, որպես կանոն, և՛ ֆինանսապես, և՛ տնտեսապես, և՛ էմոցիոնալ առումով խիստ կախվածության մեջ է այդ դոմինանտ կերպարից:

«Հետևաբար շատ քիչ է հավանականությունը, որ անձը բողոք կներկայացնի ոստիկանությունում»,-հավելեց նա:

Արշակ Գասպարյանն էլ հիշեցրեց2005 թվականի ՀՀ կառավարության որոշմամբ ստեղծված երեխաների պաշտպանության եռաստիճան համակարգի(համայնքը, մարզպետարաններում և Երևան քաղաքում Ընտանիքի, կանանց, երեխաների պաշտպանության օրենքի բաժինը և Աշխատանքի և սոցիալական հարցերի նախարարություն)մասին և ընդգծում, որ դա վերջնականապես չի լուծել առկա խնդիրները:

Ըստ նրա՝ նոր օրենքը բարեփոխումներ է մտցնում երեխաների պաշտպանության համակարգ, կարևորելով «Երեխան պիտի ապրի ընտանիքում» գաղափարախոսությունը:

Անդրադառնալով ընտանեկան բռնության օրենքի նոր նախագծին՝ բանախոս Աիդա Մուրադյանը խոսեց նոր օրենքի առաջարկած պաշտպանական տեսակների մասին:

«Առաջինը պաշտոնական նախազգուշացումն է, երկրորդը՝ անհետաձգելի միջամտության որոշումը, որը մինչև 20 օր տևողությամբ սահմանափակում է բռնություն կիրառողի որոշ իրավունքներ, որպեսզի հետապնդումները և կրկնակի բռնության կիրառման դեպքերը բացառվեն: Եվ երրորդը՝ պաշտպանական որոշումը, որն ընդունվում է դատարանի կողմից 6-9 ամիս տևողությամբ: Այս ժամանակահատվածում բռնության ենթարկված անձի համաձայնությամբ անձը կարող է տեղափոխվել ապաստարան»,-ասումէ  Աիդան:

Միրա Անտոնյանն, անդրադառանլով երրորդդրվածքին, այն զոհապաշտպան չի համարում:

«Ես համաձայն չեմ այն դրվածքի հետ, որ բռնության դեպքում զոհի կյանքը փրկելու համար նրան պետք է տեղափոխեն ապաստարան, իսկ բռնարարը շարունակի ապրել ու «թագավորել» այդ տանը՝  բռնանալովընտանիքի մյուս անդամների հանդեպ»,- ասաց նա:

Արշակ Գասպարյանը կարծում է, որ ՀՀ օրենսդրությունը շատ տուժողահեն չէ:

«Եթե օրինակ գողություն է կատարվել, քրեական դատավարության շրջանակներում հանցագործին պատժում են, իսկ տուժողի հետ ոչ ոք չի աշխատում: Այս նույն խնդիրը առաջանում է ընտանեկան բռնության պարագայում»,-նշեց նա:

Ինչ վերաբերում է ծնողական իրավունքի սահմնափակման կամ ծայրահեղ դեպքում երեխայից զրկելու հարցին, ինչը մեծ քննարկումների և միջադեպերի պատճառ է դարձել նոր օրենքի քննարկման ժամանակ, բանախոսները նշեցին, որ ներկայիս օրենսդրությունը, մասնավորապես Ընտանեկան օրենսգիրքը կանոնակարգում է, թե որ դեպքերում է սահմանափակվում ծնողական իրավունքը և որ դեպքերում է անձը զրկվում ծնողական իրավունքից: Սա կատարվում է խնամակալության և հոգաբարձության մարմինների եզրակացության հիման վրա բացառապես դատական կարգով:

Աիդա Մուրադյանի կարծիքով առաջացած աղմուկը պայմանավորված է մի քանի պատճառոներով:

«Առաջինը՝ աղմուկ ստեղծողների մի մասը հավանաբար չի էլ կարդացել նախագիծը:
Երկրորդ պատճառն այն է, որ աղմուկ ստեղծողները կարդացել են նախագիծը և տեսել բաներ, որոնք իրականում չկան»,-ասումէ նա և կոչ անում կարդալ այս օրենքի նախագիծը, լսելքննարկման կողմերին և ողջամության սահմաններում որոշել՝ օրենքը ինչի մասին է ևինչ նպատակ է հետապնդում:

Միրա Անտոնյանը կարծում է, որ պետք է ջանքեր գործադրվեն՝ ուղղված մանկության պաշտպանությանը և ոչ թե միայն խոցելի խմբերի երեխաներին. հոգեբանական ճնշումները, չդաստիարակելը, դպրոցից թողնելը, ընկերների կամ ուրիշների ներկայությամբ վարկաբեկելը հանգեցնում են ստրկական մտածողության:

«Երբ երեխաները տարբեր վերաբերմունքից տուժելով սկսում են հակադրվել, պատասխանել, կռվել, մենք կարծում ենք, որ  նրանք ունեն վարքային դժվարություններ և չենք ուզում հասկանալ՝ որտեղից է սկսվում խնդիրը»,-ասաց նա:

Պատճառնեը կարող են տարբեր լինել: Դրանցից մեկը ընտանիքում առկա սոցիալական անապահովության խնդիրն է:

Որպես հավելում՝ Արշակ Գասպարյանն ասաց, որ այսօր սոցիալական պաշտպանությունը նոր հարթակի է բերվում: Պետությունը գնում է դեպի ընտանիքը և համայնքի ռեսուրսները զարգացնելու ուղղությամբ, որի նպատակն է ընտանիքին աջացել սեփական ռեսուրսներով հաղթահարել սեփական խնդիրները:

Տեսանյութ
Print Friendly and PDF
Այլ մամլո հաղորդագրություններ
«Հեպատիտների տարածվածության, դեղերի և բուժման հասանելիության խնդիրները Հայաստանում»
16.08.2018
12:00
2017-2018 թթ. «Դրական մարդկանց հայկական ցանց» սոցիալական ՀԿ-ն իրականացրել է հետազոտություն Երևան, Գյումրի, Վանաձոր, Հրազդան, Սևան, Գավառ, Մարտունի և Արմավիր քաղաքներում`ուղղված բնակչության շրջանում վիրուսային հեպատիտներ B-ի և C-ի վաղ հայտնաբերմանը, խնդրի մասին քաղաքացիների շրջանում իրազեկության բարձրացմանը:
«ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները»
27.07.2018
12:30
Հուլիսի 27-ին «Մեդիա կենտրոնում» տեղի ունեցավ մամուլի ասուլիս «ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները» թեմայով։
Պաշտպանական ոլորտի պետգնումները կոռուպցիոն մեծ ռիսկեր են պարունակում՝ փորձագետ
26.07.2018
14:00
Հուլիսի 26-ին «Մեդիա կենտրոնում» Հանրային քաղաքականության հետազոտությունների ազգային կենտրոնի նախագահ, տնտեսագետ Արտակ Մանուկյանը ներկայացրեց ՀՔՀԱԿ-ի կողմից իրականացված 2017-2018 թթ. պաշտպանական ոլորտի գնումների մոնիտորինգի արդյունքները։
«Մեդիա-նոր իշխանություններ. մտահոգիչ միտումներ»
25.07.2018
12:00
Մանիպուլյացիա, քարոզչություն, ապատեղեկատվություն, կեղծ կայքեր..Այս ամենը մեդիայում եղել է միշտ: Սակայն մասշտաբները, որոնք տեսնում ենք այսօր, մեդիա փորձագետներին թույլ է տալիս վիճակը գնահատել՝ իբրև ճգնաժամային:

«Դիտորդների խմբի գործունեության խոչընդոտները և ՔԿՀ-ներում մարդու իրավունքների խախտումների ընթացիկ խնդիրները»
25.07.2018
11:00
Թավշյա հեղափոխությունից հետո ՀՀ Արդարադատության նախարարությունը պահում է նույն դիրքորոշումը և նույն կերպ խոչընդոտում ՀՀ ԱՆ ՔԿՀ-ներում հասարակական վերահսկողություն իրականացնող հասարակական Դիտորդների խմբի գործունեությունը. այս մասին հուլիսի 25-ին Մեդիա կենտրոնում տեղի ունեցած քննարկմանը հայտարարեցին Դիտորդական խմբի անդամները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Հայաստան-Թուրքիա Միջոցառումներ