Ռուսաստանի դեմ ԱՄՆ-ի նոր պատժամիջոցները ՀՀ-ի վրա անուղղակի, բայց լուրջ ազդեցություն կունենան. փորձագետներ
31.07.2017
11:00
Ռուսաստանի դեմ ԱՄՆ-ի նոր պատժամիջոցների փաթեթը Հայաստանի վրա կունենա աննուղակի ազդեցություն: Այն հիմնականում պայմանվորված կլինի ԵԱՏՄ շրջանակներում Ռուսաստանի շահերի պաշտապնությանն ուղղված մեխանիզմենրի գործադրմամբ և ՌԴ տնտեսության տարբեր ոլորտում պրոտեկցիոնիստական միտումների ուժեղացմամբ:

Մի կողմից պատժամիջոցները կհանգեցնեն Ռուսաստանի տնտեսության էլ ավելի թուլացմանը, ինչ նշանակում է, որ Մոկսվան, որ հանիդսանում է ԵԱՏՄ-ի հիմնական հավանավորը, չի կարողանա մեծ փողեր հատկացնել այդ ծրագրի զարգացման համար: Մյուս կողմից Ռուսաստանը իր շուկան ու շահերը պաշտպանելու համար նոր խաղի կանոններ կսահմանի ԵԱՏՄ շրջանակներում:

«Ռուսաստանը ԵԱՏՄ-ի միջոցով խաղի կանոններ կմտցնի, որ պաշտպանի իր արտադրողին, իրեն: Երբ Ռուսաստանը վարորդական իրավունքների մասին օրենքում փոփոխություններ արեց, որ արգելեց հայկական վարորդական իրավունք ունեցողներին աշխատել, այդ կերպ Ռուսաստանն իր տեսանկյունից ճիշտ քայլ արեց՝ պաշտպանեց իր աշխատողին: Հիմա մեր վարորդների փոխարեն ռուսները կաշխատեն», - նշում է Գլոբալիզացիայի և տարածաշրջանային հետազոտությունների կենտրոնի ղեկավար Ստեփան Գրիգորյանը:

«Մեդիա կենտրոնում» հուլիսի 31-ին Ստեպան Գրիգորյանը, Ph.D., Forbes, The National Interest և The American Thinker պարբերականների փորձագետ Արեգ Գալստյանը և տնտեսագետ Վիլեն Խաչատրյանը մասնակցեցին «Ինչպե՞ս կանդրադառնան Հայաստանի և տարածաշրջանի վրա ԱՄՆ նոր պատժամիջոցները՝ ընդդեմ Ռուսաստանի» թեմայով քննարկմանը: 

Թեպետ Թրամփը դեռ չի ստորագրել Ռուսաստանի դեմ ԱՄՆ Կոնգրեսի երկու պալատներում ընդունած պատժամիջոցների փաթերթը, սակայն փորձագետները գտնում են, որ անգամ չնայած Եվրամիության դժգոհություններին, գործընթացն անշրջելի է և օրինագծի տակ նախագահի ստորագրության հայտնվելը ընդամենը ժամանակի հարց է: 

Ամերիկայի հարցերով փորձագետ Արեգ Գալսյրանի կարծիքով ԱՄՆ-ի էլիտաներում բավականին բարդ իրավիճակ է ստեղծված Ռուսաստանի նկատմամբ քաղաքականության խստացման հարցում: «Վերջին 20 տարում ԱՄՆ-ում չի եղել մի փաստաթուղթ, որը ԱՄՆ ներկայացուցիչների պալատում և Սենատում նման մեծ աջակցություն ունենա: Այս օրենսդրական նախաձեռնությունն ունի հիմնականում ներքաղաքական դրդապատճառ: Վեց ամիս է Թրամփը նախագահում է, սակայն նրա վարչակազմի շուրջ սենսացիաները տեղի չեն տալիս ՌԴ-ի հետ կապված, ինչը գցում է նրա վարկանիշը: Իսկ դա ընդհանրապես ձեռնտու չէ Թրամփին` 2018-ի ընտրությունների նախաշեմին: Թրամփը երաշխիք չունի, որ 2020-ին հաղթանակի կհասնի: Ուստի այս ամենը Հանրապետականներն իրենց անձնական շահերից ելնելով են նաև անում», - ասաց նա՝ հավելելով, որ Թրամփն այժմ գրեթե աջակցություն չունի Կոնգրեսում:

Գալստյանի խոսքով, Թրամփին միայն աջակցում է ավանդականների ֆրակցիան, այն էլ այն բանից հետո, երբ նա արգելեց տրանսգենդերներին ծառայել ԱՄՆ զինված ուժերում:

Ըստ տնտեսագետ Վիլեն Խաչատրյանի, Ռուսաստանի դեմ պատժամիջոցների ազդեցությունը կարելի է բաժանել երկու մասի, որոնցից մեկով Հայաստանը կարող է շահած դուրս գալ: «ԱՄՆ-ն՝ Ռուսաստանի նկատմամբ պատժամիջոցները և Ռուսաստանի կիրառած հակաքայլերը, երկու կողմին էլ վնասում են: Բնականաբար դրանից ոչ ոք չի շահում, երբեմն անգամ Եվրոպան է հասկանում, որ Ռուսաստանի դեմ պատժամիջոցներից տուժում է ինքը»,- ասաց Խաչատրյանը:
Մյուս կողմից ըստ տնտեսագետի, գյուղատնտեսության ոլորտում պատժամիջոցների արդյունքնում Ռուսաստանը սկսել է մտածել ինքնաբավության մասին.«Դա հնարավորություն էր նաև Հայաստանի համար, որ մեր արտահանման բլոկով ինչ-որ առումով շահեինք սանկցիաներից: Այսինքն, այդ սանկցիաները կարող ենք բաժանել երկու մասի, բլոկի, որից կարող ենք շահել, և բլոկ, որից մենք տուժելու ենք»:

Վիլեն Խաչատրյանը նշեց, որ Հայաստանը կտուժի տրանսֆերտների առումով, որն առանց այդ էլ անկման միտում ունի.«Բնականաբար տրանսֆերտների բլոկից տուժում ենք : Հայաստանը հանդիսանում է ՌԴ-ից տրանսֆերտներ ստացող երկիր և մենք նկատում ենք, որ վերջին երկու տարիներին 2 միլիարդից տրանսֆերտները հասել են 1,3 մլրդ-ի: Իսկ եթե տրանսֆերտների մակարդակը դրանից էլ իջնի, ապա դա արդեն լուրջ հարված է: Հաջորդ բլոկը նավթի գներն են, սակայն այստեղ ամեն ինչ միանշանակ չէ, հակասություններ կան», - ասաց նա:

Ինչ վերաբերում է երրորդ բլոկին, տնտեսագետի խոսքով, արտահանման տեսանկյունից Ռուսաստանը վերածվել է այն երկրին, որտեղ ուղղվում է ՀՀ-ից արտահանվող ապրանքի մոտ 22 տոկոսը: «Այստեղ, մեր խոշորագույն գործընկերներից մեկը ենթարկվում է պատժամիջոցների: Ներմուծման մասով ևս Հայաստանն ամենաշատ ապրանք ներմուծում է Ռուսաստանից, ընդ որում ոչ միայն ռուսական ապրանք: Սա ևս հարված է, դա ենթադրում է ապրանքների թանկացում է», - ասաց նա:

Անդադառնալով Ռուսաստանի հնարավոր պրոտեկցիոնիստական քայլերին՝ Վիլեն Խաչատրյանը խոսեց Հայաստանից Ռուսաստան մեկնող աշխատանքային միգրանտների մասին, որոնք էլ իրենց հերթին կարող են տուժել պատժամիջոցներից: «Ցանկացած երկրում, երբ աշխատատեղերի կրճատումներ են լինում, առաջինը հարվածի տակ են ընկնում միգրանտները, իսկ եթե ՀՀ քաղաքացիները հետ վերադառնան, դա էլ իր բացասական ազդեցությունը կունենա», - ընդգծեց փորձագետը:  

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք arshaluismghdesyan@pjc.am հասցեին:

 

Տեսանյութ
Print Friendly and PDF
Այլ մամլո հաղորդագրություններ
«Թավշյա զրույց» Հրաչյա Հակոբյանի հետ
22.06.2018
16:00
ԱԺ «Ելք» խմբակցության պատգամավոր, «թավշյա հեղափոխության» ակտիվ մասնակից Հրաչյա Հակոբյանի կարծիքով այսօր բավականին խորը արմատներ են դրվում, որպեսզի հասարակությունը պատրաստվի գնալու ազատ և արդար ընտրությունների:
«Երկրապահ կամավորական միություն. անհրաժե՞շտ կառույց Հայաստանի համար, թե՞ ոչ»
20.06.2018
12:30
Հունիսի 20-ին Մեդիա կենտրոնում քննարկում էր ՙԵԿՄ-ն անհրաժե՞շտ կառույց է, թե՞ ոչ՚ թեմայով: Քննարկման ինֆորմացիոն առիթը ԱԱԾ-ի խուզարկությունն էր գեներալ Մանվել Գրիգորյանի առանձնատանը, որտեղ հայտնաբերվել էր ապօրինի զենք-զինամթերք, ապրիլյան պատերազմի օրերին առաջնագիծ ուղարկած օգնությունը, զինվորների համար նախատեսված սննուն, դեղորայք, հիգիենայի պարագաներ:
Մանվել Գրիգորյանը որպես բացառությու՞ն, թե՞ օրինաչափություն. ամենաթողության պատճառները
20.06.2018
11:00
Հունիսի 20-ին «Մեդիա կենտրոնում» տեղի ունեցավ քննարկում «Մանվել Գրիգորյանը որպես բացառությու՞ն, թե՞ օրինաչափություն. ամենաթողության պատճառները» թեմայով։
Հարցազրույց-ասուլիս Անդրիաս Ղուկասյանի հետ
18.06.2018
11:00
Հունիսի 18-ին «Մեդիա կենտրոնում» տեղի ունեցավ հարցազրույց-ասուլիս հասարակական, քաղաքական գործիչ Անդրիաս Ղուկասյանի հետ «Քաղբանտարկյալների պայմանական ազատում և ներքաղաքական զարգացումներ թավշյա հեղափոխությունից հետո» թեմայով։
«2017-2018 թթ. պետական գնումների համակարգի մոնիտորինգի արդյունքները»
15.06.2018
12:00
«Հանրային քաղաքականության հետազոտությունների ազգային կենտրոն» ՀԿ-ի նախագահ, տնտեսագետ Արտակ Մանուկյանը հունիսի 15-ին «Մեդիա կենտրոնում» ներկայացրեց 2017-2018 թթ. պետական գնումների համակարգի մոնիտորինգի արդյունքները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Հայաստան-Թուրքիա Միջոցառումներ