Բրազիլիայի դեսպանի մամլո ասուլիսը Մեդիա կենտրոնում
08.09.2017
12:00
Սեպտեմբերի 8-ին «Մեդիա կենտրոնում» տեղի ունեցավ ՀՀ-ում Բրազիլիայի արտակարգ և լիազոր դեսպան Ն. Գ. Էդսոն Մարինյո Դուարտե Մոնտեյրոյի մամլո ասուլիսը` նվիրված Բրազիլիայի Անկախության տոնին: Բրազիլիայի Անկախության օրը նշվում է սեպտեմբերի 7-ին: Այս տարի Բրազիլիան նշում էր Անկախության 195-րդ տարելիցը:

Բրազիլիայի դեսպանն ասում է, որ Անկախության տոնի կապակցությամբ Բրազիլիայում փորձում են հնարավորինս շատ նախաձեռնություններով հանդես գալ:

«Տոնի կարևորագույն մասը ռազմական շքերթն է, որը տեղի է ունենում մայրաքաղաքում դեսպանների, պաշտոնյաների մասնակցությամբ: Երևանում մենք նույնպես նշում ենք Անկախության տոնը: Հայաստանում շատ չեն բրազիլացիները, մոտ 10 բրազիլացի է ապրում, որոնց հրավիրում ենք, ինչպես նաև մեր գործընկերներին, մշակութային գործիչների, դիվանագիտական կորպուսի և կառավարության ներկայացուցիչներին»,-ասաց Էդսոն Մարինյո Դուարտե Մոնտեյրոն:

Այս տարին լրանում է նաև Հայաստան-Բրազիլիա դիվանագիտական հարաբերությունների 25-րդ տարին: Այս կոնտեքստում Բրազիլիայի դեսպանը անդրադարձավ նաև հայ-բրազիլական տնտեսական համագործակցությանը:

«Հայաստան-Բրազիլա տնտեսական համագործակցությունը սահմանափակ է: Մինչ օրս ներդրումային ծրագրեր ո՛չ Հայաստանի, ո՛չ էլ Բրազիլիայի կողմից չեն եղել: Մենք ուսումնասիրություն ենք կատարել և գտել ենք այնպիսի գործունեության ոլորտներ,  որոնք կարող են հետաքրքրել Հայաստանին, օրինակ` Բրազիլիան կարող է Հայաստանի գյուղատնտեսության և հանքարդյունաբերության ոլորտներում մեծ ներդրումներ կատարել»,-ասաց Բրազիլիայի դեսպանը:

Նա ընդգծում է, որ Հայաստան-Բրազիլիա տնտեսական հարաբերություններում միշտ գերակշռել է առևտուրը:

«Բրազիլիայից  Հայաստան կատարվող արտահանումները աճ են գրանցել, 2014-ին հասել են 39 մլն ամերկյան դոլարի, դա մինչ օրս ամենաբարձր գրանցված ցուցանիշն է եղել: Մեծ մասը եղել են սնունդ կամ այլ գյուղատնտեսական մթերքներ: Բրազիլիայից Հայաստան ներկրվում է տարբեր տեսակի մսեղեն, թռչնամիս, մասնավորապես հավի միս, կակաո:  Վերջին տարիներին մեծացել է շաքարի ներկրումը Հայաստան»,-ասում է Էդսոն Մարինյո Դուարտե Մոնտեյրոն:

Ինչ վերաբերում է Հայաստանից Բրազիլիա արտահանման ծավալներին, դեսպանը ընդգծեց, որ նույնպես շատ չեն: Հայաստանն արտահանում է Բրազիլիա հանքային նյութեր,  քիչ քանակությամբ սարքավորումներ, տեքստիլ արտադրանք: Հայաստանից Բրազիլիա  արտահանման ամենաբարձր ցուցանիշը եղել է 800.000 ԱՄՆ  դոլարի:

«Խնդիրը նրանում է, որ մենք միմյանց շուկաները լավ չենք ճանաչում, ոչ մի ուսումանսիրութուն չի արվել ոչ Բրազիլիայի կողմից, ոչ Հայաստանի կողմից: Միայն կառավարության չէ, որ պետք է քայլեր անի, պետք է մտածել մասնավոր հատվածի կողմից նախաձեռնությունների մասին: Մասնավոր սեկտորը հետարքրքված է արտահանման ծավալները խթանելու և ներդրումներ կատարելու ուղղությամբ»,-ասում է դեսպանը և ընդգծում, որ ՀՀ կառավարությունը եւս  հետաքրքրված է   երկու երկրների տնտեսական կապերի աշխուժացմամբ:

Թեև Բրազիլիան  արտադրում է հյութեր, բայց  կան այնպիպիսի մրգեր, որոնք բրազիլական շուկայում չկան:  Էդսոն Մարինյո Դուարտե Մոնտեյրոյի խոսքով, բրազիլական շուկան հետաքրքրված է հայկական ծիրանով, նռով, դեղձի հյութով, որոնք Հայաստանը կարող է արտահանել:

«Բրազիլիան տարբեր երկրներից ներմուծում է կոնյակ, գինի, գարեջուր: Ես մտածում եմ, իսկ չի կարո՞ղ Հայաստանը տեղ գտնել հենց այդ շուկայում ալկոհոլակիին խմիչքներ արտահանելով»:

Դեսպանի համար զարմանալի է, թե ինչո՞ւ Հայաստանի զարգացած ՏՏ ոլորտը ներկայացված չէ  Բրազիլայում:

Անդրադառնալով տուրիզմին` դեսպանը նշեց, որ բրազիլացի զբոսաշրջիկներն այցելում են Վրաստան, Թուրքիա, Իրան, բայց Հայաստան չեն այցելում: Ըստ նրա` այստեղ նույնպես աշխատելու և երկուստեք քայլեր կատարելու անհրաժեշտություն կա:

«Երազում եմ, որ մի օր հայ ե բրազիլացի տուրիստական գործակալությունները կաշխատեն միասին»,- ընդգծեց Բրազիլիայի դեսպանը:

Ասուլիսի վերջում դեսպանը անդրադարձավ նաև սպորտի ոլորտում` մասնավորապես ֆոտբոլը Հայաստանում զարգացնելու ուղղությամբ Հայաստան-Բրազիլիա հետագա համագործակցության հնարավորություներին և նշեց, որ այս ուղղությամբ նույնպես պետք է երկուստեք քայլեր կատարվեն:

Ասուլիսի շարունակությունը դիտեք այստեղ:

Լիլիթ Առաքելյան, «Մեդիա կենտրոն» ծրագրի խմբագիր/համակարգող:

Հեղինակի հետ կապվելու համար գրեքLilitarakelyan@pjc.am էլ. հասցեին:

 

Տեսանյութ
Print Friendly and PDF
Այլ մամլո հաղորդագրություններ
Հեռարձակվող ԶԼՄ-ների գործունեության և մեդիա ոլորտում բարեփախումների անհրաժեշտություն. Առաջարկներ ուղղված նոր կառավարությանը
21.05.2018
13:00
Հեռարձակվող ԶԼՄ-ների գործունեության և մեդիա ոլորտում բարեփոխումների անհրաժեշտության վերաբերյալ մայիսի 21-ին Մեդիա կենտրոնում տեղի ունեցավ քննարկում, որին մասնակցում էին Երևանի մամուլի ակումբի նախագահ Բորիս Նավասարդյանը, Խոսքի ազատության պաշտպանության կոմիտեի նախագահ Աշոտ Մելիքյանը և ՀՀ Հեռուստատեսության և ռադիոյի հանձնաժողովի անդամ Արմեն Մկրտչյանը:
«Այլընտրանքային հանրակրթության աջակիցների միության» ստեղծման ազդարարում
21.05.2018
12:00
Մայիսի 21-ին «Մեդիա Կենտրոնում» տեղի ունեցավ ասուլիս, որի ընթացքում ՀՀ կրթական ոլորտի ներկայացուցիչները ազդարարեցին «Այլընտրանքային հանրակրթության աջակիցների միության» ստեղծման մասին, կներկայացնեն ձևավորված միության կազմը, նպատակներն ու գործառույթները։
Թավշյա հեղափոխություն. մշակութաբանական փոփոխություններ
18.05.2018
11:00
Մշակութաբանական ի՞նչ փոփոխություններ են ակնկալվում թավշյա հեղափոխությունից: Ինչպե՞ս կառուցել ժողովրդին ծառայելու այլ մոդել, ինչպե՞ս պաշտոնյա-քաղաքացի հարաբերությունները պարզեցնել, ստեղծել կառավարման մարդակենտրոն քաղաքականություն։ Ի՞նչ փոփոխություններ են անհրաժեշտ հասարակության մեջ վարքագծային փոփոխությունների հասնելու համար:
Հոմոֆոբիայի դեմ պայքարի միջազգային օր. ԼԳԲՏԻ անձանց իրավունքների պաշտպանությունը Հայաստանում
17.05.2018
12:00
ԼԳԲՏԻՔ անձանց իրավունքների պաշտպանությամբ զբաղվող փաստաբանները հույս են հայտնում, որ քաղաքական իրավիճակի փոփոխությամբ թե դատավորները, թե փաստաբանները, թե դատախազները իրենց աշխատանքի վայրում այսուհետ կղեկավարվեն մարդու իրավունքների պաշտպանության սկզբունքով:
«Կառավարության երկարաժամկետ ու կարճաժամկետ անելիքները տնտեսության մեջ»
17.05.2018
11:00
Մայիսի 17-ին «Մեդիա կենտրոնում» տեղի ունեցավ քննարկում «Կառավարության երկարաժամկետ ու կարճաժամկետ անելիքները տնտեսության մեջ» թեմայով: Քննարկման բանախոս տնտեսագետ Արտակ Մանուկյանը նշեց, որ քաղաքական կամքի առկայության դեպքում հնարավոր է կարճ ժամանակահատվածում լուրջ հաջողություններ գրանցել։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ