«Հայ-թուրքական հարաբերությունները տարածաշրջանային զարգացումների համատեքստում»
09.10.2017
14:30
8 տարի առաջ Ցյուրիխում ստորագրված հայ-թուրքական արձանագրությունները բեկումնային դերակատարություն ունեցան ինչպես երկու երկրների հարաբերություններում, այնպես էլ՝ Հայաստանի արտաքին քաղաքականության մեջ:

Հայ-թուրքական հարաբերությունները սկսեցին դիտարկվել՝ Ցուրիխյան արձանագրություններից առաջ և հետո։ Բազմաթիվ քննադատությունների ենթարկված այդ արձանագրությունները շուրջ մեկ տասնամյակ սառեցված վիճակում մնալուց հետո այժմ կանգնած են առոչինչ հայտարարվելու եզրին: ՀՀ նախագահ Սերժ Սարգսյանը ՄԱԿ-ի ամբիոնից սույն թվականի սեպտեմբերի 20-ին ունեցած ելույթում հայտարարեց. «Մենք 2018 թվականի գարուն ենք մտնելու առանց այդ, ինչպես, ցավոք սրտի, փորձը ցույց տվեց, սին արձանագրությունների»:

Հոկտեմբերի 9-ին «Մեդիա կենտրոնում» «Հայ-թուրքական հարաբերությունները տարածաշրջանային զարգացումների համատեքստում» խորագրով հարցազրույցի ընթացքում արեւելագետ, ՀՀ արտակարգ եւ լիազոր դեսպան Դավիթ Հովհաննիսյանը, գնահատելով հայ-թուրքական արձանագրությունները, նշեց, որ դրանք դատապարտված էին տապալման, քանի որ դրանք ի սկզբանե սխալ փաստաթղթեր էին.

«Ցանկացած 2 պետություն, երբ հաստատում են դիվանագիտական հարաբերություններ, գնում են պարզ արձանագրության ճանապարհով: Դիվանագիտական հարաբերություններ հաստատելիս պետությունները ճանաչում են միմյանց ինքնիշխանությունը, սահմանները, իսկ եթե ճանաչում են ինքնիշխանությունը, նշանակում է՝ չեն խառնվում միմյանց ներքին գործերին, սա նրանց համար բավարար հիմք է: Այս կետերի առկայությունը բավարար է 2 պետություններին, որպեսզի սկսեն դիվանագիտական հարաբերություններ»,- նշեց նա: 

Բանախոսի կարծիքով հայ-թուրքական արձանագրությունների ստորագրումից շահեց բացառապես Թուրքիան, որը հենց սկզբից էլ նպատակ չի ունեցել վավերացնել այդ փաստաթղթերը, եւ ճիշտ չեն այն պնդումները, որ Թուրքիան Ադրբեջանի ճնշումների ներքո չի վավերացրել այդ արձանագրությունները.

«Շատ լավ հաշվարկված գործընթաց էր, որը նախ՝ հիմնված էր ամերիկյան հիմնական նախաձեռնության վրա, որի շուրջ հնարավոր եղավ ինչ-որ կոնսենսուս ստեղծել տարբեր այլ երկրների հետ միասին: Թուրքիան այս արձանագրությունները շատ թանկ գնով վաճառեցին Ադրբեջանին։ Նա ունեցավ լրջագույն նյութական և ոչ նյութական ձեռքբերումներ, և համեմատելով այն բանի հետ, թե ինչ իրեն կարող էր տալ այս հարաբերությունների հաստատման միջոցով ԱՄՆ-ի հետ հարաբերությունների որոշակի կարգավորումը և ՀՀ-ի հետ հարաբերություններ հաստատելուց եկող շահը, հասկանում ենք, որ Թուրքիան ճիշտ հաշվարկել էր և շատ ավելի շատ բան շահեց՝ այս քաղաքականությունն անցկացնելով»:

Բանախոսը համոզված է, որ հայ-թուրքական հարաբերությունները կարող են կարգավորվել այն ժամանակ, երբ այդ ուղղությամբ սկզբունքային որոշում կայացնեն Հայաստանի եւ Թուրքիայի իշխանությունները.

«Դրանից հետո նոր գալիս են այլ երկրների շահերը, որոնք կարող են ինչ-որ պահի որոշիչ դեր կատարել, բայց  առաջնայինը Թուրքիայի ու Հայաստանի որոշումներն են»:

Դերենիկ Մալխասյան, Մեդիա կենտրոն ծրագրի խմբագիր/համակարգող:

Հեղինակի հետ կապվելու համար գրեք derenikmalkhasian@gmail.com էլփոստին:

 

Տեսանյութ
Print Friendly and PDF
Այլ մամլո հաղորդագրություններ
Կառավարության 100 օր. «Սպասե՞լ արմատական փոփոխություններ բնապահպանության ոլորտում»
21.08.2018
12:30
Օգոստոսի 21-ին «Մեդիա կենտրոնում» տեղի ունեցավ քննարկում «Կառավարության 100 օր. սպասե՞լ արմատական փոփոխություններ բնապահպանության ոլորտում» թեմայով։
Րաֆֆի Հովհաննիսյանի մամլո ասուլիսը Մեդիա կենտրոնում
20.08.2018
12:00
Օգոստոսի 20-ին «Մեդիա կենտրոնում» տեղի ունեցավ «Ժառանգություն» կուսակցության հիմնադիր Րաֆֆի Հովհաննիսյանի մամլո ասուլիսը Հայաստանում հետհեղափոխական զարգացումների և գալիք ընտրությունների շուրջ:
«Հեպատիտների տարածվածության, դեղերի և բուժման հասանելիության խնդիրները Հայաստանում»
16.08.2018
12:00
2017-2018 թթ. «Դրական մարդկանց հայկական ցանց» սոցիալական ՀԿ-ն իրականացրել է հետազոտություն Երևան, Գյումրի, Վանաձոր, Հրազդան, Սևան, Գավառ, Մարտունի և Արմավիր քաղաքներում`ուղղված բնակչության շրջանում վիրուսային հեպատիտներ B-ի և C-ի վաղ հայտնաբերմանը, խնդրի մասին քաղաքացիների շրջանում իրազեկության բարձրացմանը:
«ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները»
27.07.2018
12:30
Հուլիսի 27-ին «Մեդիա կենտրոնում» տեղի ունեցավ մամուլի ասուլիս «ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները» թեմայով։
Պաշտպանական ոլորտի պետգնումները կոռուպցիոն մեծ ռիսկեր են պարունակում՝ փորձագետ
26.07.2018
14:00
Հուլիսի 26-ին «Մեդիա կենտրոնում» Հանրային քաղաքականության հետազոտությունների ազգային կենտրոնի նախագահ, տնտեսագետ Արտակ Մանուկյանը ներկայացրեց ՀՔՀԱԿ-ի կողմից իրականացված 2017-2018 թթ. պաշտպանական ոլորտի գնումների մոնիտորինգի արդյունքները։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Հայաստան-Թուրքիա Միջոցառումներ