«Թափուր տեղեր՝ պետական բուհերում. պատճառներ, հետևանքներ, լուծումներ»
20.07.2017
12:00
Արդեն ավարտված են բուհերի ընդունելության քննությունները, ամփոփված արդյունքներով պարզ է դառնում, որ առկա են բազմաթիվ թափուր տեղեր վճարովի ուսուցման համակարգում:

Հուլիսի 20-ին «Մեդիա կենտրոնում» կայացած քննարկման ընթացքում հրավիրված բանախոսներ Հանրային քաղաքականության ինստիտուտի տնօրեն Արևիկ Անափիոսյանը, կրթության փորձագետ Սերոբ Խաչատրյանը և Մխիթար Սեբաստացի կրթահամալիրի տնօրեն Աշոտ Բլեյանը մեկնաբանեցին ստեղծված իրավիճակը:

Աշոտ Բլեյանը նշեց, որ դեռ ընդունելության քննությունների արդյունքները հրապարակելուց առաջ պարզ էր, որ բազմաթիվ թափուր տեղեր են մնալու:

«Թվերը համառ բան են: 2017թ.-ին 12-րդ դասարան ավարտած շրջանավարտների թիվը, ըստ պաշտոնական տվյալների, 19618 է: ԳԹԿ (Գիտելիքների թեստավորման կենտրոնում) գրանցված դիմորդների թիվը  եղել է 9073՝ առանց ներբուհականի, եթե գումարենք նաև ներբուհականը, կլինի շուրջ 10 հազար: Կառավարության ընդունած հայտնի որոշումով բուհերում վճարովի ու անվճար տեղերի քանակը 20 հազար է: Այսինքն էն գլխից հայտնի էր, որ եթե անգամ նրանք, ովքեր դիմել են՝ 10 հազար դիմորդ, բոլորը ընդունվեն, միևնույն է, իրենց հայտարարված թվից 10 հազար տեղ թափուր է մնալու»,- ասեց Աշոտ Բլեյանը:

Բանախոսը նաև հավելում է, որ ընդունելության գործը օրենքով հատկացված է բուհերին, և հենց նրանք էլ պետք է կազմակերպեն:

Հանրային քաղաքականության ինստիտուտի տնօրեն Արևիկ Անափիոսյանը ասաց, որ այսօր ունենք մի իրավիճակ, որ բուհերի առաջարկը գերազանցում է պահանջարկին: Նա համեմատականներ անցկացրեց արևմտյան զարգացած երկրների հետ, թե ինչպես է այնտեղ բուհերում կազմակերպվում առաջարկը:

«Առաջին՝ երբ կա հստակ ձևավորված պահանջարկ աշխատաշուկայի կողմից և  ինչ-որ պրոգնոստիկ հաշվարկներով տեղեր են բաշխվում բուհերում: Դրան ավելանում է նաև միջազգային համագործակցության շրջանակներում տեղերի պահանջարկը»,- նշեց Անափիոսյանը: Վերջինս գտնում է, որ Հայաստանում այսօր ունենք մի իրավիճակ, երբ չի իրականացվում ճիշտ մասնագիտական կողմնորոշում:

«Ինչու մենք ԵՊՀ իրավագիտության և միջազգային հարաբերությունների ֆակուլտետներում չունենք որևէ թափուր տեղ: Իսկ այլ մասնագիտությունների գծով շատ թափուր տեղեր կան: Բուհերը այսօր խնդիր են լուծում իրենք իրենց ֆինանսապես ապահովելու և դրա համար վճարովի տեղեր են ավելացնում՝ հույս ունենալով, որ այդ տեղերը լրացնելու հաշվին կկարողանան հավաքագրված վարձավճարներով ապահովել նաև մյուս մասնագիտությունները: Տեսեք միջազգային ֆակուլտետում ազատ տեղ չկա և դրա հաշվին պահում են ֆիզիկայի ֆակուլտետը»,- նկատեց Անափիոսյանը:

Նա նաև հավելեց, որ բուհերի ընդունելությունից սկսած մինչև ավարտելը սխալ է կազմակերպված, և փոփոխությունների անհրաժեշտություն կա:

Կրթության փորձագետ Սերոբ Խաչատրյանն էլ նշում է, որ բուհերում շատ տեղեր են հայտարարվում հոգեբանական պատճառներով. «Շատ տեղեր են հայտարարում, որ ասեն տեղերն այնքան շատ են, որ ով էլ գա, կընդունվի»:

Խաչատրյանը հավելում է նաև, որ այս իրավիճակը ստեղծվել է բազմաթիվ գործոնների պատճառով:

«Նախ Հայաստանում ընդհանրապես բուհական համակարգը պետության կողմից անուշադրության է մատնված: Այսօր պետական բուհը բյուջեից ստանում է իր եկամտի 15-20 տոկոսը: Հետևաբար այդ բուհերը ոչ թե պետական են, այլ դիմորդների վարձավճարներով ապրող բուհեր են»,- նշում է Սերոբ Խաչատրյանը՝ հավելելով, որ այս մոտեցումը սխալ է, քանի որ չի կարելի բարձիթողի վիճակ ստեղծել ու բուհերին ասել, որ գնացեք փող հավաքեք:

«Բուհերը գումար հավաքելու հետևից ընկած սկսեցին նշաձողը իջացնել»,-ասում է Սերոբյան:

Նա ազդեցիկ գործոն է համարում նաև արտագաղթը, ինչը, բնականաբար, չի կարող ազդեցություն չունենալ դիմորդների թվի վրա: Ինչպես նաև Սերոբ Խաչատրյանը ուշադրություն է հրավիրում այն հանգամանքի վրա, որ Հայաստանում այսօր մեծ թվով շրջանավարտներ գնում են արտասահմանյան բուհեր:

Բանախոսները համակարծիք էին, որ բուհական համակարգը պետք է արմատական բարեփոխումների ենթարկել այն առողջացնելու և բացասական հետևանքներով փլուզումից խուսափելու համար:

Քննարկման շարունակությունը դիտեք այստեղ: 

Տեսանյութ
Print Friendly and PDF
Այլ մամլո հաղորդագրություններ
Ռուսաստանի դեմ ԱՄՆ-ի նոր պատժամիջոցները ՀՀ-ի վրա անուղղակի, բայց լուրջ ազդեցություն կունենան. փորձագետներ
31.07.2017
11:00
Ռուսաստանի դեմ ԱՄՆ-ի նոր պատժամիջոցների փաթեթը Հայաստանի վրա կունենա աննուղակի ազդեցություն: Այն հիմնականում պայմանվորված կլինի ԵԱՏՄ շրջանակներում Ռուսաստանի շահերի պաշտապնությանն ուղղված մեխանիզմենրի գործադրմամբ և ՌԴ տնտեսության տարբեր ոլորտում պրոտեկցիոնիստական միտումների ուժեղացմամբ:
«Ընտանեկան բռնության դեպքերը 2017-ին. օրենսդրական բացերն ու կանխարգելման միջոցները»
27.07.2017
13:00
Հուլիսի 27-ին «Մեդիա կենտրոնում» տեղի ունեցավ մամլո ասուլիս «Ընտանեկան բռնության դեպքերը 2017-ին. օրենսդրական բացերն ու կանխարգելման միջոցները» թեմայով:
«Առցանց ուսուցման հնարավորությունները Հայաստանի պետական բուհերում»
27.07.2017
11:00
Հուլիսի 27-ին «Մեդիա կենտրոնում» տեղի ունեցավ քննարկում «Առցանց ուսուցման հնարավորությունները Հայաստանի պետական բուհերում» թեմայով:
«Մուրատ» ֆիլմի ցուցադրությունը Մեդիա կենտրոնում
26.07.2017
19:00
Հուլիսի 26-ին «Մեդիա կենտրոնում» տեղի ունեցավ «Մուրատ» վավերագրական ֆիլմի ցուցադրությունը:
«Լրագրողների նկատմամբ բռնությունները Սարի թաղի դեպքերի ժամանակ. գնահատականներ մեկ տարի անց»
24.07.2017
12:00
Մեկ տարի առաջ «Սասնա ծռեր» խմբավորման՝ ՀՀ ոստիկանության պարեկապահակային ծառայության (ՊՊԾ) գնդի վրա զինված հարձակմանը հաջորդած ցույցերն ու ուժային գործողությունները, ինչպես վկայում են իրավապաշտպան կազմակերպությունների ներկայացուցիչները, զուգորդվեցին ոստիկանության կողմից լրագրողների եւ օպերատորների դեմ լայնամասշտաբ բռնություններով ու մասնագիտական գործունեության խոչընդոտմամբ:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ