«Բախումներ Ջավախքում. հետագա զարգացումներ և գնահատականներ»
04.10.2017
11:00
Սեպտեմբերի 30-ին Վրաստանի Ախալքալաքի շրջանի Գումբուրդո հայկական գյուղում տեղի ունեցավ բախումներով զուգորդված միջադեպ ոստիկանական ուժերի և գյուղացիների միջև։

Գյուղացիները փորձել են խաչքար տեղափոխել Գյումբուրդոյում գտնվող X դարի տաճարի տարածք, որտեղ վերաթաղված են եկեղեցու բակում պեղումների արդյունքում հայտնաբերված իրենց նախնիների ոսկորները։ Սակայն տարածքը հսկող ոստիկաններն արգելել են, որից հետո դեպքի վայր են ժամանել հատուկ նշանակության զորքերը։

Հայաստանում և Վրաստանում գնահատականներ հնչեցին, որ այս միջադեպը սադրանք էր, որն ուղղված էր հայ և վրացի ժողովուրդների բարեկամության դեմ։ Որոշ լրատվամիջոցներ Գումբուրդոյում տեղի ունեցած միջադեպը որակեցին որպես հայ-վրացական բախումներ, որոնց ընթացքում վրացի ոստիկանները բռնության են ենթարկել հայ գյուղացիներին։ Նման որակումներն ու գնահատակաները սեպտեմբերի 30-ին դեպքի վայրում իրադարձությունները լուսաբանող jnews.ge կայքի լրագրող Աղունիկ Այվազյանն անհիմն ապատեղեկատվություն է համարում։

«Այն պահը, երբ ծեծկռտուք է եղել, երկու կողմերն էլ հայ են եղել, ոստիկանները եղել են հայ։ Ոչ մի վրացի ոչ մի հայի չի ծեծել, դաժանաբար ծեծ տեղի չի ունեցել, կարող եք նայել հրապարակված տեսանյութերը։ Սկզբնական շրջանում առաջնագծում կանգնած են եղել հայ ոստիկանները՝ մեր Ախալքալաքի ոստիկանները։ Իսկ բախումը մի պահ է եղել»,- հայտնում է Աղունիկ Այվազյանը հոկտեմբերի 4-ին «Մեդիա կենտրոնում» տեղի ունեցած քննարկման ընթացքում։

Լրագրողը նաև նշում է, որ տարօրինակ կերպով որոշ հայկական լրատվամիջոցներ բախումները համարեցին հայ-վրացական, իսկ վրացական որոշ ԶԼՄ-ներ սկսեցին քննարկել եկեղեցու պատկանելության հարցը։

Վրացագետ Ջոնի Մելիքյանը ներկայացրեց դեպքի նախապատմությունը և անդրադարձ կատարեց Գումբուրդո գյուղում գտնվող եկեղեցու պատմությանը.

«Եկեղեցին 10-րդ դարի է, որը 15-րդ դարից հայերը սկսում են օգտագործել։ Սակայն այն համարվում է քաղկեդոնական, և վիրահայոց թեմը չի թաքցնում, որ որևէ հավակնություն այդ եկեղեցու նկատմամբ ՀԱԵ-ն չունի։ Սակայն ինչ վերաբերում է ոսկորների վերաթաղմանը, ինչքանով որ ես տեղյակ եմ, դեռ անցած տարվանից էր գործընթացը սկսվել, որին ակտիվորեն մասնակցում էր վիրահայոց թեմը, և նույնիսկ պայմանավորվածություն էր ձեռք բերվել, որ հոկտեմբերի վերջին վերադառնան այս հարցին, վրաց հոգևորականների հետ նստեն քննարկեն»։

 «Ջավախք» բարեգորածական հիմնադրամի գործադիր տնօրեն Արմեն Ավետիսյանը գտնում է, որ առաջին հերթին պետք է տարանջատվեր խաչքար տեղադրելու հարցը եկեղեցու պատկանելության հարցը քննարկելուց. «Խնդիրն այն է, որ այստեղ հարցը կապված չէ եկեղեցու պատկանելության հետ, այլ գումբուրդոցիների խնդիրը հետևյալն է. նրանք ասում են՝ մեր նախնյաց մասունքները, որոնք պեղումների ժամանակ հանվել են դուրս, մենք նորից վերահուղարկավորել ենք և ցանկանում ենք դրանց վրա խաչքար տեղադրել»,- նշում է Արմեն Ավետիսյանը՝ հավելելով․ «Եթե մենք կարողանանք տարանջատել եկեղեցու պատկանելության հարցը և խաչքարի տեղադրումը, այս բախումը տեղի չէր ունենա։ Եկեղեցու բակում խաչքար տեղադրելով՝ գումբուրդոցիները չեն ցանկանում ապացուցել, որ դա հայկական եկեղեցի է»։

Վրաստանի «Ալիք» մեդիահարթակի գլխավոր խմբագիր Արսեն Խառատյանը ևս կարծում է, որ Գումբուրդոյի եկեղեցու պատականելության հարցի քննարկումը բացում է «պանդորայի արկղը», վեճը լայնորեն ծավալվում է։ Նրա կարծիքով՝ բակում խաչքարի տեղադրման խնդիրը էքստրաօրդինար լուծում է պահանջում, քանի որ ստեղծված իրավիճակն է այդպիսին։ Արսեն Խառատյանը գտնում է, որ խաչքարի տեղադրման խնդիրն արդյունավետ կլինի դիտարկել իրավական հարթությունից դուրս՝ ավելի շատ բարոյական հարթության վրա, որի դեպքում փոխզիջման հասնելու հավանականությունն ավելի մեծ է. «Այն ունի սիմվոլիկա։ Խաչքարի տեղադրման խնդիրն այս իրավիճակում նաև բարոյական հարթությունում լուծելու անհրաժեշտություն է առաջացնում: Մի կողմից հարցը պետք է լուծվի իրավական հարթությունում, մյուս կողմից էլ ոչ սովորական լուծում պետք է գտնել»: 

Արսեն Խառատյանը նաև նշում է, որ առաջին հերթին պետք է հստակեցնել, թե ինչ հարթակում է խնդիրը լուծվելու՝ պետաիրավական, թե՞ եկեղեցական։

«Ովքեր են այն պատկան մարմինները, անձինք, ովքեր այդ խնդրի կարգավորման մեջ պետք է ներգրավված լինեն, որպեսզի և՛ գումբուրդոցիները, և՛ հասարակությունը հասկանա, թե ով է հարցերի հասցեատերը»։

 

Տեսանյութ
Print Friendly and PDF
Այլ մամլո հաղորդագրություններ
Պատգամավորների վարքն ու խոսքը. էթիկական նորմեր և հանրային ընկալումներ
12.12.2017
12:00
Դեկտեմբերի 12-ին «Մեդիա կենտրոնում» տեղի ունեցավ քննարկում «Պատգամավորների վարքն ու խոսքը. էթիկական նորմեր և հանրային ընկալումներ» թեմայով:
«Մատչելիության իրավունքը Հայաստանի առողջապահության ոլորտում. առկա մարտահրավերներ, խոչընդոտներ և հաղթահարման ուղիներ»
12.12.2017
11:00
Դեկտեմբերի 12-ը Առողջապահության համընդհանուր հասանելիության համաշխարհային օրն է: Այս օրվան նվիրված «Մեդիա կենտրոնում» տեղի ունեցավ մամլո ասուլիս «Մատչելիության իրավունքը Հայաստանի առողջապահության ոլորտում. առկա մարտահրավերներ, խոչընդոտներ և հաղթահարման ուղիներ» թեմայով:
Մարդու իրավունքների խախտումները 2017թ. Հայաստանում
11.12.2017
12:30
Դեկտեմբերի 11-ին «Մեդիա կենտրոնում» տեղի ունեցավ Մարդու իրավունքների պաշտպանության միջազգային օրվան նվիրված մամլո ասուլիս, որի շրջանակում «Ընդդեմ իրավական կամայականության» ՀԿ-ն ներկայացրեց 2017թ. մարդու իրավունքների խախտումները Հայաստանում:
Ճապոնիայի դեսպան Էյջի Տագուչիի մամլո ասուլիսը Մեդիա կենտրոնում
11.12.2017
11:00
Դեկտեմբերի 11-ին «Մեդիա կենտրոնում» տեղի ունեցավ ՀՀ-ում Ճապոնիայի արտակարգ և լիազոր դեսպան Ն.Գ. Էյջի Տագուչիի մամլո ասուլիսը` «Հայ-ճապոնական հարաբերություններ. համագործակցության նոր հեռանկարներ և հնարավորություններ» թեմայով:
«Հայաստանի էներգետիկ ոլորտի հիմնախնդիրները. զուգահեռներ Վրաստանի հետ»
08.12.2017
13:00
Հայաստանի էներգետիկ համակարգում ամենազգալի խնդիրներից է սպառողի համար գազի գնի ոչ թափանցիկ ու անտրամաբանական ձեւավորումը: Պաշտոնապես Ռուսաստանը ՀՀ-ին գազը վաճառում է 1000 խորհանարդ մետրի դիմաց 150 դոլարով, բայց վերջնական սպառողը վճարում է գերթե երկու անգամ թանկ՝ 290 դոլար:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ